Мамадалиев Аброрбек Муродилла ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Картошка экиш машинасининг  миқдорлагичи конструксиясини такомиллаштириш  ва параметрларини асослаш”, 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2024.3.PhD/Т4937.
Илмий раҳбарнинг Ф.И.Ш., илмий даражаси ва унвони: Байбобоев Набижон Ғуломович, техника фанлари доктори, профессор.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса номи, ИК рақами: Наманган давлат техника университети, PhD.03/2025.27.12. Т.15.06
Расмий оппонентларнинг Ф.И.Ш., илмий даражаси ва унвони:
Норчаев Даврон Рустамович, техника фанлари доктори, профессор; Раҳмонов Хусанбой Тожиевич, техника фанлари бўйича фалсафа доктори, доцент.
Етакчи ташкилот номи: Андижон қишлоқ хўжалиги ва агротехнологиялар институти. 
Диссертация йўналиши: назарий ва амалий аҳамиятга молик.
II. Тадқиқотнинг мақсади картошка экиш машинаси миқдорлагичининг конструксиясини такомиллаштириш ва асосий параметрларини асослашдан иборат.
III. Диссертация тадқиқотининг илмий янгилиги қуйидагилардан иборат:
картошка экиш машинаси бункеридан келиб тушаётган картошка туганакларини аниқ миқдорлаб беришни таъминлайдиган, туганаклар ўлчамларига мос келувчи туйнукларга эга бўлган ва туйнукларга пружинали ростлагич жойлаштирилган дискли миқдорлагичнинг конструксияси ишлаб чиқилган;
дискнинг миқдорлаш туйнугининг диаметри картошка туганаклари туйнукдан тўсиқсиз ўтиши шарти асосида картошка туганакларининг энг катта ўлчамларининг ўртача арифметик қийматини ҳисобга олган ҳолда ҳамда дискли миқдорлагичдаги туйнуклар сони, қатордаги уялар орасидаги масофани тенг бўлишини ҳисобга олган ҳолда аниқланган;
дискли миқдорлагичнинг айланишлар сони ва бурчак тезлигини аниқловчи ифодалар, картошка туганагининг диск сиртида туганакка таъсир этувчи куч (оғирлик кучи, нормал реакция кучи, ишқаланиш кучи, Кориолис кучи)лари таъсиридан ҳаракатланиб, уруғўтказгичга тушиш шартини ҳисобга олиб топилган;
дискли миқдорлагичнинг қиялик бурчаги, туйнуклар сони ва машинанинг  ҳаракат тезлигининг мақбул қийматлари туганак уялари орасидаги масофа, туганакларни қаторда тенг тақсимланишини таъминланиши шартидан келиб чиққан ҳолда математик режалаштириш усули билан ўтказилган тажрибалардан олинган регрессия тенгламаларини ечиш орқали аниқланган.
IV. Тадқиқот натижаларнинг жорий қилиниши. Картошка экиш машинасинининг дискли миқдорлагичи конструксиясини такомиллаштириш  ва параметрларини асослаш бўйича олинган натижалар асосида:
картошка туганакларини аниқ миқдорлаш имкониятини яратиш ва иш унумини ошириш мақсадида картошка экиш машинаси учун ишлаб чиқилган дискли миқдорлагичнинг янги конструксиясининг техник ечимига Россия Федерацияси ихтироси учун патент олинган. (Дозирующий аппарат картофелепосадочной машины № 2830906, 26.11.2024 г.). Натижада картошка туганакларини аниқ миқдорлаб беришни таʼминлайдиган дискли миқдорлагичнинг янги конструксиясини ишлаб чиқиш имконияти яратилган;
дискли миқдорлагич билан жиҳозланган картошка экиш машинаси Косонсой туманининг «Бургут», «Ертикан Зилолчашмаси», «Ертикан Чаманзори» ва Тўрақўрғон туманининг «Усмон Али» фермер хўжаликларига жорий этилган (Ўзбекистон Республикаси Қишлоқ хўжалиги вазирлигининг 2025-йил 30-майдаги 05/04-04-287-сонли маʼлумотномаси). Натижада картошка экиш машинасидан фойдаланиш, уруғлик  картошка туганакларини агротехник талаб даражасида сифатли экилиши таʼминланган, мавжуд техникаларга нисбатан иш самарадорлиги 1,2-1,4 мартага ошиши аниқланган, ёнилғи сарфи 8-10 фоизга тежалишига эришилган; 
картошка экиш машинасини саноат нусхасини ишлаб чиқиш учун лойиҳа-конструкторлик ҳужжатлари (дастлабки талаблар, техник топшириқлар, техник шартлар ва техник ҳужжатлари) «БМКБ-Агромаш» АЖда лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2025-йил 30-майдаги 05/04-04-287-сонли маʼлумотномаси). Натижада конструктив жиҳатдан содда, ихчам, иш сифати агротехник талабларга жавоб берадиган, ресурстежамкор картошка экиш машинасини ишлаб чиқариш имкони яратилган.