Жуманиязова Зулфия Аитбаевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи) “Тарбиявий ишлар жараёнида кўзи ожиз ва заиф кўрувчи болаларни оилавий-қўшничилик муносабатларига тайёрлаш методикаси”, 13.00.03 - Махсус педагогика.
Диссертация мавзуси рўйхатга олинган рақам: B2025.3.PhD/Ped11081
Илмий раҳбар: Абдалова Сайяра Рустамовна, педагогика фанлари номзоди, доцент.
Диссертация бажарилган муассаса номи: Чирчиқ давлат педагогика университети.
ИК фаолият кўрсатаётган муассаса номи, ИК рақами: Чирчиқ давлат педагогика университети, PhD.01/2025.27.12.Ped.04.03.
Расмий оппонентлар: Холиқов Азамат Қахрамонович, педагогика фанлари  доктори (DSc), доцент; Тешабоева Феруза Рахимовна,  педагогика фанлари бўйича фалсафа доктори (PhD), доцент.
Етакчи ташкилот: Жиззах давлат педагогика университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади тарбиявий ишлар жараёнида кўзи ожиз ва заиф кўрувчи болаларни оилавий-қўшничилик муносабатларга тайёрлашни методик жиҳатдан ривожлантиришдан иборат.
III.Тадқиқотнинг илмий янгилиги:
кўзи ожиз ва заиф кўрувчи болаларни оилавий-қўшничилик муносабатларига тайёрлашнинг педагогик-психологик шарт-шароитлари, маконда мўлжал олишга ўргатувчи имитацион-аудиовизуал воситалардан фойдаланиш, тарбиявий машғулотларнинг дидактик функсияларига мос бўлган коррексион консентрларда адаптивлаштириш асосида аниқлаштирилган;  
кўзи ожиз ва заиф кўрувчи болаларни оилавий-қўшничилик муносабатларига тайёрлашда тарбиявий машғулотларнинг коррексион-дидактик имкониятлари, этик ва ҳуқуқ нормаларини тифлошархлаш шароитида ўргатувчи дифференциал методикаларни компенсатор-коммуникация жараёнида қўллаш ҳамда кинестетик таъсир даражаларига кўра оптималлаштириш асосида очиб берилган;
кўзи ожиз ва заиф кўрувчи болаларни оилавий-қўшничилик муносабатларига тайёрлашнинг коррексион-педагогик модели, эшитиш ва тактил сезувчанликни стимулловчи ижтимоий-эмоционал та'лим муҳитида ўқувчиларнинг ижтимоий-академик фаолиятини ахлоқий прогноз индикаторлари бўйича ташкил этиш устуворлигида ишлаб чиқилган; 
кўзи ожиз ва заиф кўрувчи болаларни оилавий-қўшничилик муносабатларига тайёрлашнинг компенсацион-ривожлантирувчи технологияларини интерактив-коммуникатив, фаол-амалий ва намунавий каби кишилик муносабатлари моделларини, эмоционал идрокни тифлокинестетик таъсирда ривожлантириш пареллели асосида индивидуал қўллаш орқали такомиллаштирилганлиги; 
IV. Тадқиқот натижаларининг жорий қилиниши. 
Тарбиявий ишлар жараёнида  кўзи ожиз ва заиф кўрувчи болаларни оилавий-қўшничилик муносабатларига тайёрлашни услубий жиҳатдан ривожлантириш юзасидан ишлаб чиқилган услубий ва амалий таклифлар асосида:
 кўзи ожиз ва заиф кўрувчи болаларни оилавий-қўшничилик муносабатларига тайёрлашнинг педагогик-психологик шарт-шароитларини яратиш маконда мўлжал олишга ўргатувчи имитасион-аудиовизуал воситалардан фойдаланиш тарбиявий машғулотларнинг дидактик функсияларига мослаштириш коррексион консентрларда адаптивлаштириш асосида таклифлар “Бошланг'ич синф ўқитувчисининг пегагогик компетентлиги” номли дарслик мазмунига сингдирилган (Ўзбекистон Республикаси Олий таълим, фан ва инновациялар вазирлигининг 2025-йил 7-октябрдаги 387-сонли маълумотномаси). Натижада ишлаб чиқилган илмий нашрлар оилавий- қўшничилик жамиятидаги тарбиявий ишларини тизимли ривожлантиришга хизмат қилган;
 кўзи ожиз ва заиф кўрувчи болаларни оилавий-қўшничилик муносабатларига тайёрлашда тарбиявий машғулотларнинг коррексион-дидактик имкониятларини этик ва ҳуқуқ нормаларини тифлошархлаш шароитида ўргатувчи дифференциал методикаларни  компенсатор-коммуникация жараёнида, кинестетик таъсир даражаларига кўра оптималлаштиришга  оид тавсиялари “Инклюзив таълим, Госпитал педагогика” номли ўқув қўлланма мазмунига сингдирилган (Ўзбекистон Республикаси Олий таълим, фан ва инновациялар вазирлигининг  2025-йил 28-ноябрдаги 6918-сонли маълумотномаси). Натижада педагогик модел  кўзи ожиз ва заиф кўрувчи болаларни оилавий-қўшничилик муносабатларга тайёрлашда тарбиявий ишларини услубий жиҳатдан тизимли ривожлантиришга хизмат қилган;
кўзи ожиз ва заиф кўрувчи болаларни оилавий-қўшничилик муносабатларига тайёрлашнинг коррексион-педагогик модели, эшитиш ва тактил сезувчанликни стимулловчи ижтимоий-эмоционал та'лим муҳитида ўқувчиларнинг ижтимоий-акдемик фаолиятини ташкил этишга оид таклифлар “Тарбиявий ишлар махсус методикаси” номли ўқув қўлланма мазмунига сигндирилган  (Ўзбекистон Республикаси Олий таълим, фан ва инновациялар вазирлигининг  2025 йил 22 декабрдаги  8297-сонли маълумотномаси). Натижада ўқувчиларнинг ахлоқий прогноз индикаторлари бўйича ташкил этишга доир методик тавсиялар амалиётга жорий этилган. Натижада, ўқувчиларга ўз яқинлари ҳамда атрофдаги тенгдошлари ва  катталар билан бевосита мулоқот қилиш, маҳалла ҳаётида иштирок этиш тажрибаси яратилди ва жамият томонидан қўллаб-қувватланаётганини ҳис этишларига замин яратилди.