Parpiev Umidjon Melievichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: 05.06.03-Teri, mo‘yna, poyabzal va teri-galanteriya buyumlari texnologiyasi “Charm xomashyosini yog‘sizlantirish jarayonining resurstexnologiyasini takomillashtirish”
Dissertatsiya mavzusi ro‘yxatga olingan raqam: B2025.1.PhD/T5412
Ilmiy rahbar: Shamsieva Maxbuba Badrievna, texnika fanlari nomzodi, dotsent.
Dissertatsiya bajarilgan muassasa nomi: Namangan davlat texnika universiteti.
IK faoliyat ko‘rsatayotgan muassasa nomi, IK raqami: Namangan davlat
texnika universiteti, DSc.03/2025.27.12.T.15.03
Rasmiy opponentlar: Ilhamova Malohat Utkurovna , texnika fanlari falsa doktori dotsent,
Qayumov Jo‘ramirza Abdiromatovich, texnika fanlari falsafa doktori,
professor;
Yetakchi tashkilot: Buxoro davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: resurstejamkor texnologiya asosida charm xomashyosini yog‘sizlantirish jarayonini takomillashtirishdan iborat.
III. Tadgqigotning ilmiy yangiligi quyidagilardan iborat: 
tadqiqotlar asosida qoldiq mahsulot gazolinning yog‘sizlantirish xususiyati ilk bor tadqiq etilib, uning tarkibi toluol, geptan, fenol, siklogeksan, oktan, etilbenzol va ksilol kabi aralash uglevodorodlardan tashkil topganligi aniqlangan;
qo‘y terilarini yog‘sizlantirish jarayonining optimal sharoiti sifatida  qoldiq mahsulot gazolin, SFM miqdorlari va pH ko‘rsatkichining maqbul qiymatlari regression matematik model orqali aniqlangan;
mavjud yog‘sizlantiruvchi moddalardan farqli bo‘lgan qoldiq mahsulot gazolin+SFM ni qo‘llab, qo‘y terilarini yog‘sizlantirish jarayonining texnologik rejimlari ishlab chiqilgan;
yuqori yog‘sizlantirish qobiliyati, past ko‘piklanish va ekologik talablarni hisobga olishni birlashtiruvchi qoldiq mahsulot gazolin va SFM kompozisiyalardan foydalanishning ustunligi isbotlangan.
Tadqiqotning amaliy natijalari quyidagilardan iborat: qo‘y terilarini yog‘sizlantirish jarayonining texnologik rejimlari ishlab chiqilgan;
kimyoviy reagentlar va suv resurslarini tejash hamda ishlab chiqarish siklini kamaytirishga erishilgan;
qoldiq mahsulot gazolin+SFM ishtirokida yog‘sizlantirish ekstraksiyalanuvchi moddalarni 1,73 va erkin formaldegidni 3,69 baravar kamaytirgan;
turli usulda yog‘sizlantirish natijasida ishchi eritma tarkibi bo‘yicha qoldiq mahsulot gazolin+SFM me’yorga to‘liq mos keladigan yagona variant bo‘lib, mexanik va kolloid ifloslanishni raqobatdosh tarkiblarga nisbatan 3,3–6,3 baravargacha kamayishiga erishilgan.
IV. Tadqiqot natijalarining joriy qilinishi. Qo‘y terilaridan astarlik charmi olishda qoldiq mahsulot gazolin+SFM asosida takomillashtirilgan yog‘sizlantirish texnologiyasi bo‘yicha olingan ilmiy-amaliy natijalar asosida:
astarlik charmi olishning yog‘sizlantirish jarayonida qoldiq mahsulot gazolin+SFM asosidagi yog‘sizlantiruvchi kompozisiya “Gold Leather Export Import” MChJ va “Yuksalish charm sanoati servis” MChJ larda ishlab chiqarishga joriy etilgan. (“Uzcharmsanoat” uyushmasining 02-07/3281-sonli ma’lumotnomasi). Natijada import mahsuloti hisoblangan SFM sarfi 73% ga qisqartirilgan, qoldiq mahsulot gazolin+SFM ishtirokida yog‘sizlantirish teri tarkibidagi ekstraksiyalanuvchi moddalarni 1,73 % ga kamayishiga va fizik-mexanik xossalarining yaxshilanishiga erishilgan.