Ганиева Дилноза Фуркатовнанинг
фан доктори (DSc) диссертацияси ҳимояси ҳақида эьлон

I. Умумий маълумотлар. Диссертация мавзуси, ихтисослик шифри (илмий даража берадиган фан тармоғи): «Оқсилли толаларнинг хоссаларини яхшилаш учун композицион полимер модификаторларнинг самарали таркиблари ва олиш технологиясини яратишнинг илмий асослари», 02.00.07 - Композицион, лок-бўёқ ва резина материаллари кимёси ва технологияси (техника фанлари). 
Диссертация мавзуси рўйхатга олинган рақам: В2025.4.DSc/Т989.
Илмий маслаҳатчи: Негматова Комила Сайибжановна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДМ.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДМ, DSc.03/2025.27.12.Т.02.06.
Расмий оппонентлар: Набиева Ирода Абдусаматовна, техника фанлари доктори, профессор; Юлчиева Сурайё Бахрамовна, техника фанлари доктори; Аманов Мухтор Рахматович, техника фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: оқсилли толаларнинг хоссаларини яхшилаш учун композицион полимер модификаторларнинг самарали таркиблари ва олиш технологиясини яратишни илмий асослашдан иборат.
III. Тадқиқотнинг илмий янгилиги:
полимер ва модификация қилувчи компонентларнинг табиати, тури, миқдори ва таркибига қараб полимер композицияларининг тузилиши ва физик-кимовий хоссаларини шакллантириш қонуниятлари аниқланди ҳамда бу ипак ва жун толаларини модификациялаш, уларнинг мустаҳкамлик ва бўяш қобилиятини оширувчи сувда яхши эрийдиган композицияларнинг самарали таркиблари ишлаб чиқилган; 
модификацияловчи композициянинг алоҳида компонентларининг роли ва уларнинг оқсил толалари билан ўзаро таъсир қилиш механизмлари аниқланган; 
полимер модификаторларининг миқдори ва табиатининг табиий толаларнинг тузилиши, деформация-мустаҳкамлик хусусиятлари ва бўяш қобилиятига таъсири аниқланган; 
сувда эрувчан полимерларнинг миқдори ва унинг таркибий қисмларининг функционал гуруҳлари ипак ва жун толаларининг фиброин билан ўзаро таъсир қилиш хусусиятига, шунингдек, уларнинг тузилиши, физик-механик хоссалари ва технологик кўрсаткичларининг шаклланишига таъсир қилиш даражаси аниқланган; 
толаларнинг технологик, структуравий ва мустаҳкамлик хусусиятларини, шунингдек, уларнинг кимёвий чидамлилигини таъминлайдиган, оқсил толаларини модификациялаш учун мўлжалланган сувда эрувчан полимер композицияларининг оптимал таркиблари ва уларни ишлаб чиқаришнинг самарали технологияси ишлаб чиқилган.
IV. Тадқиқот натижаларининг жорий қилиниши. Оқсилли толаларнинг хоссаларини яхшилаш учун композицион полимер модификаторларнинг самарали таркиблари ва олиш технологиясини яратишнинг илмий асослари бўйича олинган натижалар асосида: 
сувда эрувчан композицион полимер модификаторлар «Stampa Textile» МЧЖ ва «KOMPANIYA UNITEKS» МЧЖ корхоналарида жун ва ипак толаларини модификациялашда амалиётга жорий этилган («O‘zto‘qimachiliksanoat» уюшмасининг 2025 йил 17 ноябрдаги 02/06-2699-сонли маълумотномаси). Натижада, ишлаб чиқилган композицион полимер модификаторлар оқсилли толаларнинг узилишини 2–2,5 марта камайтириш ва бўялиш сифатини ҳамда толаларнинг физик-механик хоссаларини яхшилаш имконини берган;
композицион полимер модификаторларни олиш технологияси «Stampa Textile» МЧЖ ва «KOMPANIYA UNITEKS» МЧЖ корхоналарида жорий этилган ((«O‘zto‘qimachiliksanoat» уюшмасининг 2025 йил 17 ноябрдаги №02/06-2699-сонли маълумотномаси). Натижада, оқсилли толаларнинг модификацияланиши натижасида табиий жун толаси асосидаги матоларнинг кийгизланишини 20 % га камайтириш имконини берган;
композицион полимер модификаторларнинг самарали таркиблари табиий оқсилли толаларни модификациялаш учун «Stampa Textile» МЧЖ ва «KOMPANIYA UNITEKS» МЧЖ корхоналарида амалиётга жорий этилган ((«O‘zto‘qimachiliksanoat» уюшмасининг 2025 йил 17 ноябрдаги №02/06-2699-сонли маълумотномаси). Натижада, оқсилли жун ва ипак толаларини кўп валентли металл тузлари, глицерин ва серицин асосидаги композицион модификаторлар билан модификациялаш ва бўяш учун технологик регламент ишлаб чиқилди ҳамда табиий оқсилли толалар асосидаги газламаларнинг ғижимланишини 25 % га камайтириш имконини берган.