Xalimova Dilora Olimovaning 
falsafa doktori (PhD) dissertatsiyasi himoyasi haqidagi e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Agrar sohada ishlab chiqarish resurslaridan foydalanish samaradorligini oshirish yo‘llari (Qoraqalpog‘iston Respublikasi dehqonchiligi misolida)”, 08.00.04 – Qishloq xo‘jaligi iqtisodiyoti (iqtisodiyot fanlari).
Dissertatsiya mavzusi ro‘yxatga olingan raqam: B2025.1.PhD/Iqt4913.
Ilmiy rahbar: Ubaydullaev Kayrulla, iqtisodiyot fanlari doktori, professor.
Dissertatsiya bajarilgan muassasa nomi: Berdaq nomidagi Qoraqalpoq davlat universiteti.
IK faoliyat ko‘rsatayotgan muassasa nomi, IK raqami: Berdaq nomidagi Qoraqalpoq davlat universiteti, PhD.03/30.01.2020.I.20.06.
Rasmiy opponentlar: Doschanov Tangirbergen, iqtisodiyot fanlari doktori, professor; Burxanov Alisher Xadjimuradovich, iqtisodiyot fanlari doktori, dotsent. 
Yetakchi tashkilot: Buxora davlat universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi: Qoraqalpog‘iston Respublikasi dehqonchiligi misolida agrar sohada ishlab chiqarish resurslaridan foydalanish samaradorligini oshirish yo‘llarini aniqlash hamda ushbu yo‘nalishda ilmiy takliflar va amaliy tavsiyalar ishlab chiqishdan iborat.
III. Tadqiqotning ilmiy yangiligi:
qishloq xo‘jaligi ishlab chiqarish resurslaridan foydalanish samaradorligiga ta’sir etuvchi iqtisodiy, tashkiliy va texnologik omillar tizimli ravishda guruhlashtirilib, ularning tarmoq samaradorligiga ta’sir mexanizmi ilmiy asoslab berilgan;
agrar sohasini bozor iqtisodiyoti sharoitida rivojlantirish uchun ishlab chiqarish, qayta ishlash va realizatsiya bosqichlarini o‘zaro bog‘lovchi integratsiyalashgan boshqaruvga asoslangan strategik model` ishlab chiqilgan;
dehqonchilik tarmog‘ida mayda va o‘rta xo‘jaliklarning resurslardan birgalikda foydalanishini ta’minlash, xizmat ko‘rsatish infratuzilmasini optimallashtirish hamda innovatsion texnologiyalarni keng joriy etishga xizmat qiluvchi klasterlashuv va kooperatsiya tamoyillariga asoslangan samarali tashkiliy-boshqaruv mexanizmlari taklif etilgan;
Qoraqalpog‘iston Respublikasining tabiiy-iqlimiy sharoitlari, resurs ta’minoti va bozor ehtiyojlarini hisobga olgan holda qishloq xo‘jaligi tarmoqlarini 2029-yilgacha barqaror rivojlantirishga qaratilgan hududiy prognoz ishlab chiqilgan.
IV. Tadqiqot natijalarining joriy qilinishi.
Dehqonshilik tarmog‘ini rivojlantirish va ishlab chiqarish resurslaridan foydalanish samaradorligini oshirish bo‘yisha ishlab shiqilgan ilmiy taklif va amaliy tavsiyalar asosida:
qishloq xo‘jaligi ishlab chiqarish resurslaridan foydalanish samaradorligiga ta’sir etuvchi iqtisodiy, tashkiliy va texnologik omillar tizimli ravishda guruhlashtirilib, ularning tarmoq samaradorligiga ta’sir mexanizmini takomillashtirish bo‘yicha ishlab chiqilgan yondashuvlar Qoraqalpog‘iston Respublikasi Qishloq xo‘jaligi vazirligi amaliyotida foydalanish ushun joriy qilingan (Qoraqalpog‘iston Respublikasi Qishloq xo‘jaligi vazirligining 2024-yil 29-avgusttagi 02/06-3210-son ma’lumotnomasi). Ushbu ilmiy yangilikning joriy qilinishi natijasida qishloq xo‘jaligida iqtisodiy o‘sish sifati ta’minlangan, ishlab chiqarish va resurslar samaradorligi oshirilgan;
agrar sohasini bozor iqtisodiyoti sharoitida rivojlantirish uchun ishlab chiqarish, qayta ishlash va realizatsiya bosqichlarini o‘zaro bog‘lovchi integratsiyalashgan boshqaruvga asoslangan strategik model` Qoraqalpog‘iston Respublikasi Qishloq xo‘jaligi vazirligi amaliyotida foydalanish ushun joriy qilingan (Qoraqalpog‘iston Respublikasi Qishloq xo‘jaligi vazirligining 2024-yil 29-avgusttagi 02/06-3210-son ma’lumotnomasi). Ushbu ilmiy yangilikning joriy qilinishi ishlab chiqarish resurslarini tejashga va hosildorlikni oshirishga muayyan darajada xizmat qilgan;
dehqonchilik tarmog‘ida mayda va o‘rta xo‘jaliklarning resurslardan birgalikda foydalanishini ta’minlash, xizmat ko‘rsatish infratuzilmasini optimallashtirish hamda innovatsion texnologiyalarni keng joriy etishga xizmat qiluvchi klasterlashuv va kooperatsiya tamoyillariga asoslangan samarali tashkiliy-boshqaruv mexanizmlari Qoraqalpog‘iston Respublikasi Qishloq xo‘jaligi vazirligi amaliyotida joriy qilingan (Qoraqalpog‘iston Respublikasi Qishloq xo‘jaligi vazirligining 2024-yil 29-avgusttagi 02/06-3210-son ma’lumotnomasi). Ushbu ilmiy yangilikning joriy qilinishi natijasida Qoraqalpog‘iston Respublikasida dehqonchilik mahsulotlarining aniq natural va qiymat ko‘rsatkichlarini uy xo‘jaliklarida etishtirilgan mahsulotlari ham hisoblanilgan;
Qoraqalpog‘iston Respublikasining tabiiy-iqlimiy sharoitlari, resurs ta’minoti va bozor ehtiyojlarini hisobga olgan holda qishloq xo‘jaligi tarmoqlarini 2029-yilgacha barqaror rivojlantirishga qaratilgan hududiy prognoz koʽrsatkichlari Qoraqalpog‘iston Respublikasi Qishloq xo‘jaligi vazirligi amaliyotida joriy qilingan (Qoraqalpog‘iston Respublikasi Qishloq xo‘jaligi vazirligining 2024-yil 29-avgusttagi 02/06-3210-son ma’lumotnomasi). Mazkur prognoz natijalari mintaqada ishlab chiqarish resursalridan samarali foydalanish hisobiga qo‘shimcha imkoniyatlarni ishlab chiqarishga jalb qilishni kengaytirishga xizmat qilgan.