Раджапова Нозима Шавкатовнанинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Грек ёнғоғи барглари қуруқ экстрактини олиш ва унинг асосида БФҚ технологиясини ишлаб чиқиш», 15.00.01 – Дори технологияси (фармацевтика фанлари).
Диссертация мавзуси рўйҳатга олинган рақам: В2024.1.PhD/Far114.
Илмий раҳбар: Кариева Ёкут Саидкаримовна, фармацевтика фанлари доктори, профессор. 
Диссертация бажарилган муассаса: Тошкент фармацевтика институти.
ИК фаолият кўрсатаётган муассаса, ИК раками: Тошкент фармацевтика институти, DSc.06/2025.27.12.Far.23.01.
Расмий оппонентлар: Тухтаев Хаким Рахмонович, фармацевтика фанлари доктори, профессор;  Халилов Равшан Мураджанович, техника фанлари доктори, профессор.
Етакчи ташкилот: Ўзбекистон кимё-фармацевтика илмий тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: грек ёнғоғи (Juglans regia L.) баргларидан гельминтларга қарши таъсирга эга қуруқ экстракт олиш ва унинг асосида капсула шаклидаги БФҚ технологиясини ишлаб чиқишдан иборат. 
III. Тадқиқотнинг илмий янгилиги: 
илк бор грек ёнғоғи баргларидан юглонни экстракция қилиш учун мақбул шароитлар Бокс-Уилсон математик режалаштириш усулида аниқланган;
юглоннинг спиртли эритмасини лотин квадратлари 3×3 схема бўйича математик режалаштириш усули ёрдамида ҳавони мажбурий шамоллатиш қурилмасида қуритишнинг мақбул шароити белгиланган ва қуруқ экстракт олишнинг саноат технологияси ишлаб чиқилган;
грек ёнғоғи барглари ҚЭнинг структура-механик, фармако-технологик хоссалари ва нам ютиш кинетикасини аниқлаш натижасида капсула шаклидаги БФҚ таркиби танланган ва технологияси ишлаб чиқилган;
грек ёнғоғи барглари ҚЭ ва унинг асосидаги биологик фаол қўшимчанинг сифат ва миқдор кўрсаткичлари аниқланган ҳамда меъёрлар белгиланиб, амалдаги меъёрий ҳужжатларда кўрсатилган талабларга мувофиқлиги исботланган.
IV. Тадқиқот натижаларининг жорий қилиниши. Грек ёнғоғи барглари қуруқ экстрактини олиш ва унинг асосида БФҚ технологиясини ишлаб чиқиш бўйича олинган илмий натижалар асосида:
«Юнглон қуруқ экстракти» учун корхона фармакопея мақоласи лойиҳаси ЎзР ССВ ҳузуридаги «Фармацевтика маҳсулотлари хавфсизлиги Маркази» Давлат муассасасига рўйхатдан ўтказиш учун топширилган («Фармацевтика маҳсулотлари хавфсизлиги Маркази» Давлат муассасасининг 2025 йил 8 июлдаги 41/11-12619-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу меъёрий ҳужжатнинг тасдиқланиши самарали антигельминт дори воситасини ишлаб чиқариш имконини беради;
грек ёнғоғи барглари қуруқ экстракти асосидаги БФҚ ишлаб чиқариш бўйича Технологик йўриқнома (ТИ 27664053-16:2025) Ўзбекистон Республикаси санитария-эпидемиологик осойишталик ва жамоат саломатлиги қўмитаси томонидан тасдиқланган ва ЎзР ССВ томонидан ушбу БФҚни ишлаб чиқариш учун рухсат берилган (979471-сон рухсатнома). Натижада, «MALIKA LABORATOPIES» МЧЖда капсула шаклидаги биологик фаол қўшимчани ишлаб чиқариш имконини берган;
грек ёнғоғи барглари қуруқ экстракти учун тажриба саноат регламенти «Samarkand-England Eco-Medical» МЧЖ ҚK билан ҳамкорликда ишлаб чиқилган ва тасдиқланган (ОПР 8017-1509-2025). Мазкур ҳужжатнинг тасдиқланиши натижасида гельминтларга қарши дори воситаси учун меъёрий ҳужжатларни ўрнатилган тартибда ишлаб чиқилиши ва рўйхатга олиниши таъминланган.