Qurbonnazarov Abdimumin Ibraximovichning 
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): “Tez tebranuvchi funksiyalarni taqribiy integrallashning optimizatsiyasi va uning tatbiqi”, 01.01.03–Hisoblash matematikasi va diskret matematika (fizika-matematika fanlari).
Dissertatsiya mavzusi ro‘yxatga olingan raqam: B2024.2.PhD/FM1065
Ilmiy rahbar: Hayotov Abdullo Raxmonovich, fizika-matematika fanlari doktori, professor.
Dissertatsiya bajarilgan muassasa nomi: O‘zR FA V.I.Romanovskiy nomidagi Matematika instituti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/2025.27.12.FM.01.03 raqamli ilmiy kengash.
Rasmiy opponentlar: Uteuliev Nietbay Uteulievich, fizika-matematika fanlari doktori, professor; Eshkuvatov Zaynidin Karimovich, fizika-matematika fanlari doktori, professor.
Yetakchi tashkilot: Termiz davlat universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi differensiallanuvchi funksiyalarning Hilbert fazosida tez tebranuvchi integrallarini taqribiy hisoblash uchun optimal kvadratur formulalar qurish va ularning xatoliklarini baholash hamda olingan natijalarni kompyuter tomografiyasi tasvirlarni tiklashga tatbiq etishdan iborat.
III.Tadqiqotning ilmiy yangiligi quyidagilardan iborat:
ushbu   Hilbert fazosidagi funksiyalar uchun,   -  tartibli differensial operatorning fundamental echimidan foydalanib, Fure integrallarini taqribiy hisoblashdagi kvadratur formulaning ekstremal funksiyasi topilgan;
ushbu   Hilbert fazosida m-3 darajali ko‘phadlar, giperbolik sinus va giperbolik kosinus funksiyalariga aniq bo‘lgan kvadratur formulaning ekstremal  funksiyasi asosida xatolik funksionali normasining ko‘rinishi topilgan;
ushbu   Hilbert fazosida, Lagrangning noma’lum ko‘paytuvchilar usulidan foydalanib, xatolik funksionali normasiga shartli minimum beruvchi koeffisientlar uchun diskret Viner-Xopf tipidagi algebraik tenglamalar sistemasi olingan;
ushbu   Hilbert fazosida, Sobolev metodidan foydalanib, funksiyalarning Fure integrallarini taqribiy hisoblashda optimal kvadratur formulalarning koeffisienlari topilgan;
Fure integrallarini taqribiy hisoblash uchun qurilgan optimal kvadratur formulalar asosida, kompyuter tomografiyasidagi tasvirlar qayta tiklashning yangi algoritmi ishlab chiqilgan.
IV.Tadqiqot natijalarining joriy qilinishi: Ushbu   Hilbert fazosida giperbolik sinus, giperbolik kosinus va   - darajali ko‘phadga aniq boʻlgan optimal kvadratur formulalar qurish va ularni tatbiq qilish boʻyicha olingan natijalar asosida:
ushbu   kompleks qiymatli funksiyalarning Hilbert fazosida qurilgan optimal kvadratur formulalar IL-4821091604 raqamli “Er yuzasi tasvirlariga ishlov berish uchun presidentlar bo‘yicha hal qiluvchi qarorlarni qo‘llash orqali obektlarni identifikatsiyalashning neyrotarmoq ansambllari” mavzusidagi fundamental loyihasida erni masofadan zondlash orqali olingan tasvirlari sifatini oshirish va Fure koeffisientlarini tiklash uchun optimal parametrlarni aniqlashda foydalanilgan. (Raqamli texnologiyalar va sun’iy intellektni rivojlantirish ilmiy-tadqiqot institutining 2025-yil 12-iyundagi 01-8/391-sonli ma’lumotnomasi). Natijada, tasvirlarning sifatini yaxshilash uchun Fure koeffisientlarini tiklashning optimal parametrlarini aniqlashga imkon bergan;
ma’lum Hilbert fazolarida Fure integrallarini taqribiy hisoblash uchun olingan optimal kvadratur formula  IL-21071166 raqamli “Shamolning past tezligi uchun mo‘ljallangan vertikal o‘qli shamol trubinasini yaratish” mavzusidagi innovatsion loyihada shamol trubinalari harakatini ifodalovchi model tenglamalardagi integrallarni sonli hisoblashda foydalangan. (M.T. O‘rozboev nomidagi Mexanika va inshootlar seysmik mustahkamligi institutining 2025-yil 10-sentyabrdagi 1090-3-sonli ma’lumotnomasi). Ilmiy natijalarning qo‘llanilishi, trubinalar harakatini ifodalovchi modeldagi integrallarni taqribiy hisoblash imkonini bergan.