Бўриев Акмал Ибрагимовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Фаол композицион култошқол қўшимчасидан фойдаланиб пуццолан цементлар олишнинг “яшил” технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2025.4.PhD/Т6083.
Илмий раҳбар: Бегжанова Гулрух Бахтияровна, техника фанлари доктори, профессор.
Диссертация бажарилган муассасалар номи: Тошкент давлат техника университети «Фан ва тараққиёт» ДМ, Умумий ва ноорганик кимё институти.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДМ, DSc.03/30.12.2019.К/Т.03.01. 
Расмий оппонентлар: Туляганова Васила Суннатиллаевна, техника фанлари доктори, катта илмий ходим; Юнусова Фарида Рахмонбердиевна, техника фанлари номзоди, доцент.
Етакчи ташкилот: Фарғона давлат техника университети.
Диссертация йўналиши: амалий аҳамиятга молик.
II. Тадқиқотнинг мақсади: фаол композицион култошқол қўшимчасидан фойдаланиб пуццолан цементлар олишнинг “яшил” технологиясини ишлаб чиқишдан иборат.
III. Тадқиқотнинг илмий янгилиги:
ҚКТЧни гидравлик ва пуццолан фаоллигини аниқлаш орқали, уни пуццолан қўшимча сифатида цементга ишлатишга яроқлилиги илмий асосланган;
таркибидаги 40% портландцемент клинкери композицион култошқол қўшимчаси билан алмаштирилиб ишлаб чиқилган пуццолан  цементлардан  совуққа, иқлим ўзгаришига ва сульфатлар таъсирига бардошлилик кўрсаткичлари юқори бўлган бетонларни олиш имконияти аниқланган;
юқори асосли портландцемент клинкерини 50% гача ҚКТЧ билан алмаштириш орқали гидравлик фаоллик кўрсаткичи дастлабки ПЦ400-Д0 цементни маркаси 500 гача кўтарилган юқори пуццолан цементлар ишлаб чиқилган;
ҚКТЧ билан юқори даражада тўлдирилган пуццолан цементлар қотаётганда кечадиган гидратланиш, янги ҳосилаларни вужудга келиши ва генетик ривожланиши, композициянинг барқарор муқобил структураси шаклланиши жараёнларининг ўзига хос механизмлари аниқланган;
қуруқ чиқарилган композицион култошқол қўшимчаси билан юқори даражада тўлдирилган янги турдаги “яшил” пуццолан цементлар олишнинг янги энергия-ресурстежамкор, экологик мақсадга мувофиқ технологияси ишлаб чиқилган.
IV. Тадқиқот натижаларининг жорий қилиниши. Фаол композицион култошқол қўшимчасидан фойдаланиб пуццолан цементлар олишнинг “яшил” технологиясини ишлаб чиқиш бўйича олинган илмий натижалар асосида: 
янги турдаги пуццолан цементларнинг самарали таркиблари “Қувасойцемент” АЖ ва “Бекободцемент” АЖда амалиётга жорий этилган («O‘zsanoatqurilishmateriallari» уюшмасининг 2025 йил 20 ноябрдаги 02/15-3165-сонли маълумотномаси). Натижада, қимматбаҳо клинкерни 45%гача тежаб, пуццолан цемент таннархини арзонлаштириш ва уларни ишлаб чиқариш ҳажмини ошириш имконини берган;
таркибида композицион култошқол аралашмасини миқдори юқори бўлган янги турдаги пуццолан цементлар олишни энергия- ва ресурстежамкор технологияси “Қувасойцемент” АЖ ва “Бекободцемент” АЖда амалиётга жорий этилган («O‘zsanoatqurilishmateriallari» уюшмасининг 2025 йил 20 ноябрдаги 02/15-3165-сонли маълумотномаси). Натижада, қимматбаҳо клинкерни 45%гача тежаб, пуццолан цемент таннархини арзонлаштириш ва уларни ишлаб чиқариш ҳажмини ошириш имконини берган.