Акбаралиев Хусниддин Хурсанали ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Цилиндрсимон гармоник кулачокли механизм конструксиясини ва ҳисоблаш усулини такомиллаштириш”, 05.02.02-Механизмлар ва машиналар назарияси. Машинашунослик ва машина деталлари (техника фанлари).
Диссертация мавзуси рўйхатга олинган рақам: B2024.3.PhD/Т4882.
Илмий раҳбарнинг Ф.И.Ш., илмий даражаси ва унвони: Турдалиев Вохиджон Махсудович, техника фанлари доктори, профессор.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса номи, ИК рақами: Наманган давлат техника университети, PhD.03/30.12.2019.Т.90.01.
Расмий оппонентларнинг Ф.И.Ш., илмий даражаси ва унвони:
Кенжабоев Шукуржон Шарипович, техника фанлари доктори, профессор; Собиров Холхужа Аббозович, техника фанлари номзоди, доцент. 
Етакчи ташкилот номи: Фарғона давлат техника университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади цилиндрсимон гармоник кулачокли механизм конструксиясини ва ҳисоблаш усулини такомиллаштиришдан иборат.
III. Диссертация тадқиқотининг илмий янгилиги қуйидагилардан иборат:
технологик машиналар иш жараёнларидаги самарадорликни ошириш мақсадида ишчи органларининг бир хилдаги гармоник тебранишларини ёки ҳаракатларини таъминлайдиган цилиндрсимон гармоник кулачокли механизмнинг конструксияси ишлаб чиқилган; 
цилиндрсимон гармоник кулачокли механизм турткичнинг силжиши, тезлиги ва тезланишини аниқлаш имконини берадиган аналитик ифодалар кулачок тишлари сони ҳамда турткич ролиги таркибидаги қайишқоқ элементнинг деформация қийматини инобатга олган ҳолда ишлаб чиқилган;
цилиндрсимон гармоник кулачокли механизмнинг максимал босим бурчагини аниқлаш имконини берадиган ифодани ишлаб чиқиш орқали кулачок айланасининг радиуси ҳамда тиш баландлиги орасидаги муносабат   бўлиши аниқланган;
кулачок турткичини унинг профилига ўзаро таъсир кучини аниқлаш имконини берадиган тенглама кулачок тишлари сони ҳамда турткич ролиги таркибидаги қайишқоқ элементнинг бикирлик ва диссипатив хусусиятларини инобатга олган ҳолда ишлаб чиқилган, ҳамда таъсир кучининг ўзгариш қонуниятлари аниқланган.
IV.Тадқиқот натижаларининг жорий қилиниши. Цилиндрсимон гармоник кулачокли механизм конструксиясини ва ҳисоблаш усулини такомиллаштириш бўйича олинган натижалар асосида: 
цилиндрсимон гармоник кулачокли механизмни ишлаб чиқаришни ўзлаштириш учун лойиҳа-конструкторлик хужжатлари ва ҳисобаш усуллари Наманган вилоятидаги “УМУР ҲАКИМ” МЧЖ га жорий этилган (Қишлоқ хўжалиги Вазирлигининг 2025-йил 8-июлдаги 05/04-04-358-сон маълумотномаси). Натижада, сабзавотчилик сеялкаси экиш сексиясидаги уруғ ёювчи новнинг юритмаси учун цилиндрсимон гармоник кулачокли механизмнинг конструксиясини ишлаб чиқиш имконияти яратилган;
цилиндрсимон гармоник кулачокли механизм сабзавотчилик сеялкаси экиш сексиясидаги уруғ ёювчи новнинг юритмаси қўлланилиб, Наманган вилоятининг Норин туманидаги «Норинлик Асқаров Аҳмадали» фермер хўжалиги ва Чуст туманидаги «Хабибулло Абдуллаев» фермер хўжалигида жорий этилган (Қишлоқ хўжалиги Вазирлигининг 2025-йил 8-июлдаги 05/04-04-358-сон маълумотномаси). Натижада, тавсия этилган цилиндрсимон гармоник кулачокли механизми билан жиҳозланган сабзавотчилик сеялкаси қўлланилганда, ғалтакли экиш аппаратларини ҳар бир сексияда 2 та дан 1 та га камайишига эришилган.