Erisbaev Sabitbek Abdullaevichning 
Falsafa doktori (PhD) dissertatsiyasi himoyasi haqida e’lon 

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Statistik tizimlarda Fisher informatsiyasining baholar effektivligini aniqlashdagi ta’siri hamda uni hisoblashda modellashtirish usullarining qo‘llanilishi», 05.01.07– Matematik modellashtirish. Sonli usullar va dasturlar majmui  (fizika-matematika fanlari).
Dissertatsiya mavzusi ro‘yxatga olingan raqam: B2024.1.PhD/FM1041.
Ilmiy rahbar: Nurmuxamedova Nargiza Saydillaevna, fizika-matematika fanlari bo‘yicha falsafa doktori, (PhD) dotsent.
Dissertatsiya bajarilgan muassasa nomi: Berdaq nomidagi Qoraqalpoq davlat universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.02 raqamli ilmiy kengash.
Rasmiy opponentlar: Polatov Asxad Muxamedjanovich, fizika-matematika fanlari doktori, professor; Yusupov Jambul Ruslanovich, fizika-matematika fanlari doktori, dotsent.
Yetakchi tashkilot: Termiz davlat universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi o‘ng tomondan tasodifiy senzurlanishning informativ, qisman informativ va informativ raqobatli risklar modellarida Fisher informatsiyasining tahlili hamda uni modellashtirish usullari yordamida hisoblanishi masalalarini ko‘rib o‘tishdan iborat.
III.Tadqiqotning ilmiy yangiligi quyidagilardan iborat:
o‘ng tomondan tasodifiy senzurlanishning informativ modeli nazariy jihatdan tahlil qilinib, unga mos Fisher informatsiyasi ifodasi topilgan hamda sonli usullar yordamida hisoblangan;
informativ raqobatli risklar modeli uchun Fisher informatsiyasining analitik shakli va xususiyatlari asosida Kramer-Rao tengsizligining analogi o‘rnatilgan hamda tenglikning zaruriy va etarli shartlari proporsional intensivliklar modelida maxsus eksponensial taqsimotlar uchun isbotlangan;
ikkala tomondan informativ bo‘lmagan raqobatli risklar modeli uchun Fisher informatsiyasi topilgan;
qisman informativ senzurlanish modeli uchun baholarning effektivligini ifodalovchi quyi chegara aniqlanib, bu chegara orqali bahoning optimal nazariy chegaralari belgilab berilgan;
to‘liq bo‘lmagan kuzatishlar modellari uchun yangi algoritm va dasturiy kompleks ishlab chiqilgan, uning yordamida informativ va informativ bo‘lmagan tanlanmalar modellashtirilgan, Fisher informatsiyasini hisoblash hamda natijalarni vizual tahlil qilish imkoniyati yaratilgan.
IV.Tadqiqot natijalarining joriy qilinishi. To‘liq bo‘lmagan kuzatishlar modellaridagi Fisher informatsiyasini hisoblashdagi sstistik va sonli modellashtirishdagi olingan natijalar asosida:
to‘liq bo‘lmagan kuzatishlar modellarida Fisher informatsiyasini hisoblash OT-F4-40 “O‘lchovli funksiyalar sinfida indekslangan integral empirik protsesslarining asimptotik xossalarini tadqiq qilish” mavzusidagi fundamental loyihada protsesslarining asimptotik xossalarini tadqiq qilishda foydalanilgan (Mirzo Ulug‘bek nomidagi O‘zbekiston Milliy universitetining 2024-yil 17-oktyabrdagi 04/11-9027-sonli ma’lumotnomasi). Ilmiy natijalarning qullanilishi to‘liq bo‘lmagan kuzatishlar modellarida parametrlarning effektiv bahosini topish imkonini bergan;
informativ raqobatli risklar modelida Fisher informatsiyasini hisoblash Yo-F4-07 “Kopula funksiyalari yordamida statistik baholash va gipotezalarni tekshirish” mavzusidagi fundamental loyihada parametrlarni statistik baholashda foydalanilgan (Mirzo Ulug‘bek nomidagi O‘zbekiston Milliy universitetining 2024-yil 17-oktyabrdagi 04/11-9028-sonli ma’lumotnomasi).  Ilmiy natijalarning qullanilishi informativ raqobatli risklar modelida statistik baholash va gipotezalarni tekshirish imkonini bergan.