Расулов Отабек Абдулазизовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Замонавий босқичда Жазоирдаги ижтимоий-сиёсий ислоҳотларнинг ўзига хос жиҳатлари”, 23.00.02 - Сиёсий институтлар, жараёнлар ва технологиялар. 
Диссертация мавзуси рўйхатга олинган рақам: В2024.2.PhD/Ss501
Илмий раҳбар: Ёвқочев Шухрат Акмалевич сиёсий фанлар доктори, профессор.
Диссертация бажарилган муассаса номи: Тошкент давлат шарқшунослик университети.
ИК фаолият кўрсатаётган муассаса (муассасалар) номи, ИК рақами: Тошкент давлат шарқшунослик университети, DSc.03/29.12.2022.Ss.21.02
Расмий оппонентлар: 
Муҳаммадсиддиқов Муҳаммадолим Муҳаммадрозиқ ўғли сиёсий фанлар доктори, профессор.
Якубов Илдар Харасович сиёсий фанлар номзоди, доцент.
Етакчи ташкилот: Ўзбекистон журналистика ва оммавий коммуникациялар университети.
Диссертация йўналиши: амалий аҳамиятга молик.
II. Тадқиқотнинг мақсади: Замонавий босқичда Жазоирдаги ижтимоий-сиёсий ислоҳотларнинг ўзига хос жиҳатларини очиб бериш ва ривожланиш босқичларини таҳлил қилишдан иборат.
III. Тадқиқотнинг илмий янгилиги қуйидагилардан иборат:
Жазоир Республикаси ижтимоий-сиёсий тизимининг мураккаб тузилмаси давлат ва жамият ўртасидаги диний-маданий, муҳофазакор-секуляр, мухолифат ва ҳарбий тузилмалар ўртасидаги муносабатлар орқали намоён бўлиши ҳамда давлат бошқарувида марказлашув тизимини минималлаштиришни назарда тутувчи “постмодерн бошқарув” моделига кўра асослаб берилган;
Жазоир сиёсий тизимининг эволюциясида социализм, квазикапитализм, антиимпериализм ва миллий ғоя элементларининг уйғунлашган ҳолда фаолият юритиши ва аҳолининг талаб ва эътирозларига мослашувчан сиёсий дастур шакллантирилаётгани “давлат-оила” тамойилига асосланган давлат патернализми консепсиясидан келиб чиқиб асослаб берилган;
Жазоирдаги ижтимоий-сиёсий ислоҳотлар ва ўзгаришлар диний мухолиф гуруҳларни дунёвий бошқарув тизимига интеграция қилишга йўналтирилганлиги, вакиллик органларининг ваколатларини кенгайтириш, иқтисодий диверсификацияни нефт-газ соҳасидан бошлаш ҳамда ташаббускор ва тизимли жамоатчилик назоратини ўрнатишга қаратилган “Янги Жазоир” стратегияси асосида исботланган;
Ўзбекистон ташқи сиёсатида яқин ва узоқдаги ҳамкор давлатлар жўғрофиясини янада кенгайтириш, Ўзбекистон ва Жазоир ўртасидаги сиёсий, савдо-иқтисодий ва маданий-гуманитар соҳалардаги алоқаларни ривожлантириш орқали Марказий Осиё ва Шимолий Африка минтақалари ўзаро боғлиқлигини кенгайтириш имкониятларидан келиб чиқиб, Жазоирда Ўзбекистон Республикасининг элчихонасини очиш таклифи далилланган. 
IV. Тадқиқот натижаларининг жорий қилиниши. Жазоирдаги ижтимоий-сиёсий жараёнларнинг ўзига хос жиҳатларига оид тадқиқот натижалари асосида: 
Ўзбекистон ташқи сиёсатида яқин ва узоқдаги ҳамкор давлатлар жўғрофиясини янада кенгайтириш, Ўзбекистон ва Жазоир ўртасидаги сиёсий, савдо-иқтисодий ва маданий-гуманитар соҳалардаги алоқаларни ривожлантириш орқали Марказий Осиё ва Шимолий Африка минтақалари ўзаро боғлиқлигини кенгайтириш имкониятларидан келиб чиқиб, Жазоирда Ўзбекистон Республикасининг элчихонасини очиш таклифига оид илмий хулосалардан Ўзбекистон Республикаси Ташқи ишлар вазирлиги тизимида комплекс тизимли тадқиқот натижаларига оид таҳлилий материаллар тайёрлашда фойдаланилган (Ўзбекистон Республикаси Ташқи ишлар вазирлиги Жанубий Осиё, Яқин Шарқ ва Африка мамлакатлари билан ҳамкорлик бошқармасининг 2025-йил 7-августдаги 18/40-1948-сон Далолатномаси). Натижада олинган илмий хулоса ва таклифлар Ўзбекистон ва Жазоир ўртасидаги ҳамкорлик кўламини кенгайтиришга қаратилган икки томонлама ҳаракатлар режасини ишлаб чиқишга хизмат қилган.
Жазоир Республикаси ижтимоий-сиёсий тизимининг мураккаб тузилмаси давлат ва жамият ўртасидаги диний-маданий, муҳофазакор-секуляр, мухолифат ва ҳарбий тузилмалар ўртасидаги муносабатлар орқали намоён бўлиши ҳамда давлат бошқарувида марказлашув тизимини минималлаштиришни назарда тутувчи “постмодерн бошқарув” моделига кўра асослаб берилганига оид таҳлилий хулосалардан Ўзбекистон Республикаси Дин ишлари қўмитасининг таҳлилий ва тарғиботлар материалларини тайёрлашда фойдаланилган (Ўзбекистон Республикаси Дин ишлари қўмитасининг 2025-йил 8-августдаги 02-02/1/2203-сон далолатномаси). Натижада олинган таклиф ва тавсиялар дин ва жамият масалаларига доир яратилган илмий рисола ва китобларнинг мазмун-моҳиятини бойитишга хизмат қилган.
Жазоир иқтисодий ривожланиш модели “ижарага берувчи давлат” (рентиер стате) консепсияси доирасида таҳлил қилиниб, иқтисодий диверсификациянинг етишмаслиги ва бошқарув самарадорлигининг сустлиги ижтимоий-сиёсий беқарорлик омилларидан бири эканлигига оид хулосалардан Ўзбекистон Республикаси Ташқи ишлар вазирлиги тизимида комплекс тизимли тадқиқот маълумотномаларини тайёрлашда фойдаланилган (Ўзбекистон Республикаси Ташқи ишлар вазирлиги Жанубий Осиё, Яқин Шарқ ва Африка мамлакатлари билан ҳамкорлик бошқармасининг 2025-йил 7-августдаги 18/40-1948-сон Далолатномаси). Натижада диссертацияда билдирилган илмий хулосалар, таклиф ва тавсиялар соҳага оид ахборот-таҳлилий базани такомиллаштиришга хизмат қилган.
Жазоирдаги ижтимоий-сиёсий ислоҳотлар ва ўзгаришлар диний мухолиф гуруҳларни дунёвий бошқарув тизимига интеграция қилишга йўналтирилганлиги, вакиллик органларининг ваколатларини кенгайтириш, иқтисодий диверсификацияни нефт-газ соҳасидан бошлаш ҳамда ташаббускор ва тизимли жамоатчилик назоратини ўрнатишга қаратилган “Янги Жазоир” стратегияси асосида исботланганига оид олинган хулосалардан Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий тадқиқот маркази томонидан фойдаланилган. (Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий тадқиқот марказининг 2025-йил 12-ноябрдаги 02/548 сон далолатномаси). Натижада диссертацияда илгари сурилган назарий хулосалар, таклиф ва тавсиялар Имом Бухорий халқаро илмий тадқиқот маркази ходимлари томонидан ташкил этилган маънавий-маърифий тадбирлар маъруза матнларини мазмунан бойитишга хизмат қилган.