Нишонов Ўткирали Рахматиллаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Маҳаллий доривор ўсимликлар асосида салқин ичимликлар тайёрлаш технологиясини ишлаб чиқиш», 02.00.17 - Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: B2024.3.PhD/Т2266.
Илмий раҳбар: Атаханов Шухратжон Нуриддинович, техника фанлари доктори, профессор.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса номи, ИК рақами: Наманган давлат техника университети, DSc.03/29.08.2023.К/Т.66.02.
Расмий оппонентлар: Сагдуллаева Дилафруз Саидакбаровна, техника фанлари доктори; Дадамирзаев Музаффар Хабибуллаевич, техника фанлари бўйича фалсафа доктори (PhD).  
Етакчи ташкилот: Фарғона давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: маҳаллий доривор ялпиз (Ментҳа) ва чиннигул (Диантҳус) ўсимлик хомашёлари асосида салқин ичимликлар тайёрлаш технологиясини ишлаб чиқишдан иборат.
III. Тадқиқотнинг илмий янгилиги:
чиннигул гулбарглари ва  ялпиз ўсимликларини 60 °C-да 40 % -ли этил спиртида, 60-70 мин давомида, хомашё ва экстрагентнинг 1:10 нисбатида экстракциялаш амалга оширилганда биологик фаол моддаларни юқори миқдорда ажралиб чиқиши маълум қонуниятга бўйсиниши исботланган;
чиннигул гулбарглари ва ялпиз ўсимлигининг экстрактларидан тайёрланган салқин ичимликлар тайёрлаш технологияси ва мақбул рецептураси ишлаб чиқилган;
таклиф этилган технология асосида, чиннигул гулбарглари ва ялпиз ўсимликларининг экстрактларидан тайёрланган салқин ичимликлар таркибидаги флованоидлар, аминокислоталар,  углеводлар, витаминлар ҳамда макролементлар миқдори аниқланган;
чиннигул гулбарглари ва ялпиз барги экстракти асосида тайёрланган салқин ичимликларнинг органолептик, физик-кимёвий, микробиологик ва бактериологик кўрсаткичлари аниқланган.
IV. Тадқиқот натижаларининг жорий қилиниши. Маҳаллий доривор ўсимлик хомашёларидан ажратиб олинган экстрактлар асосида салқин ичимликлар тайёрлаш технологияси бўйича олинган илмий натижалар асосида: 
маҳаллий ўсимлик хомашёларидан ажратиб олинган экстрактлардан фойдаланиб салқин ичимликлар ишлаб чиқариш технологияси “Наманган шарбати” МЧЖ  ҳамда “Муҳаммадали ҳамкор бизнес” МЧЖларнинг “2025-2027 йилларда амалиётга жорий этиш бўйича истиқболли ишланмалар рўйҳати”га киритилган (Ўзбекистон озиқ-овқат саноат уюшмасининг 2024 йил 1 апрелдаги 01-25/04-24 сонли маълумотномаси). Натижада, чиннигул ва ялпиз ўсимликлари экстрактлари асосида тайёрланган маҳсулотларнинг синов намуналарининг органолептик кўрсаткичларини аниқлашни имконини беради;
таклиф этилган хомашёлар асосида салқин ичимликлар тайёрлаш технологияси “Тип-Топ Агро” МЧЖнинг “2025-2027 йилларда амалиётга жорий этиш бўйича истиқболли ишланмалар рўйҳати”га киритилган (Ўзбекистон озиқ-овқат саноат уюшмасининг 2024 йил 1 апрелдаги 01-25/04-24 сонли маълумотномаси). Натижада, ўсимликлардан тайёрланган ичимликларни органолептик кўрсаткичлари белгиланган меъёр кўрсаткичларга мослиги, биологик кўрсаткичлари юқори бўлган салқин ичимликлар ишлаб чиқариш имконини беради.