Сағдуллаева Манзура Муродуллаевнанинг
фалсафа доктори (PhD) диссертация ҳимояси ҳақида эълон

I. Умумий маълумотлар.
    Диссертация мавзуси, ихтисослик шифри: « Бош қисмида иссиқлик тарқалиш оператори қатнашган учинчи тартибли тенгламалар учун нолокал масалалар», 01.01.02 Дифференциал тенгламалар ва математик физика (физика-математика фанлари).
    Диссертация мавзуси рўйхатга олинган рақам: B.2023.1.PhD/FM832.
    Диссертация бажарилган муассаса номи: Ўзбекистон Миллий университети.
    ИК фаолият кўрсатаётган муассаса номи, ИК рақами: Ўзбекистон Миллий университети ҳузуридаги DSc.03/30.12.2019.FM.01.01 рақамли Илмий кенгаш.
    Илмий раҳбар: Зикиров Обиджон Салижонович, физика-математика фанлари доктори, профессор.
Расмий оппонентлар: физика-математика фанлари доктори, профессор Мирсабуров Мираҳмат (Термиз давлат университети); физика-математика фанлари доктори Собиров Зарифбой Аҳмедович  (Мирзо Улуғбек номидаги Ўзбекистон Миллий университети). 
    Етакчи ташкилот: И.В. Романовский номидаги Математика институти
    Диссертация йўналиши: назарий аҳамиятга молик.
II. Тадқиқотнинг мақсади бош қисмида иссиқлик тарқалиш оператори қатнашган учинчи тартибли тенглама учун интеграл шартли чегаравий масалаларнинг ечимларини топишдан иборат.
III. Тадқиқотнинг илмий янгилиги:
бош қисмида иссиқлик тарқалиш оператори қатнашган учинчи тартибли чизиқли дифференциал тенглама учун интеграл шартли масала чизиқли оператор ёрдамида таҳлил қилинган бўлиб, ушбу масала ечимининг мавжудлиги ва ягоналиги кетма-кет яқинлашишлар усули орқали кўрсатилган;
 иссиқлик тарқалиши жараёнларини математик моделлаштиришда учрайдиган мураккаб чегаравий шартлар остидаги масалаларга кенг татбиқ этилиши  жараёнида интеграл шартлар билан бир қаторда нолокал шартлар қўлланилиб, уларнинг биргаликда регуляр ечимининг зарурий хоссалари келтирилган;
иссиқлик тарқалиш оператори қатнашган модел тенглама учун аралаш масаланинг регуляр ечими мавжудлиги асосида иссиқлик ўтказувчанлик, диффузия ва бошқа физик жараёнларнинг чегаравий шартлари остида уларнинг хатти-ҳаракатини аниқлаш ҳамда математик моделларининг барқарорлиги классификация қилинган; 
иссиқлик тарқалиш оператори қатнашган  чизиқли дифференциал тенглама учун учинчи турдаги интеграл шартли аралаш масаланинг регуляр ечимларига А.А.Самарский типидаги нолокал чегаравий шартларнинг биргаликда қўлланилиши ёрдамида бу регуляр ечимнинг мавжудлиги ва ягоналиги исботланган. 
IV.Тадқиқот натижаларининг жорий қилиниши: Бош қисмида иссиқлик тарқалиш оператори қатнашган учинчи тартибли тенгламалар учун нолокал масалалардан олинган натижалар асосида:
қўшма типдаги тенгламалар учун бошланғич–чегаравий масала ечимининг мавжудлик ва ягоналигидан АРГЕ № АААА-А19-119072290002-9 “Камчатканинг табиий офатлари: зилзилалар ва вулқон отилишлари” номли интеграциялашган лабораторияси лойиҳасида иссиқлик тарқалиш оператори иштирок этувчи учинчи тартибли дифференциал тенгламаларнинг классик ечимларини топишда фойдаланилган (Витус Беринг номидаги Камчатка давлат университети томонидан 2021 йил 11-ноябрда берилган № 61/12-сонли маълумотнома). Диссертация натижалари иссиқлик тарқалиш оператори қатнашган учинчи тартибли тенгламалар учун интеграл шартли нолокал масалаларнинг классик ечимларини қуриш имконини берган;
иккинчи тартибли юкланган аралаш параболик–гиперболик тенгламалар учун бошланғич–чегаравий масалаларнинг регуляр ечимларини аниқлашдан № НИОКТР 122041800029-5 “Асосий ва аралаш типдаги тенгламалар учун чегаравий ва бошқарув масалалари, ҳамда уларни тақсимланган параметрли тизимларни тадқиқ этишга қўллаш” номли давлат лойиҳасида нолокал (глобал) интеграл ифодаларини қуришда фойдаланилган (Кабардино–Балкар илмий маркази томонидан 2025 йил 3-мартда берилган № 01-13/41-сонли маълумотнома). Диссертация натижаларидан амалий математика масалаларини аралаш типдаги дифференциал тенгламаларга автоматизациялаштириб ўрганишда фойдаланилган.