Абдумажидов Рустамжон Бахтиёр ўғли
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Дискли плуг корпус қирғич(бурчаккесар)и параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари)
Диссертация мавзуси рўйхатга олинган рақам: В2023.2.PhD/Т3731
Илмий раҳбар: Ишмурадов Шухрат Улуғбердиевич, техника фанлари бўйича фалсафа доктори (PhD), доцент.
Диссертация бажарилган муассаса номи: Ислом Каримов номидаги Тошкент давлат техника университети.
ИК фаолият кўрсатаётган муассаса номи, ИК рақами: Термиз давлат муҳандислик ва агротехнологиялар университети, PhD.03/28.08.2024.Т.181.02
Расмий оппонентлар: Имомқулов Қутбиддин Боқижонович, техника фанлари доктори, профессор; Бахромов Фахриддин Хузриддинович, техника фанлари номзоди, доцент.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази
Диссертация йўналиши: амалий аҳамиятга молик.
II. Тадқиқотнинг мақсади: республикамиз шароитида буғдой, ем-хашак, такрорий экинлар, сабзавот-полиз ва бошқа қишлоқ хўжалик экинлари экиладиган ерларни шудгорлашда қўлланиладиган дискли плуг корпусининг қирғич (бурчаккесар)и параметрларини асослаш орқали иш сифати ва унумини оширишдан иборат. 
III. Тадқиқотнинг илмий янгилиги:
1,4-2,0 синфдаги тракторлар билан агрегатлаб илшлатишга мўлжалланган энергия-ресурстежамкор қирғич(бурчаккесар) билан жиҳозланган дискли плугнинг конструктив схемаси ишлаб чиқилган;
ишлов берилаётган тупроқ қатламини ағдариш жараёнида тупроқ бўлагининг ҳаракатини тавсифловчи математик модел қирғич(бурчаккесар)нинг горизонталга нисбатан ўрнатилиш бурчагини ҳисобга олган ҳолда такомиллаштирилган;
қирғич(бурчаккесар) ишчи сиртининг эгрилик радиуси дискли корпус томонидан тупроқдан кесиб олинаётган палахсани қирғич(бурчаккесар) нинг ишчи сиртига тўлиқ жойлашиши ва сўнгра унинг тўлиқ ағдарилиши ҳамда ўсимлик қолдиқлари ва бегона ўтларнинг чуқур кўмилишини таʼминлаш шартидан аниқланган. 
қирғич(бурчаккесар) билан жиҳозланган дискли плугнинг таянч текислигидан пастки осиш нуқталаригача бўлган тик масофа унинг осиш қурилмаси ўлчамларини ҳисобга олган ҳолда плугнинг тупроққа етарли  ботиб юриши ва ҳайдов чуқурлиги барқарор боʻлиши ҳамда талаб этиладиган транспорт тирқиши таъминлаш шартидан асосланган.
IV. Тадқиқот натижаларининг жорий қилиниши: Дискли плугга ўрнатилган қирғич(бурчаккесар)нинг параметрларини асослаш бўйича олинган натижалар асосида:
асосий ва такрорий экинлар экиладиган ерларни шудгорлашда палахсаларнинг толиқ агдарилишини таъминлайдиган қирғич(бурчаккесар) билан жиҳозланган дискли плуг конструксиясини лойиҳалаш учун техник топшириқ ишлаб чиқилган ва тасдиқланган (Ўзбекистон Республикаси Қишлоқ хўжалиги вазирлигининг 2025-йил 10-майдаги 05/04-04/227-сон маълумотномаси). Натижада қирғич(бурчаккесар) билан жиҳозланган дискли плуг конструксиясини ишлаб чиқиш имкони яратилган;
қирғич (бурчаккесар) билан жиҳозланган дискли плуг Тошкент вилояти Янгийўл туманида жойлашган Қишлоқ хўжалигини механизациялаш илмий тадқиқот институти тажриба учаскаси, Янгийўл ва Чиноз туманлари фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2025-йил 10-майдаги 05/04-04/227-сон маълумотномаси). Натижада асосий ва такрорий экинлар экиладиган ерларни сифатли шудгорлаш ва ўсимлик қолдиқларини тўлиқ кўмиш имконига эга бўлинган.
қирғич(бурчаккесар) билан жиҳозланган дискли плугни ишлаб чиқаришни ўзлаштириш учун лойиҳа-конструкторлик ҳужжатлари (техникавий шартлар ва чизмалар) “БМКБ-Агромаш” АЖда лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2025-йил 10-майдаги 05/04-04/227-сон маълумотномаси). Натижада 1,4-2,0 синфдаги тракторлар билан агрегатлаб ишлатишга мўлжалланган қирғич(бурчаккесар) билан жиҳозланган дискли плугни ишлаб чиқариш имкони яратилган.