Сейдаметов Саидаҳмад Рахматуллаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Пўлатни индукцион тигелли печда қаттиқ шлакли аралашмалардан фойдаланиб десулфурациялаш технологиясини такомиллаштириш», 
05.02.01– « Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси» (техника фанлари).
Диссертация мавзуси рўйхатга олинган рақам: В2025.1.PhD/Т5334.
Илмий раҳбар: Турсунов Нодиржон Қаюмжонович, техника фанлари доктори, профессор.
Диссертация бажарилган муассаса номи: Тошкент давлат транспорт университети.
ИК фаолият кўрсатаётган муассаса номи, ИК рақами: Тошкент давлат транспорт университети ҳузуридаги DSc.15/27.02.2020.Т.73.02 рақамли Илмий кенгаш.
Расмий оппонентлар Ф.И.Ш., илмий даражаси ва унвони:  Абдурахманов Умарбек  физика-математика фанлари доктори, профессор; Эрматов Зиядулла Досматович – техника фанлари доктори, профессор.
Етакчи ташкилот: Навоий давлат кончилик ва технологиялар университети.
Диссертация йўналиши: амалий аҳамиятга молик.
II. Тадқиқотнинг мақсади: юк вагонларини ён рамаларини эксплуатацион хоссаларини яхшилаш учун, қаттиқ шлак аралашма ёрдамида индукцион тигелли печда металлни десулфурациялаш технологиясини такомиллаштиришдан иборат.
III. Тадқиқотнинг илмий янгилиги қуйидагилардан иборат:
индукцион тигел печида ҳарорати паст бўлган қаттиқ шлак аралашмалари ёрдамида маҳаллий ва иккиламчи металларни эриш десулфурация даражасини 60 % гача ошириш усули яратилган;
20ГЛ маркали пўлат олиш учун индукцион тигел печида металлни қаттиқ шлак аралашмалари ёрдамида десулфурация жараёнини термодинамик ва кинетик модели ишлаб чиқилган;
қаттиқ шлак аралашмалари миқдорини металларни десулфурация жараёни технологик параметрларига таъсири асосида индукцион тигел печида металлни рафинирлаш технологияси такомиллаштирилган;
металл эритмалари композиясиясини индукцион тигел печида десулфурациялаш асосида маҳаллий ва иккиламчи хомашёлардан ҳаракатланувчи таркиб юк вагонининг ён рамасини ишлаб чиқариш технологияси такомиллаштирилган. 
IV. Тадқиқот натижаларининг жорий қилиниши: Пўлатни индукцион тигелли печда қаттиқ шлакли аралашмалардан фойдаланиб десулфурациялаш технологиясини такомиллаштириш бўйича олинган илмий натижалар асосида:
маҳаллий ва иккиламчи хомашёлар асосида 20ГЛ маркали пўлат олиш учун индукцион тигел печида металлни қаттиқ шлак аралашмалари ёрдамида десулфурациялаш технологияси «Қуюв-механика заводи» АЖда амалиётга жорий этилган («Ўзбекистон Республикаси Транспорт вазирлигининг № 4/Э1029-сонли маълумотномаси). Натижада, олтингугурт миқдорини 0,033...0,015% дан кам бўлишига эришиш билан десулфурация даражасини, тайёр маҳсулот сифати ва унинг механик хусусиятларини, металлнинг макро ва микроструктурасини, темир йўл аравачалари сифатли деталларининг чиқишини 40% га ошириш ва қимматбаҳо тоза ломни арзонроғига алмаштириш (амалдаги технологияга нисбатан) имконини берган;
темир йўл харакатланувчи таркиб юк вагонларининг ён рамасини қуйма деталини ишлаб чиқишда индукцион тигел печида қаттиқ шлак аралашмаларининг рационал таркибини танлаш, металл таркибидаги олтингугуртнинг якуний миқдорини ва десулфурация жараёнидаги асосий технологик кўрсаткичларни ҳисоблаш учун ЭҲМ компютер дастури «Қуюв-механика заводи» АЖда амалиётга жорий этилган («Ўзбекистон Республикаси Транспорт вазирлигининг № 4/Э1029-сонли маълумотномаси). Натижада, темир йўл харакатланувчи таркиб юк вагонларининг ён рамасини қуйма деталини ишлаб чиқишда индукцион тигел печида қаттиқ шлак аралашмаларининг рационал таркиби миқдорини аниқлаш, металл таркибидаги олтингугуртнинг якуний миқдорини ва десулфурация жараёнидаги асосий технологик кўрсаткичларни ҳисоблаш имконини берган.