Қудратиллаев Жахонгир Зокиржон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): “Интернетдан фойдаланиш ҳуқуқининг конституциявий-ҳуқуқий асослари”, 12.00.02. – Конституциявий ҳуқуқ. Маъмурий ҳуқуқ. Молия ва божхона ҳуқуқи (юридик фанлар).
Диссертация мавзуси рўйхатга олинган рақам: B2023.2.PhD/Yu1032.
Илмий раҳбар: Беков Ихтиёр Рустамович, юридик фанлар доктори (DSc), профессор.
Диссертация бажарилган муассаса номи: Тошкент давлат юридик университети.
ИК фаолият кўрсатаётган муассаса номи, ИК рақами: Тошкент давлат юридик университети, DSc.07/30.12.2019.Yu.22.02.
Расмий оппонентлар: юридик фанлар доктори, профессор Муҳитдинова Феруза Абдурашидовна; юридик фанлар номзоди, доцент Хакимов Ғуломжон Турғунпулатович.
Етакчи ташкилот: Ўзбекистон Республикаси Ички ишлар вазирлиги академияси. 
Диссертациянинг йўналиши: назарий ва амалий аҳамиятга молик.
II. Тадқиқотнинг мақсади Ўзбекистон Республикасида Интернетдан фойдаланиш ҳуқуқининг конституциявий-ҳуқуқий асослари бўйича илмий-амалий хулоса, илмий асосланган таклиф ва тавсиялар ишлаб чиқиш, конституциявий ҳуқуқ ва эркинликлар тизимида инсоннинг субектив ҳуқуқи сифатида Интернетдан фойдаланиш ҳуқуқи консепсиясини ишлаб чиқиш, шунингдек, Интернетдан фойдаланиш ҳуқуқининг мустақил ва умумеътироф этилган инсон ҳуқуқи сифатида шаклланиши билан боғлиқ тенденсияларни аниқлашдан иборат.
III. Тадқиқотнинг илмий янгилиги қуйидагилардан иборат: 
фикрлаш, сўз ва эътиқод эркинлиги ҳамда ахборотни излаш, олиш ва тарқатиш ҳуқуқини амалга оширишнинг кафолати сифатида давлатнинг Интернет жаҳон ахборот тармоғидан фойдаланишни таъминлаш учун шарт-шароит яратиш мажбуриятини белгилаш зарурлиги асосланган;
ахборотни излаш, олиш ва тарқатишга бўлган ҳуқуқни чеклашнинг аниқ чегараси ва асосларини белгилаш зарурлиги асосланган;
Интернетдан фойдаланиш ҳуқуқини асоссиз ва номутаносиб чекланишини олдини олиш учун инсоннинг ҳуқуқ ва эркинликларни чеклашнинг аниқ чегараси ва асосларини белгилаш зарурлиги асосланган;
болаларни уларнинг соғлиғига зарар етказувчи ахборотдан ҳимоя қилишни амалга оширувчи органлар ва ташкилотлар тизимига Қорақалпоғистон Республикаси, вилоятлар ва Тошкент шаҳар, туманлар (шаҳарлар) комиссиялари ваколатли ташкилотида киритилиши зарурлиги асослаб берилган. 
IV. Тадқиқот натижаларининг жорий қилиниши. Тадқиқот иши бўйича олинган илмий натижалар қуйидагиларда фойдаланилган: 
давлатнинг Интернетда ахборот излаш, олиш ва тарқатиш ҳуқуқини таъминлаш билан боғлиқ мажбуриятларига оид таклиф 2023-йил 1-майдаги ЎРҚ-837-сон “Ўзбекистон Республикаси Конституцияси тўғрисида”ги Ўзбекистон Республикаси Конституциявий Қонунида (33-модда 3-қисм) ўз ифодасини топган (Ўзбекистон Республикаси Олий Мажлиси Қонунчилик палатаси Спикери ўринбосарининг 2024-йил 7-октябрдаги 02/6-09-67-сонли далолатномаси). Ушбу таклифнинг жорий қилиниши давлатнинг Интернетдан фойдаланиш ҳуқуқини таъминлаш билан боғлиқ техник ва нотехник мажбуриятлари Конституция даражасида мустаҳкамлаб қўйилишига хизмат қилган;
ахборотни излаш, олиш ва тарқатиш ҳуқуқи билан боғлиқ чекловларга оид таклифлар 2023-йил 1-майдаги ЎРҚ-837-сон “Ўзбекистон Республикаси Конституцияси тўғрисида”ги Ўзбекистон Республикаси Конституциясиявий Қонунида (33-модда 4-қисм) ўз ифодасини топган (Ўзбекистон Республикаси Олий Мажлиси Қонунчилик палатаси Спикери ўринбосарининг 2024-йил 7-октябрдаги 02/6-09-67-сонли далолатномаси). Унга кўра ахборотни излаш, олиш ва тарқатишга бўлган ҳуқуқни чеклашга фақат қонунга мувофиқ ҳамда фақат конституциявий тузумни, аҳолининг соғлиғини, ижтимоий ахлоқни, бошқа шахсларнинг ҳуқуқ ва эркинликларини ҳимоя қилиш, жамоат хавфсизлигини ҳамда жамоат тартибини таъминлаш, шунингдек давлат сирлари ёки қонун билан қўриқланадиган бошқа сир ошкор этилишининг олдини олиш мақсадида зарур бўлган доирада йўл қўйилиши назарда тутади. Мазкур чекловларнинг Конституцияда белгиланиши Интернетдаги қандай хусусиятдаги маълумотлар чекланиши мумкинлигини аниқлашга хизмат қилган;
инсоннинг ҳуқуқ ва эркинликлари фақат қонунга мувофиқ ва фақат конституциявий тузумни, аҳолининг соғлиғини, ижтимоий ахлоқни, бошқа шахсларнинг ҳуқуқ ва эркинликларини ҳимоя қилиш, жамоат хавфсизлигини ҳамда жамоат тартибини таъминлаш мақсадида зарур бўлган доирада чекланиши мумкинлиги, яъни қайси ҳолларда инсон ҳуқуқ ва эркинликларини чекланиши мумкинлиги оид таклифлар 2023-йил 1-майдаги ЎРҚ-837-сон “Ўзбекистон Республикаси Конституцияси тўғрисида”ги Ўзбекистон Республикаси Конституциясиявий Қонунида (21-модда  3-қисм) ўз ифодасини топган (Ўзбекистон Республикаси Олий Мажлиси Қонунчилик палатаси Спикери ўринбосарининг 2024-йил 7-октябрдаги 02/6-09-67-сонли далолатномаси). Бу орқали Интернетдан фойдаланиш ҳуқуқининг чекланиш доираси ва чекловнинг мутаносиблиги Конституция даражасида белгилаб қўйилишига хизмат қилган;
болаларни уларнинг соғлиғига зарар етказувчи ахборотдан ҳимоя қилишни амалга оширувчи органлар ва ташкилотлар тизимига оид таклифлар 2023-йил 11-апрелдаги 
ЎРҚ-829-сон “Хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилиш тизими янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонунга асосан 2017-йил 8-сентябрдаги ЎРҚ-444-сон “Болаларни уларнинг соғлиғига зарар етказувчи ахборотдан ҳимоя қилиш тўғрисида”ги Қонунида (7-модда 1-қисм 3-хатбоши, 9-модда номи, 9-модда 1-қисм 1-хатбоши ва 9-модда 2-қисми) ўз ифодасини топган (Ўзбекистон Республикаси Олий Мажлиси Қонунчилик палатаси Спикери ўринбосарининг 2024-йил 7-октябрдаги 02/6-09-67-сонли далолатномаси). Натижада болаларни уларнинг соғлиғига зарар етказувчи ахборотдан ҳимоя қилиш соҳасида болалар масалалари бўйича Қорақалпоғистон Республикаси, вилоятлар ва Тошкент шаҳар, туманлар (шаҳарлар) комиссиялари ҳам ваколатли ташкилотга айланди.
Мазкур диссертация хулосалари асосида ишлаб чиқилган Интернетдан фойдаланиш ҳуқуқини таъминлашга оид таклиф ва тавсиялари қабул қилинган.