Амиров Элбек Эгамберди ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар: 
    Диссертация мавзуси, ихтисослик шифри (илмий даража берадиган фан тармоғи номи): “Ўзбекистонда ҳуқуқшунос кадрлар тайёрлаш жараёни тарихи (Тошкент давлат юридик университети мисолида)”, 07.00.01 – Ўзбекистон тарихи (тарих фанлари).
Диссертация мавзуси рўйхатга олинган рақам:  B2023.1.PhD/Tar.1338 
Илмий раҳбар: Муминова Гавҳар Эсановна, тарих фанлари доктори, профессор
Диссертация бажарилган муассаса номи: Қарши давлат университети.
ИК фаолият кўрсатаётган муассаса номи, ИК рақами: Қарши давлат университети. PhD.03/27.02.2021.Tar.70.05.
Расмий оппонентлар: тарих фанлари доктори, профессор Юлдуз Алимовна Эргашева; тарих фанлари доктори, профессор Эшболта Атамурадович Қабулов. 
Етакчи ташкилот: Ўзбекистон Миллий университети.
Диссертация йўналиши: назарий ва амалий аҳамиятга молик.
II.Тадқиқотнинг мақсади  Ўзбекистонда ҳуқуқшунос кадрларни тайёрлаш жараёни тарихини Тошкент давлат юридик университети мисолида илмий тадқиқ этишдан иборат.
III.Тадқиқотнинг илмий янгилиги қуйидагилардан иборат: 
совет даврининг дастлабки йилларидан бошлаб, бошқарув соҳаси, суд ва адлия органларини мутахассислар билан таъминлаш мақсадида дастлаб Туркистон университети, Тошкент юридик институти (1938 – 1955), Ўрта Осиё давлат университети (ҳозирги ЎзМУ), кейинчалик Тошкент давлат университетида кадрлар тайёрлаш жараёнларининг ташкил этилиши, ХХ асрнинг 50-йилларида кадрлар тайёрлашда жиддий қисқартиришлар амалга оширилганлиги, 70-йилларга келганда қабул квоталар кўпайтирилиши, бу даврда юридик соҳа кадрлари Тошкент давлат университетидаги ҳуқуқшунослик факултетида тайёрланиши, шунингдек, таълим муассасасида илмий-тадқиқот ишларининг олиб борилганлиги асосланган; 
мустақиллик йилларида мамлакатимизда юридик таълим соҳасини ташкил этиш бўйича жиддий тадбирлар амалга оширилганлиги, юридик институт фаолиятининг такомиллаштирилиб, жамият эҳтиёжлари учун юқори малакали мутахассислар тайёрлаш жараёни ташкил этилиши, бунда асосан, ўқув-тарбиявий масалаларга катта этибор қаратилганлиги, бакалавриат, магистратура, таянч докторантура ва докторантурада илмий даражали кадрлар тайёрланганлиги, шунингдек, олий таълимни тизимли ислоҳ қилишнинг устувор йўналишлари, замонавий билим ва юксак маънавий-ахлоқий фазилатларга эга, мустақил фикрлайдиган, юқори малакали кадрлар тайёрлаш жараёнини сифат жиҳатидан янги босқичга кўтариш масалаларига ҳам алоҳида эътибор қаратилганлиги далилланган; 
Тошкент давлат юридик университети талабалар ва профессор-ўқитувчилар сони динамикаси тарихий даврларга бўлинган ҳолда аниқланиб, университетда ўқув жараёнига тўсиқ бўлиб келган сабаблар (таълим бериш жараёнида консерватив йўналишнинг устунлиги, ўқув режаларида мажбурий фанлар улушининг юқорилиги, ўқув адабиётларининг кескин танқислиги, профессор-ўқитувчиларнинг баъзилари ўқув машғулотини олиб бориш ишига масъулиясизлик билан ёндашганлиги) ва илмий ишларни ривожлантиришдаги муаммолар (илмий-тадқиқот ишларини молиялаштиришнинг пастлиги, ёш ўқитувчиларни илмий-тадқиқот ишларига жалб этишда тарғиботнинг деярли йўқлиги, университетда докторантура квоталарининг жуда камлиги ва ҳ.к.) Тошкент давлат юридик университети мисолида аниқланган;
Тошкент давлат юридик университетида ўқув-тарбиявий ишлар билан бир қаторда маънавий-маърифий ишлар самарадорлигига ҳам алоҳида эътибор қаратилганлиги, “Энг зукко китобхон”, “Ҳуқуқ билимдонлари”, “Заковат” сингари танловларнинг доимий ўтказилиши талабаларнинг интеллектуал даражасини юксалтиришга хизмат қилганлиги, шунингдек, университет профессор-ўқитувчилари ва иқтидорли талабаларининг аҳоли орасида ва ташкилот-корхоналарда ҳуқуқий онг ҳамда ҳуқуқий маданиятни юксалтириш мақсадида ташкил этилган тадбирлардаги фаол иштироки далилланган. 
IV. Тадқиқот натижаларининг жорий қилиниши. Тошкент давлат юридик университети тарихига оид ишлаб чиқилган илмий хулоса ва таклифлар асосида: 
совет даврининг дастлабки йилларидан бошлаб, бошқарув соҳаси, суд ва адлия органларини мутахассислар билан таъминлаш мақсадида дастлаб Туркистон университети, Тошкент юридик институти (1938 – 1955), Ўрта Осиё давлат университети (ҳозирги ЎзМУ), кейинчалик Тошкент давлат университетида кадрлар тайёрлаш жараёнларининг ташкил этилиши, ХХ асрнинг 50-йилларида кадрлар тайёрлашда жиддий қисқартиришлар амалга оширилганлиги, 70-йилларга келганда қабул квоталарининг кўпайтирилиши, бу даврда юридик соҳа кадрлари Тошкент давлат университетидаги ҳуқуқшунослик факултетида тайёрланиши, шунингдек, таълим муассасасида илмий-тадқиқот ишларининг олиб борилганлигига оид натижалардан Ўзбекистон миллий телерадиокампанияси “Ўзбекистон тарихи” телеканали “Тақдимот” кўрсатувининг ссенарийсини шакллантиришда фойдаланилган (“Ўзбекистон Миллий телерадиокомпанияси “Ўзбекистон” телерадиоканали” давлат муассасасининг 2023 йилнинг 20 декабрдаги 06-28-1933-сон маълумотномаси). Натижаларнинг қўлланилиши юридик таълим тарихи бўйича тасаввурларни кенгайтиришга ва ёш авлодни ватанпарварлик, миллатпарварлик руҳида тарбиялашга хизмат қилган. 
Мустақиллик йилларида мамлакатимизда юридик таълим соҳасини ташкил этиш бўйича жиддий тадбирлар амалга оширилганлиги, юридик институт фаолиятининг такомиллаштирилиб, жамият эҳтиёжлари учун юқори малакали мутахассислар тайёрлаш жараёни ташкил этилиши, бунда ўқув-тарбиявий масалаларга катта этибор қаратилганлиги, бакалавриат, магистратура, таянч докторантура ва докторантурада илмий даражали кадрлар тайёрланганлиги, шунингдек, олий таълимни тизимли ислоҳ қилишнинг устувор йўналишлари, замонавий билим ва юксак маънавий-ахлоқий фазилатларга эга, мустақил фикрлайдиган, юқори малакали кадрлар тайёрлаш жараёнини сифат жиҳатидан янги босқичга кўтариш масалаларига ҳам алоҳида эътибор қаратилганлигига оид натижалардан Ўзбекистон миллий телерадиокампанияси “Ўзбекистон тарихи” телеканали “Тақдимот” кўрсатувининг сенарийсини шакллантиришда фойдаланилган (“Ўзбекистон Миллий телерадиокомпанияси “Ўзбекистон” телерадиоканали” давлат муассасасининг 2023 йилнинг 20 декабрдаги 06-28-1933-сон маълумотномаси). Бу томошабинларнинг юридик университетда ўқув тарбиявий жараёнлар билан яқиндан таниш имкониятини яратди. 
Тошкент давлат юридик университети талабалари ва профессор-ўқитувчилари сони динамикаси тарихий даврларга бўлинган ҳолда аниқланиб, университетда ўқув жараёнига тўсиқ бўлиб келган сабаблар (таълим бериш жараёнида консерватив йўналишнинг устунлиги, ўқув режаларида мажбурий фанлар улушининг юқорилиги, ўқув адабиётларининг кескин танқислиги, профессор-ўқитувчиларнинг баъзилари ўқув машғулотини олиб бориш ишига масъулиясизлик билан ёндашганлиги) ва илмий ишларни ривожлантиришдаги муаммолар ҳақидаги маълумотлардан Тошкент шаҳар юридик техникуми фаолиятида фойдаланилган (Тошкент шаҳар юридик техникумининг 2024 йил 27 ноябрдаги 60-сон маълумотномаси). Ушбу маълумотлар ёшлар орасида университет ҳақидаги тасаввурларни шакллантиришга ёрдам берган; 
Тошкент давлат юридик университетида ўқув-тарбиявий ишлар билан бир қаторда маънавий-маърифий ишлар самарадорлигига ҳам алоҳида эътибор қаратилганлиги, “Энг зукко китобхон”, “Ҳуқуқ билимдонлари”, “Заковат” сингари доимий танловларнинг ўтказилиши талабаларнинг интеллектуал даражасини юксалтиришга хизмат қилганлиги, шунингдек, университет профессор-ўқитувчилари ва иқтидорли талабаларининг аҳоли орасида ва ташкилот-корхоналарда ҳуқуқий онг ҳамда ҳуқуқий маданиятни юксалтириш мақсадида тадбирлардаги фаол иштироки ҳақидаги маълумотлардан Қашқадарё вилоят адлия бошқармаси фаолиятида фойдаланилган (Қашқадарё вилоят адлия бошқармасининг 2024 йил 28 ноябрдаги 2-12-1/5-сон маълумотномаси). Мазкур маълумотлар жамоатчиликнинг университет маънавий-маърифий ишлар ва тарғиботчилик фаолияти ҳақида маълумотга эга бўлишига хизмат қилади.