Isomiddinov Sadirdin G‘anijonovichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Firibgarlik jinoyatlarining viktimologik profilaktikasini takomillashtirish (Ichki ishlar organlari misolida)”, “12.00.14. – Huquqbuzarliklar profilaktikasi. Jamoat xavfsizligini ta’minlash. Probatsiya faoliyati”.
Dissertatsiya mavzusi ro‘yxatga olingan raqam: B2024.2.PhD/Yu1503.
Ilmiy rahbar: Saitqulov Qodirali Abdisalimovich, yuridik fanlar bo‘yicha falsafa doktori, dotsent.
Dissertatsiya bajarilgan muassasa nomi: O‘zbekiston Respublikasi Ichki ishlar vazirligi Akademiyasi.
IK faoliyat ko‘rsatayotgan muassasa nomi, IK raqami: O‘zbekiston Respublikasi Ichki ishlar vazirligi Akademiyasi, DSc.31/30.12.2019.Yu.25.02.
Rasmiy opponentlar: Ismailov Isamidin, yuridik fanlar doktori, professor; Abdurasulova Qumriniso Raimqulovna, yuridik fanlar doktori, professor. 
Yetakchi tashkilot: O‘zbekiston Respublikasi Malaka oshirish instituti.
II. Tadqiqotning maqsadi firibgarlik jinoyatining viktimologik profilaktikasini takomillashtirishga doir ilmiy asoslangan taklif va tavsiyalar ishlab chiqishdan iborat.
III. Tadqiqotning ilmiy yangiligi:
huquqbuzarliklarning viktimologik profilaktikasi amaldagi qonunchilik doirasida belgilangan chora-tadbirlar bilan cheklanib qolmasdan, ijtimoiy munosabatlarning dinamikasi va jinoyatchilikning zamonaviy tendensiyalaridan kelib chiqib, huquqbuzarliklar profilaktikasining zamonaviy mexanizmlari va ta’sir usullarini qamrab olishi zarurligi asoslantilgan; 
firibgarlik jinoyatini sodir etish yoki undan jabrlanish ehtimoli yuqori bo‘lgan shaxslarga nisbatan profilaktik ta’sir choralarini qo‘llash jarayonida ilg‘or tajribalarga asoslanib individual viktimologik omillarni inobatga olish zarurligi asoslantirilgan; 
firibgarlik jinoyati axborot tizimidan, shu jumladan axborot texnologiyalaridan foydalanib sodir etilganligi uchun jinoiy javobgarlikni belgilash zarurligi isbotlangan; 
huquqbuzarliklardan jabrlanuvchilarga yordam ko‘rsatuvchi ixtisoslashtirilgan muassasalarga firibgarlik jinoyatidan jabr ko‘rgan shaxslarga yetkazilgan zararni undirishda yordam berish vazifasi yuklatilishi va ularning faoliyatini tashkil etish tartibini qonunchilikda aniq belgilab qo‘yish zarurligi asoslantirilgan.
IV. Tadqiqot natijalarining joriy qilinishi. Firibgarlikning viktimologik profilaktikasi faoliyatini takomillashtirish bo‘yicha olingan ilmiy natijalar asosida:
huquqbuzarliklarning viktimologik profilaktikasi amaldagi qonunchilik doirasida belgilangan chora-tadbirlar bilan cheklanib qolmasdan, ijtimoiy munosabatlarning dinamikasi va jinoyatchilikning zamonaviy tendensiyalaridan kelib chiqib, qo‘shimcha profilaktik mexanizmlar va ta’sir usullarini qamrab olishi mumkinligiga doir takliflari asosida O‘zbekiston Respublikasi “Huquqbuzarliklar profilaktikasi to‘g‘risida”gi Qonunining 44-moddasini 2-qism bilan to‘ldirilgan (O‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari institutining 2024-yil 19-avgustdagi 3/08-144-sonli dalolatnomasi). Mazkur qonunning qabul qilinishi firibgarlik jinoyatining viktimologik profilaktikasida jabrlanish ehtimoli yuqori bo‘lgan shaxslar bilan individual ishlashga xizmat qiladi;
firibgarlik jinoyatini sodir etish yoki undan jabrlanish ehtimoli yuqori bo‘lgan shaxslarga nisbatan profilaktik ta’sir choralarini qo‘llash jarayonida individual viktimologik omillarni chuqur o‘rganish va inobatga olish zarurligiga doir takliflar asosida O‘zbekiston Respublikasi ichki ishlar vazirining “Ichki ishlar organlari tomonidan huquqbuzarliklar profilaktikasini amalga oshirish tartibi to‘g‘risidagi yo‘riqnomani tasdiqlash haqida”gi buyrug‘i qabul qilingan (O‘zbekiston Respublikasi IIVning 2023-yil 22-martdagi 26/561-sonli dalolatnomasi). Mazkur buyruqning qabul qilinishi firibgarlik jinoyatidan jabrlanish ehtimoli yuqori bo‘lgan shaxslar bilan individual ishlash mexanizmlarini takomillashtirishga hissa qo‘shadi;
zamonaviy axborot tizimlari va axborot-kommunikatsiya texnologiyalari orqali sodir etilgan firibgarlik jinoyatlarining yuqori ijtimoiy xavfliligi va spesifik xususiyatlaridan kelib chiqib, ular uchun alohida jinoiy javobgarlikni belgilashga doir takliflar asosida O‘zbekiston Respublikasi Jinoyat kodeksi 168-moddasi 3-qismini “g” band bilan to‘ldirilgan (O‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari institutining 2024-yil 19-avgustdagi 3/08-144-sonli dalolatnomasi). Mazkur qonunning qabul qilinishi axborot texnologiyalari orqali sodir etiladigan  firibgarlik jinoyatidan jismoniy va yuridik shaxslarning jabrlanishini kamaytirishga xizmat qiladi;
ixtisoslashtirilgan muassasalarga firibgarlik jinoyati bo‘yicha jabrlanuvchilarga yetkazilgan zararni qoplashda yordam ko‘rsatish vazifasini yuklash va ularning ishini tashkil etish tartibini qonunchilikda belgilashga doir takliflari asosida O‘zbekiston Respublikasi “Huquqbuzarliklar profilaktikasi to‘g‘risida”gi Qonunining 45-moddasi 2-qismiga o‘zgartish va qo‘shimchalar kiritilgan (O‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari institutining 2024-yil 19-avgustdagi 3/08-144-sonli dalolatnomasi). Mazkur qonunning qabul qilinishi huquqbuzarliklardan jabrlangan shaxslarga yordam ko‘rsatuvchi ixtisoslashtirilgan muassasalarni tuzish va ularning ishini tashkil etish tartibini belgilashda qonun ustuvorligini ta’minlashga hissa qo‘shadi.