Пардаева Шаҳло Сахибжановнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кон компрессор ускуналарини совутиш тизимини такомиллаштириш», 04.00.16 – Кончилик машиналари (техника фанлари).
Диссертация мавзуси рўйхатга олинган рақам: В2025.1.PhD/Т5279.
Илмий раҳбар: Джураев Рустам Умарханович, техника фанлари доктори, профессор.
Диссертация бажарилган муассаса номи: Ўзбекистон Республикаси Фанлар академияси Навоий бўлими.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.02.
Расмий оппонентлар: Муминов Рашид Олимович, техника фанлари доктори, доцент; Юлдошов Ҳусниддин Эргашович, техника фанлари бўйича фалсафа доктори (PhD).
Етакчи ташкилот: Навоий кон-металлургия комбинати АЖ.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: совутиш тизимини такомиллаштириш асосида кон компрессор ускуналарининг эксплуатацион самарадорлигини оширишдан иборат.
III. Тадқиқотнинг илмий янгилиги:
компрессорнинг градирняли совуткичида пуркаланаётган сувнинг совутилиш самарадорлигига таъсир этувчи кўрсаткичларни ҳисоблаш имконини берувчи математик модел яратилган;
ишлаб чиқилган градирняли совуткичнинг уюрмали сув пуркаш форсункасининг сувни самарали совутилиши уюрмали форсунка куракларининг жойлашув бурчаклари ва радиусига боғлиқлиги ўрнатилган ҳамда уюрмали форсунканинг оптимал конструктив параметрлари аниқланган;
поршенли компрессорларнинг оралиқ ҳаво совуткичлари иссиқлик алмашинуви юзаларида ҳосил бўладиган қурум қалинлигининг иссиқлик алмашинуви жараёнига салбий таъсири катталикларини ҳисоблаш имконини берувчи математик модели ишлаб чиқилган;  
компрессорнинг оралиқ ва сўнгги ҳаво совуткичини металл қувурлари ички юзаларидан қурумни самарали тозалашда ултратовушли акустик қурилма ҳосил қиладиган тебранишлар амплитудаси частотаси ва импулслар давомийлигининг оптимал катталиклари аниқланган.
IV. Тадқиқот натижаларининг жорий қилиниши. Совутиш тизимини такомиллаштириш натижасида кон компрессор ускуналарининг самарадорлигини ошириш бўйича олинган илмий натижалар асосида:
компрессор градирняли совутгичининг сув тақсимлаш мосламасидаги сув пуркаш форсункаси «Олмалиқ кон-металлургия комбинати» АЖ «Ангрен» кон бошқармаси «Қизил олма» конининг компрессор станциясида амалиётга жорий этилган («Олмалиқ кон-металлургия комбинати» АЖ нинг 2023 йил 12 декабрдаги 12-23/61-2894-сон маълумотномаси). Натижада, сув пуркаш форсункасининг ишчанлиги ва самарадорлиги ошганлиги аниқланди ҳамда совутувчи айланма сувнинг ҳароратини базавий форсункага нисбатан 6℃ гача яхши совутиш имконини берган;
компрессор ҳаво совутгичларининг иссиқлик алмашинуви ускуналари юзаларида қурум кўринишидаги ифлословчи қатламларни тозалаш ва уларни ҳосил бўлишини бартараф этиш имконини берувчи ултратовуш қурилмаси «Олмалиқ кон-металлургия комбинати» АЖ «Ангрен» кон бошқармаси «Қизил олма» конининг компрессор станциясида амалиётга жорий этилган («Олмалиқ кон-металлургия комбинати» АЖ нинг 2023 йил 12 декабрдаги 12-23/61-2894-сон маълумотномаси). Натижада, ҳаво совутгичларида қурум ҳосил бўлишини 95% гача камайтиришга ҳамда компрессорнинг кутилмаган тўхталишлар сонини 35% гача камайтиришга ва оралиқ совутгичда сиқилган ҳавонинг самарали совутилиши эвазига компрессорнинг ҳаво сиқиш учун сарфланадиган энергия сарфини 2% гача камайтириш имконини берган.