Каримов Сирожиддин Қаюм ўғлининг
педагогика фанлари бўйича фалсафа доктори (PhD) 
диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Спорт такомиллашуви босқичида малакали курашчиларнинг техник-тактик таёргарлигини такомиллаштириш асосида мусобоқа самарадорлигини ошириш”, 13.00.04–Жисмоний тарбия, спорт машғулотлари, соғломлаштириш ва адаптив жисмоний тарбия назарияси ва методикаси, педагогика фанлари.
Диссертация мавзуси рўйхатга олинган рақам: B2025.2.PhD/Ped10464.
Илмий раҳбар: Мирзанов Шерзод Сирлибаевич педагогика фанлари бўйча фалсафа доктири (PhD), профессор
Диссертация бажарилган муассаса номи: Ўзбекистон давлат жисмоний тарбия ва спорт университети.
Илмий Кенгаш фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped.28.01.
Расмий оппонентлар: Газиев Шукуржон Шухрат ўғли педагогика фанлари доктори (DSc), доцент; Ташназаров Джасур Ёлдашвич педагогика фанлари доктори (DSc), доцент.
Етакчи ташкилот: Мирзо Улуғбек номидаги Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади спорт такомиллашуви босқичидаги малакали курашчиларнинг техник-тактик таёргарлигини такомиллаштириш асосида мусобақа фаолияти самарадорлигини оширишдан иборат. 
III. Тадқиқотнинг илмий янгилиги қуйидагилардан иборат:
спорт такомиллашув босқичидаги малакали курашчиларни техник тайёргарлигини ошириш учун техник-тактик ҳаракатларнинг фаоллиги, ишончлилиги, самарадорлиги ва хилма-хиллигини мусобақа фаолиятида йетакчи параметрларини аниқлаш ҳисобига техник хатоларни бартараф этиш имкониятлари кенгайтирилган;
спорт такомиллашуви босқичида ёш курашчиларнинг тактик ҳаракатларини такомиллаштиришга қаратилган мусобақа олди мезоцикли ва таркибий компонентларини инобатга олган ҳолда микроциклларнинг  оқилона тузилмасини такомиллаштириш ҳисобига мусобақаларга тизимли тайёрлаш самарадорлиги оширилган;
спорт такомиллашув гуруҳ машғулотларини режалаштириш учун малакали курашчиларнинг ўқув-машғулот жараёнини тузилиши ва комбинацион кураш олиб бориш услубини такомиллаштириш асосида масъулиятли мусобақаларга тайёргарлик босқичида тажрибавий тайёргарлик дастурини ишлаб чиқиш ҳисобига курашчиларни комплекс тайёрлаш имкониятлари кенгайтирилган;
малакали курашчиларни жисмоний тайёргарлигини ошириш учун оёқларни портловчи кучи, елка камари мушак кучи, орқа мушаклари ҳамда қорин муашаклар кучини ривожлантиришга қаратилган оғирликдаги машқлар меъёрини тақсимлаш орқали табақалаштирилган машқлар мажмуасидан фойдаланиш ҳисобига куч турларини оператив ривожлантириш имкониятлари оширилган.
IV. Тадқиқот натижаларининг жорий қилиниши. спорт такомиллашуви босқичидаги малакали курашчиларнинг техник-тактик таёргарлигини такомиллаштириш жараёнида олинган натижалар асосида:
спорт такомиллашув босқичидаги малакали курашчиларни техник тайёргарлигини ошириш учун техник-тактик ҳаракатларнинг фаоллиги, ишончлилиги, самарадорлиги ва хилма-хиллигини мусобақа фаолиятида йетакчи параметрларини аниқлаш бўйича таклиф ва тавсиялар “Ўқув-машқ босқичида машғулотларни ташкил этиш (Кураш)” дарслиги мазмунига сингдирилган (Ўзбекистон Республикаси Спорт вазирлигини 2025-йил 16-апрелдаги 02-16/3834-сонли буйруғига асосан). Натижада, малакали курашчиларнинг мусобақаларга бевосита тайёргарлик босқичида техник тайёргарлиги 17 % га ошган;
спорт такомиллашуви босқичида ёш курашчиларнинг тактик ҳаракатларини такомиллаштиришга қаратилган мусобақа олди мезоцикли ва уни ташкил этувчи микроциклларининг энг оқилона тузилмасини такомиллаштириш бўйича таклиф ва тавсиялар Чирчиқ олимпия ва паралимпия спорт турларига тайёрлаш маркази курашчиларнинг машғулот жараёнига татбиқ қилинган (Ўзбекистон Республикаси Спорт вазирлигининг 2025-йил 16-апрелдаги 02-16/3834-сон рақамли маълумотномаси). Натижада, малакали курашчиларнинг тактик тайёргарлиги ўртача 15,2% га яхшиланган;
спорт такомиллашув гуруҳ машғулотларини режалаштириш учун малакали курашчиларнинг ўқув-машғулот жараёнини оқилона тузиш ва комбинацион кураш олиб бориш услубини такомиллаштириш асосида масъулиятли мусобақаларга тайёргарлик босқичида тажрибавий тайёргарлик дастурини ишлаб чиқиш бўйича таклиф ва тавсиялар Республика олимпия ва паралимпия спорт турларига тайёрлаш маркази курашчиларининг машғулотларига татбиқ қилинган (Ўзбекистон Республикаси Спорт вазирлигининг 2025-йил 16-апрелдаги 02-16/3834-сон рақамли маълумотномаси). Натижада, курашчиларнинг жисмоний тайёргарлиги кўрсаткичлари ўртача 15% га яҳшиланган; 
малакали курашчиларни жисмоний тайёргарлигини ошириш учун оёқларни портловчи кучи, елка камари мушак кучи,орқа мушаклари ҳамда қорин муашаклар кучини ривожлантиришга қаратилган оғирликдаги машқлар меъёрини тақсимлаш орқали табақалаштирилган машқлар мажмуасини ишлаб чиқиш бўйича таклиф ва тавсиялар “Сурхондарё вилояти Шўрчи тумани 2-сон спорт мактаб” спорт такомиллашуви босқичида малакали курашчиларнинг машғулот жараёнга тадбиқ этилди. (Ўзбекистон Республикаси Спорт вазирлигининг 2025-йил 16-апрелдаги 02-16/3834-сон рақамли маълумотномаси). Натижада, Ўзбекистон чемпионати ва жаҳон чемпионати якунларига кўра 
2 курашчилар ўрта вазн тоифасида биринчи ва иккинчи ўринларни эгаллашган.