Курбаниязов Алишер Сапарниязовичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қорақалпоғистон шароитида ерларни экишга  тайёрлайдиган комбинациялашган агрегатни ишлаб чиқиш ва параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2024.2.PhD/Т4721.
Илмий раҳбар: Тўхтақўзиев Абдусалим, техника фанлари доктори, профессор.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01.
Расмий оппонентлар: Имомқулов Қутбиддин Боқижонович, техника фанлари доктори, профессор; Науризбаев Аллияр Осербаевич, техника фанлари бўйича фалсафа доктори.
Етакчи ташкилот: Гулистон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Қорақалпоғистон шароитида даладан бир ўтишда тупроқни экишга тайёрлайдиган комбинациялашган агрегат ишлаб чиқиш ва у иш органларининг параметрларини асослаш орқали иш сифати ва унумини ошириш, ёнилғи ва бошқа харажатлар сарфини камайтиришдан иборат.
III. Тадқиқотнинг илмий янгилиги: 
Қорақалпоғистон шароитида ерларга экиш олдидан ишлов берадиган комбинациялашган агрегатнинг технологик иш жараёни ва конструктив схемаси у даладан бир ўтишда тупроқни белгиланган чуқурликка юмшатиши, майдалаши ва талаблар даражасида зичлаши лозимлигини ҳисобга олиб ишлаб чиқилган;
комбинациялашган агрегат иш органларининг параметрларини аниқлаш имконини берадиган аналитик боғлиқликлар тупроққа кам энергия сарфлаб талаблар даражасида ишлов берилиши таъминланиши шартидан келтириб чиқарилган;
комбинациялашган агрегат тишининг умумий ва пастки ўткирланган учининг узунликлари ҳамда тишлар изларининг кенглиги дала юзасига тўлиқ ва тупроққа белгиланган чуқурликка ишлов берилишини ҳисобга олган ҳолда асосланган; 
текислагич-зичлагичнинг параметрлари тупроқни талаб даражасида текислаш ва зичлаш лозимлиги шартидан келтириб чиқарилган аналитик ифодалар асосида аниқланган.
IV. Тадқиқот натижаларининг жорий қилиниши. Қорақалпоғистон шароитида ерларни экишга тайёрлайдиган комбинациялашган агрегатни ишлаб чиқиш ва параметрларини асослаш бўйича олинган натижалар асосида:
ерларни экишга тайёрлайдиган комбинациялашган агрегатга дастлабки талаблар ва техник топшириқ ишлаб чиқилган ҳамда Ўзбекистон Республикаси Адлия вазирлиги ҳузуридаги “Интеллектуал мулк маркази” давлат муассасининг “Тупроққа ишлов бериш учун комбинациялашган агрегат”, ФАП 2777 рақамли фойдали моделга патенти олинган. Натижада бир ўтишда тупроқни белгиланган чуқурликка юмшатиб, майдалайдиган ва талаблар даражасида зичлайдиган комбинациялашган агрегатнинг конструктив схемасини ишлаб чиқиш имкони яратилган;
ишлаб чиқилган ерларни экишга тайёрлайдиган комбинациялашган агрегатнинг тажриба нусхаси Қорақалпоғистон Республикаси Чимбой туманининг “Дихан-Дамир” фермер хўжалиги, Нукус туманининг “Мойли экинлар селекцияси-уруғчилиги ва етиштириш агротехнологиялари ўқув илмий маркази” хўжалиги, Кегейли туманининг “Арислан-шарwа” фермер хўжалиги ҳамда Қорақалпоғистон деҳқончилик илмий-тадқиқот институти тажриба хўжалигида жорий этилган (Қорақалпоғистон Республикаси Қишлоқ хўжалиги вазирлигининг 2025-йил 24-мартдаги 02/017-717-сон маълумотномаси) Натижада ерларни экишга тайёрлашда тупроқнинг уваланиш даражаси (ўлчами 25-мм бўлган фракциялар миқдори) 81,3-83,4 фоизни, дала юзасидаги нотекисликлар баландликларининг ўртача квадратик четланиши ±1,67-1,54 cм ни, тупроқнинг зичлиги эса 1,14-1,16 г/cм3 ни ташкил этган, меҳнат сарфи 40 фоизга ҳамда бир гектар ерга сарфланадиган эксплуатацион харажатлар 50 фоизга камайган;
ишлаб чиқилган ерларни экишга тайёрлайдиган комбинациялашган агрегатнинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) “БМКБ-Агромаш” АЖ да лойиҳалаш жараёнига жорий этилган (“БМКБ-Агромаш” АЖ нинг 2025-йил 05-февралдаги №01-08-сон маълумотномаси). Натижада асосланган параметрларга эга бўлган ерларни экишга тайёрлайдиган комбинациялашган агрегатни саноат усулида ишлаб чиқариш имкони яратилган.