Муродов Камол Жумаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Транспорт воситаси ҳаракати механик энергиясини  электр энергиясига айлантириш қурилмасини ишлаб чиқиш”, 05.05.06-“Қайта тикланадиган энергия турлари асосидаги энергия қурилмалари”.
Диссертация мавзуси рўйхатга олинган рақам: В2025.1.PhD/Т4907.
Илмий раҳбар: Тоиров Зувур, техника фанлари номзоди, доцент.
Диссертация бажарилган муассаса номи: Бухоро давлат техника университети (олдинги Бухоро муҳандислик-технология институти).
ИК фаолият кўрсатаётган муассаса номи, ИК рақами: Бухоро давлат техника университети ҳузуридаги илмий даража берувчи PhD.03/27.09.2024.Т.101.05 рақамли илмий кенгаш. 
Расмий оппонентлар: Ахадов Жобир Замирович - техника фанлари доктори, катта илмий ходим; Абдукаримов Бекзод Абобакирович - техника фанлари бўйича фалсафа доктори PhD, доцент.
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Транспорт воситаси ҳаракати механик энергиясини электр энергияга айлантирадиган қурилмасини ишлаб чиқиш ва параметрларини асослашдан иборат.
III. Тадқиқотнинг илмий янгилиги:
илк маротаба электро-механика қонунларига асосланган стерженнинг илгариланма-қайтма ҳаракати пўлат арқон билан уланган лентасимон пружинали диск орқали генераторни роторини ҳаракатга келтирувчи, транспорт ҳаракатидан ҳосил бўлувчи механик сиқилиш энергиясидан электр энергий ишлаб чиқилган (№ ФАП 01841);
транспорт воситаси ҳаракати ва қуёш панеллари орқали энергия ишлаб чиқариш қурилмасининг самарадорлигини ошириш мақсадида, сунъий нотекислик қопқоғини босиб ўтувчи транспорт воситаси массаси ва ўтиш интенсивлигининг ишлаб чиқарилган электр энергияга таъсири натурал экспериментлар асосида аниқланган;
транспорт воситаси ҳаракати давомида ҳосил бўладиган механик энергияни электр энергия ишлаб чиқариш жараёнига самарали узатишни таъминловчи қурилма қопқоғини горизонтал ҳолатдан қия текисликка ўтказувчи пружинанинг оптимал бикирлик параметри илмий асосланган ҳолда аниқланган;
диск орқали генераторни ҳаракатга келтирувчи лентасимон пружинанинг бурама бикирлик параметрининг оптимал қийматлари назарий механик қонунлар асосида илмий жиҳатдан аниқланган. 
IV. Тадқиқот натижаларининг жорий қилиниши: Бухоро вилоятининг транспорт воситаси йўлларидаги сунъий нотекисликларда ўрнатилган транспорт воситаси ҳаракати механик энергиясини электр энергияга айлантирадиган қурилмасини ишлаб чиқиш ҳамда параметрларини асослаш бўйича олинган натижалар асосида: 
транспорт воситаси ҳаракати механик энергиясини электр энергияга айлантирадиган қурилмаси учун Ўзбекистон Республикаси Адлия вазирлиги Интеллектуал мулк агентлигининг фойдали моделига патент олинган (№ ФАП 01841). Натижада 10 дона қурилма орқали ўртача  12,77 млн. сўм маблағни бир йил давомида иқтисод қилишга эришилган. 
 транспорт воситаси ҳаракати  механик энергиясини  электр энергиясига айлантириш қурилмаси Бухоро вилояти “БУХГРОДИЕНТ” МЧЖ ва “ТОЗА СУВ-САЛОМАТЛИК КАЛИТИ” МЧЖ корхоналари  худудидаги транспорт воситалари кўп қатнов қисмида жорий қилинган (Ўзбекистон Республикаси Энергетика вазирлигининг 28.10.2024-йилги №  04-18-8755-сонли ва  Транспорт вазирлигининг 14.01.2025-йилги №4/419-сонли маълумотномалари). Натижада сунъий нотекислик қопқоғи устидан ўтадиган транспорт воситаларининг вақт бирлиги ичидаги сони, массаси (интенсивлиги ва зичлиги) ўзгаришига боғлиқ равишда қурилма тизимининг ишлаб чиқарадиган фойдали энергиясининг ўртача миқдори бир йилда 1 дона қурилма учун 1277 кW· га эришилган.