Бердиев Шерзод Алимардоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Култиватор ишчи органларининг ресурсини ошириш учун нитрооксидлаш технологиясини ишлаб чиқиш”, 05.07.02–“Қишлоқ хоъжалиги ва мелиорация техникаларини ишлатиш, тиклаш ва таъмирлаш”, 05.02.01–“Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси” (техника фанлари).
Диссертация мавзуси рўйхатга олинган рақам: В2024.4.PhD/Т5143
Илмий раҳбарлар: Нуриев Карим Катибович, техника фанлари доктори, профессор; Эшкабилов Холикул Каршиевич, техника фанлари номзоди, профессор 
Диссертация бажарилган муассаса номи: Қарши давлат техника университети 
ИК фаолият кўрсатаётган муассаса номи, ИК рақами: Қарши давлат техника университети, PhD.03/30.06.2020.Т.111.02. 
Расмий оппонентлар: Бозоров Аминжон Нуриллаевич, техника фанлари доктори, доцент; Тоиров Илҳом Жоъраевич,  техника фанлари номзоди, доцент. 
Етакчи ташкилот: Бухоро давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади култиватор ишчи органларини нитрооксидлаш йоъли билан ресурсини ошириш технологиясини такомиллаштириш орқали агрегатдан фойдаланиш харажатларини, меҳнат сарфини камайтириш ва иш унумини оширишдан иборат.
III. Тадқиқотнинг илмий янгилиги: 
култиватор ишчи органлари сиртида коррозияга бардошли ва ейилишга чидамли диффузион нитрид-оксид қопламалари ҳосил бўлиши сиртларини нитрооксидлаш усули билан пухталаш орқали асосланган; 
култиватор ишчи органлари сиртини дастлаб газли муҳитда азотлаш ва кейинги босқичда сув буғларида оксидлаш жараёнлари  талаб қилинган ресурсларни таъминловчи композит нитрид-оксид қоплама олиш технологик режимларини ҳисобга олган ҳолда аниқланган;
култиватор ишчи органлари деталлари сиртида коррозияга бардошли ва ейилишга чидамли композит қоплама олишнинг мақбул режимлари нитрид қатламини оксидлашда ҳосил бўлган қатламдаги азот консентрацияси ва фазавий ўзгаришлар математик талқинлари асосларида аниқланган;
экспериментал тадқиқотлар асосида сирти пухталанган култиватор ишчи органи материали ейилиши миқдорининг сирт қаттиқлигига, тупроқнинг босимига ва ишқаланиш тезлигига боғлиқликлари ўзгаришининг қонуниятларини ифодаловчи регрессия тенгламаси олинган;
култиватор ишчи органлари ишлаш муддатининг 2-3 мартага ошиши нитрооксидлаш натижасида сиртларда кам азотли γ'-нитрид ва унинг сиртида Фе3О4 дан иборат бўлган коррозияга ва ейилишга бардошли диффузион нитрид-оксид қоплама шаклланиши натижасида асосланган.
IV. Тадқиқот натижаларининг жорий қилиниши: Култиватор ишчи органларининг ресурсини ошириш учун нитрооксидлаш технологиясини ишлаб чиқиш боъйича олинган натижалар асосида: 
“Коррозияга ва ейилишга юқори чидамли металл материаллар олиш учун нитрооксидлаш технологияси” тажриба-технологик регламенти ишлаб чиқилган (Оъзбекистон Республикаси қишлоқ хоъжалиги вазирлигининг 2025-йил 9-апрелдаги 05/04-04-144-сон маълумотномаси). Натижада юқори ресурсли култиватор ишчи органларини ишлаб чиқиш имкони яратилган;
нитрооксидлаб ишлов беришнинг такомиллаштирилган технологияси асосида ресурси орттирилган култиватор ишчи органлар “Қарши глобал агросервис” МЧЖ да дала синовлардан оътказилиб, ишлаб чиқаришга жорий этилган (Қишлоқ хоъжалиги вазирлигининг 2025-йил 9-апрелдаги 05/04-04-144-сон маълумотномаси). Натижада култиватор ишчи органларининг иш ресурси 2-3 мартага ортган ва эҳтиёт қисмлар сарфи камайган; 
нитрооксидлаш ёрдамида ишлов берилган култиватор ишчи органларини лойиҳа-конструкторлик ҳужжатлари “Қарши таъмирлаш заводи” МЧЖ ва “Агрегат заводи” АЖ да лойиҳалаш жараёнига жорий этилган (Қишлоқ хўжалиги вазирлигининг 2025-йил 9-апрелдаги 05/04-04-144-сон маълумотномаси). Натижада нитрооксидлаб ишлов бериб, коррозия чидамлилиги 6-8 марта ва ейилишга чидамлилиги 2-3 мартагача орттирилган култиватор ишчи органларини сериялаб ишлаб чиқариш имкони яратилган.