Жолдасова Айзада Бекбаулиевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: 05.06.02–Тўқимачилик материаллари технологияси ва хомашёга дастлабки ишлов бериш - “Кўйлакбоп матоларни ишлаб чиқаришнинг технологик параметрларини ишлаб чиқиш”.
Диссертация мавзуси рўйхатга олинган рақам: B2024.2.PhD/Т3972 
Илмий раҳбар:  Даминов Аскарали Давлатович, техника фанлари доктори, профессор.
Диссертация бажарилган муассаса номи: Бердақ номидаги Қорақалпоқ давлат университети.
ИК фаолият кўрсатаётган муассаса номи, ИК рақами: Наманган давлат техника университети, DSc.03/04.10.2025.Т.174.01
Расмий оппонентлар: Алиева Дилбар Ганиевна, техника фанлари доктори, доцент; Даминов Асрор Маҳмаюсупович, техника фанлари бўйича фалсафа доктори PhD.
Етакчи ташкилот: Бухоро давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кўйлакбоп матоларни ишлаб чиқаришнинг технологик параметрларини ишлаб чиқиш орқали маҳсулот сифатини яхшилашдан иборат.
III.Тадқиқотнинг илмий янгилиги қуйидагилардан иборат:
механик моделдаги матонинг фазавий тузилишига асосланган ҳолда иплар орасидаги ишқаланишнинг механик параметрларини ҳисоблаш орқали такомиллашган кўйлакбоп мато олиш усули ишлаб чиқилган;
илк бор пахта, жун, зиғир, ипак иплари ҳамда уларнинг аралашмаларидан тайёрланган тўқимачилик материалларининг ишқаланиш коеффициентини ўлчаш қурилмасининг конструксияси ишлаб чиқилган;  
тўқимадаги танда ипи тўлдирувчанлигининг арқоқ ипи тўлдирувчанлигига нисбатини ҳисобга олган ҳолда, арқоқ ипини тўқима четига жипслаштириш пайтидаги танда ипининг таранглигини аниқловчи математик модел ишлаб чиқилган;  
кўйлакбоп матоларини ишлаб чиқаришда танда иплари узилишининг танланган омилларга боғлиқлигини тавсифловчи иккинчи тартибли математик модел олинган.
IV. Тадқиқот натижаларининг жорий қилиниши. Янги тузилишдаги тўқимани яратиш ва уни тўқув дастгоҳида ҳосил бўлиш жараёнини муқобиллаш бўйича ўтказилган тадқиқот натижалари асосида:
Янги кўйлакбоп матоларни ишлаб чиқаришнинг муқобил технологик параметрлари “Бўстон Мега текстил” МЧЖ ва “Элликқалъа Деним” МЧЖ корхоналарида ишлаб чиқаришга жорий этилган (“Ўзтўқимачиликсаноат” уюшмасининг 2024 йил 6-ноябрдаги №03/25-2913 сонли маълумотномаси). Натижада янги тузилишдаги кўйлакбоп тўқиманинг ҳаво ўтказувчанлиги 25% га, гигроскопиклиги 12% га, ғижимланмаслиги 35% га, бурамдорлиги 5% ва маҳсулот самарадорлиги 4,8% га ортишига эришилган.