Маҳамаджонов Содиқжон Йўлдашбой ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “МикроГЭС асинхрон генераторини Статик иш режимларини моделлаштириш”, 05.05.02 ‒ “Электротехника. Электр энергия станциялари, тизимлари. Электротехник мажмуалар ва қурилмалар” (техника фанлари).
Диссертация мавзуси роъйхатга олинган рақам: B2025.1. PhD/Т3943
Илмий раҳбар: Ахмедов Абдурахман Паттахович, ф-м.ф.н., доцент.
Диссертация бажарилган муассаса номи: Андижон давлат техника институти.
ИК фаолият коърсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.15/31.08.2022.Т.73.07 рақамли Илмий кенгаш. 
Расмий тақризчилар: Бедрицкий Иван Михайлович, техника фанлари доктори, профессор; Толипов Жамшид Нурбекович, техника фанлари фалсафа доктори, катта илмий ходим.
Етакчи ташкилот: “Тошкент давлат техника университети”.
II. Тадқиқотнинг мақсади. МикроГЭС таркибида ишловчи қисқа туташган роторли асинхрон генераторнинг статик иш режимини моделлаштириш ва чиқиш кучланишини стабиллаш схемасини ишлаб чиқишдан иборат.
III. Тадқиқотнинг илмий янгилиги:
автоном ишловчи микроГЭС таркибидаги қисқа туташган роторли асинхрон генераторнинг статик иш режимларини математик модели қўзғатувчи конденсатор элементи сиғимини ҳисобга олиш орқали такомиллаштирилган;
микроГЭС таркибидаги қисқа туташган роторли асинхрон генераторнинг магнит тўйиниш коеффициентини ҳисобга олиш орқали электромагнит моментини юқори аниқликда ҳисоблашга имкон берувчи усул такомиллаштирилган;
автоном микроГЭС таркибидаги асинхрон генераторнинг конденсатор ва индуктив элементлардан иборат  комбинацияланган реактив қувватни компенсацияловчи тизимининг схемаси ишлаб чиқилган;
қисқа туташган роторли асинхрон генераторнинг статик иш режимини математик модел асосида ҳисоблаш алгоритми ҳамда электромагнит моментни аниқлашга мўлжалланган классик ва Клосс усулларини ўзаро солиштириш алгоритмлари ишлаб чиқилган.
IV. Тадқиқот натижаларининг жорий қилиниши. МикроГЭС асинхрон генераторни статик иш режимларини моделлаштириш бўйича олинган натижалар асосида:
автоном микроГЭС таркибидаги асинхрон генераторнинг конденсатор ва индуктив элементлардан иборат комбинацияланган реактив қувватни компенсацияловчи тизим “АГРО ПРОДСТАР” фермер хўжалигида жорий этилган (“Ўзбекистон фермер, деҳқон хўжаликлари ва томорқа ер эгалари” кенгашининг 2023-йил 28-февралдаги 01-03-0439‒сон маълумотномаси). Натижада генераторнинг чиқиш кучланиши стабил ҳолатда сақлашга эришилди ва автоном ишловчи асинхрон генераторнинг юкламага боғлиқ ҳолда кучланиш пасайишини камайтириш имконияти яратилинган;
микроГЭС таркибида конденсатор элементлари орқали қўзғатиладиган қисқа туташган роторли асинхрон генератор асосида электр энергиясини ишлаб чиқарувчи гидроенергетик тизим “АГРО ПРОДСТАР” фермер хўжалигида жорий этилган (“Ўзбекистон фермер, деҳқон хўжаликлари ва томорқа ер эгалари” кенгашининг 2023-йил 28-февралдаги 01-03-0439‒сон маълумотномаси). Натижада фермер хўжалигини ер майдонларини суғориш учун мўлжалланган насос қурилмаларини, қисқа туташган роторли асинхрон генераторнинг статик иш режимларидаги чиқиш кучланишини барқарорлаштириш орқали электр энергияси билан таъминлаш ҳисобига 109 350 000 сўм иқтисод қилинган.