Эшмуродов Отабек Ражабовичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Нефт ва газ қазиб олишни кўпайтириш мақсадида скважинларда мураккаб капитал таъмирлаш сифатини ошириш», 04.00.11 – Қудуқларни бурғилаш ва ўзлаштириш технологияси (техника фанлари).
Диссертация мавзуси рўйхатга олинган рақам: B2024.4.PhD/Т3073.
Илмий раҳбар: Умедов Шерали Холлоқович, техника фанлари доктори, профессор.
Диссертация бажарилган муассаса номи: Тошкент давлат техника университети..
ИК фаолият кўрсатаётган муассаса номи, ИК рақами: “ЎЗЛИТИНЕФТГАЗ” АЖ, DSc.23/25.08.2021.Т.136.01.
Расмий оппонентлар: Акилов Жаҳон, физика-математика фанлари доктори, профессор; Рахимов Рахмонберди Мовламбердиевич, техника фанлари номзоди..
Етакчи ташкилот: Бухоро давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ювувчи суюқлиги таркибида композицион кўп функсияли енгиллаштирувчиларни қўллаш орқали скважиналарни мураккаб капитал таъмирлаш сифатини оширишдан иборат.
III. Тадқиқотнинг илмий янгилиги:
скважиналарни мураккаб капитал таъмирлаш учун мўлжалланган енгиллаштирилган ювувчи суюқлиги таркибига киритилганда барқарорлаштирувчи ва яхшиланган реологик хусусиятларга эга бўлган маҳаллий хомашё асосида композицион кўп функсияли енгиллаштирувчи ишлаб чиқилган;
қўшимчалар асосида ювувчи суюқликнинг структуравий-механик ва реологик хусусиятларига таъсири, шу жумладан сув берувчанликнинг пасайиши, деструксияга чидамлилигининг ошиши экспериментал асосланган;
янги КМО реагентини қўллаш ютилиш, сиқилиш каби асоратларни камайтиришга ёрдам бериши, шунингдек, мойлаш қобилиятини ошириши ва бурғилаш қувурлари бирикмаси ва скважина девори орасидаги ишқаланиш коеффициентини пасайтириши аниқланган;
Ўзбекистон Республикаси конларида мураккаб капитал таъмирлаш ишларини амалга оширишда технологик параметрларнинг барқарорлигини таъминлайдиган ювувчи суюқлигидаги КМО нинг оптимал консентрацияси аниқланган.
IV. Тадқиқот натижаларининг жорий қилиниши. Маҳаллий минерал ва техноген ресурслар асосида яратилган янги кимёвий реагентдан фойдаланган ҳолда енгиллаштирилган ювувчи суюқлигини тайёрлаш технологиясини ишлаб чиқиш бўйича олинган илмий натижалар асосида: 
композицион кўп функсияли енгиллаштирувчи қўлланилган енгиллаштирилган ювувчи суюқлик таркиби Жанубий Тандирча конидаги 10-сонли скважинада мураккаб капитал таъмирлашда жорий этилган (Шўртан нефт ва газ қазиб чиқариш бошқармаси ва “Ўзбекнефтгаз” АЖнинг 2025 йил 24 майдаги 25-05-127-сон маълумотномаси). Натижасида, мураккаб капитал таъмирлаш жараёнида геологик асоратлар юзага келишининг олдини олиш ва маҳсулдор қатламда ювувчи суюқликнинг ютилишини бартараф этиш имконини берган;
иккинчи стволни бурғилаш технологияси Жанубий Тандирча конидаги 10-сонли скважинада жорий этилган (Шўртан нефт ва газ қазиб чиқариш бошқармаси ва “Ўзбекнефтгаз” АЖнинг 2025 йил 24 майдаги 25-05-127-сон маълумотномаси). Натижасида, қатламга суюқлик ютилишининг самарали олдини олиш ва битта скважина учун сезиларли иқтисодий самарани таъминлаш, КМОни саноат миқёсида жорий этишнинг юқори рентабеллигини тасдиқлаш имконини берган.