Эрматов Валижон Абдиваитовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Кўмилган ток тупларини очадиган машина учун ротацион ишчи органнинг параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари). 
Диссертация мавзуси рўйхатга олинган рақам: В2024.4.PhD/Т5140.
Илмий раҳбар: Тўрақулов Мамарайм, техника фанлари номзоди, доцент.
Диссертация бажарилган муассаса (муассасалар) номи: Гулистон давлат университети.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.05/13.05.2020.Т.112.01 
Расмий оппонентлар: Имомқулов Қутбиддин Боқижонович, техника фанлари доктори, профессор; Мусурмонов Аззам Турдиевич техника фанлари доктори, профессор.
Етакчи ташкилот “Тошкент давлат аграр университети”.
Диссертация йўналиши: назарий ва амалий аҳамиятга молик.
II. Тадқиқотнинг мақсади кўмилган ток тупларини очишда қўлланиладиган ротацион ишчи органнинг технологик иш режими ва конструктив параметраларини асослаш орқали ток очиш машинасининг иш сифати ва унумини оширишдан иборат.
III. Тадқиқотнинг илмий янгилиги қуйидагилардан иборат: 
кўмилган ток тупларини очиш машинаси учун ротацион типдаги ишчи органининг конструкцияси ва технологик иш жараёни кўмилган ток тупларини белгиланган талаблар даражасида очилишини ҳисобга олган ҳолда ишлаб чиқилган; 
ротацион ишчи органнинг конструктив параметрлари кўмилган ток тупларини очилиш ва ток новдаларини шикастланиш даражалари белгиланган меъёрларга мослиги ҳамда тортишга қаршилигининг минимал бўлиш шарти ҳисобга олиниб аниқланган;
ротацион ишчи органнинг ўрнатилиш бурчаклари ва куракларининг тупроққа ботиш чуқурлиги кўмилган ток уюмидан тупроқни максимал миқдорда қатор ораси томонга сурилишини, белгиланган меъёр даражасида бўлишини ҳисобга олган ҳолда аниқланган;
ротацион ишчи органнинг диаметри, ток уюмига нисбатан ўрнатилиш бурчаги, тупроқни сурувчи ва тупроққа илашувчи куракларининг сони ҳамда агрегат ҳаракат тезлигининг мақбул қийматлари унинг талаблар даражасида белгиланган агротехник кўрсаткичлари минимал сарфляган ҳолда таъминланиши шартидан аниқланган. 
IV. Тадқиқот натижаларининг жорий қилиниши. Кўмилган ток тупларини очадиган машина учун ротацион ишчи органнинг параметрларини асослаш бўйича олинган натижалар асосида:
ротацион ишчи орган билан жиҳозланган ток очиш машинасига дастлабки талаблар ва техник топшириқ ишлаб чиқилган ҳамда Ўзбекистон Республикаси Интелектуал мулк марказининг фойдали моделга патенти олинган (Кўмилган ток тупларини очиш машинаси № ФАП 2581 12.09.2024 й.). Натижада юқори иш унумига ҳамда энергия-ресурстежамкор ротацион ишчи орган билан жиҳозланган ток очиш машинасининг конструкциясини ишлаб чиқиш имкони яратилган;
ишлаб чиқилган ротацион ишчи органни тажриба нусхасини лойиҳалаш ва ишлаб чиқиш учун конструктив ҳужжатлар (техник топшириқ, техник шартлар ва чизмалар) “Бахт тажриба синов механика заводи” МЧЖ да лойиҳалаш жараёнига жорий этилган (“Бахт тажриба синов механика заводи” МЧЖ нинг 2024-йил 18-январдаги маълумотномаси). Натижада асосланган параметрларга эга бўлган ротацион ишчи органни саноат усулида ишлаб чиқариш имкони яратилган;
ишлаб чиқилган ротацион ишчи орган билан жиҳозланган ток очиш машинасининг саноат нусхаларини ишлаб чиқиш учун ва тайёрлаш учун унинг лоийҳа-конструкторлик ҳужжатлар (дастлабки талаблар, техник топшириқ ва чизмалар) “БМКБ-Агромаш” АЖ да лойиҳалаш жароёнига жорий этилган (“БМКБ-Агромаш” АЖ нинг 2025-йил 22-январдаги маълумотномаси). Натижада асосланган параметрларга эга бўлган ротацион ишчи орган билан жиҳозланган ток очиш машинасини саноат усулида ишлаб чиқиш имкони яратилган.