Халимов Аббосбек Ойбек ўғлининг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Эксплуатациядаги кўп квартирали уйларнинг энергия самарадорлигини баҳолаш ва ошириш масалалари”, 05.09.01 – «Қурилиш конструксиялари, бино ва иншоотлар» (техника фанлари). 
Диссертация мавзуси рўйхатга олинган рақам: B2025.3.PhD/Т5810
Илмий раҳбар: Хотамов Асадулла Тоштемирович, техника фанлари доктори, профессор.
Диссертация бажарилган муассаса номи: Фарғона давлат техника университети.
ИК фаолият кўрсатаётган муассаса номи, ИК рақами: Фарғона давлат техника университети, PhD.03/07.06.2024.Т.106.06.
Расмий оппонентлар: Ювмитов Анвар Сайфуллаевич, техника фанлари доктори, катта илмий ходим; Норов Нусиратжон Нуралиевич, техника фанлари бўйича фалсафа доктори (PhD), доцент.
Етакчи ташкилот: Наманган давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади мавжуд кўп квартирали уйларнинг энергия самарадорлигини баҳолаш, ташқи тўсиқ конструксиялардан йўқотилаётган иссиқлик миқдорини камайтириш усулларини аниқлашдан иборат.
III. Тадқиқотнинг илмий янгилиги:
кўп квартирали уйларнинг энергия самарадорлигини баҳолаш услуби бино капитал таъмирлангандаги конструксияларни иссиқлик ўтказишга бўлган қаршиликларидаги ўзгаришларни инобатга олувчи алгоритмни ишлаб чиқиш ҳисобига такомиллаштирилган;
кўп квартирали уйларнинг энергия самарадорлигини қисқа вақтда комплекс баҳолаш ҳамда уни иссиқлик энергетик синфини бинонинг солиштирма иссиқлик сарфи миқдори ўзгаришига асосан ошириш имконини берувчи онлайн ҳисоблаш платформаси ишлаб чиқилган;
кўп квартирали уйларнинг техник ҳолатини инструментал-техник текшириш ва энергия самарадорлигини баҳолаш ишларини интеграциялашган ёндашувга кўра биргаликда амалга ошириш орқали меҳнат ҳамда вақт ресурсларини 20% га камайиши аниқланган;
кўп квартирали уйларнинг ташқи деворлари изоляциясида фасад панеллари конструкцияларининг соддалаштирилганлиги ва ўрнатиш жараёнининг механизациялашгани сабабли вентиляцияли фасадга нисбатан монтажда вақт ҳамда ишчи кучи харажатларининг камайиши ҳисобига 1,1 баробар иқтисодий самарадорликка эришилиши исботланган.
IV. Тадқиқот натижалариниг жорий қилиниши. Эксплуатациядаги кўп квартирали уйларнинг энергия самарадорлигини баҳолаш ва ошириш масалалари мавзусида олиб борилган илмий тадқиқот натижалари асосида:
кўп квартирали уйларнинг энергия самарадорлигини баҳолаш услуби бино капитал таъмирлангандаги конструксияларни иссиқлик ўтказишга бўлган қаршиликларидаги ўзгаришларни инобатга олувчи алгоритмни ишлаб чиқиш ҳисобига такомиллаштирилганлиги ҳамда кўп квартирали уйларнинг энергия самарадорлигини қисқа вақтда комплекс баҳолаш ҳамда уни иссиқлик энергетик синфини бинонинг солиштирма иссиқлик сарфи миқдори ўзгаришига асосан ошириш имконини берувчи онлайн ҳисоблаш платформаси ишлаб чиқилганлиги юзасидан таклифлар “Фарғонафуқаролойиҳа” МЧЖ лойиҳалаш ташкилоти томонидан Сўх тумани Хирмонтепа кўчасида қурилган 7 қаватли турар-жой биноси лойиҳасини ишлаб чиқишда фойдаланилган (Ўзбекистон Республикаси Қурилиш ва уй жой коммунал хўжалиги вазирлигининг 2025-йил 10-сентябрдаги 34–06/10251-сон маълумотномаси). Натижада иссиқлик-техник ҳисоблаш ишлари анъанавий усулларга нисбатан вақтнинг 25% гача тежалишига эришилган; 
кўп квартирали уйларнинг техник ҳолатини инструментал-техник текшириш ва энергия самарадорлигини баҳолаш ишларини интеграциялашган ёндашувга кўра биргаликда амалга ошириш орқали меҳнат ҳамда вақт ресурсларини 20% га камайиши аниқланганлиги ҳамда кўп квартирали уйларнинг ташқи деворлари изоляциясида фасад панеллари конструкцияларининг соддалаштирилганлиги ва ўрнатиш жараёнининг механизациялашгани сабабли вентиляцияли фасадга нисбатан монтажда вақт ҳамда ишчи кучи харажатларининг камайиши ҳисобига 1,1 баробар иқтисодий самарадорликка эришилиши исботланганлигига оид таклифлар “Cонстраcтион Тест Лабораторй” МЧЖ томонидан Марғилон шаҳар Б.Марғилоний кўчасида қурилган 5 қаватли турар-жой биносини қуришда фойдаланилган (Ўзбекистон Республикаси Қурилиш ва уй жой коммунал хўжалиги вазирлигининг 2025-йил 10-сентябрдаги 34–06/10251-сон маълумотномаси). Натижада таклиф этилаётган усуллар қўлланилганда 10% иқтисодий самарадорликка эришилган.