Karabaev Maxsetbay Djoldasbaevichning
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri: “Qurilish sohasida tadbirkorlik faoliyatini shartnomaviy tartibga solish” 12.00.03 – Fuqarolik huquqi. Tadbirkorlik huquqi. Oila huquqi. Xalqaro xususiy huquq (yuridik fanlar). 
Dissertatsiya mavzusi ro‘yxatga olingan raqam: B2024.4.PhD/Yu1621
Ilmiy rahbar: Imomov Nurillo Fayzulloevich, yuridik fanlar doktori, professor.
Dissertatsiya bajarilgan muassasa nomi: Toshkent davlat yuridik universiteti.
IK faoliyat ko‘rsatayotgan muassasa nomi, IK raqami: Toshkent davlat yuridik universiteti, DSc.07/30.12.2019.Yu.22.01. 
Rasmiy opponentlar: Qalandarova Malika Pirnazarovna, yuridik fanlar nomzodi, dotsent; Yakubov Axtam Nusratilloevich, yuridik fanlar doktori, dotsent. 
Yetakchi tashkilot: O‘zbekiston Respublikasi Jamoat xavfsizligi universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi O‘zbekistonda qurilish sohasidagi tadbirkorlik faoliyati shartnomaviy tartibga solish bilan bog‘liq ilmiy-nazariy va amaliy muammolarni aniqlash hamda qonunchilikni takomillashtirish va uni qo‘llash amaliyoti samaradorligini oshirishga qaratilgan taklif va tavsiyalarni ishlab chiqishdan iborat.
III. Tadqiqotning ilmiy yangiligi:
binolar va inshootlarni qurish, rekonstruksiya qilish hamda ta’mirlash, muhandislik infratuzilmasi obektlarini qurish, rekonstruksiya qilish, ta’mirlash va foydalanishga topshirishda, servitutlar binolar va inshootlar mulkdorlarining manfaatlarini o‘zga shaxsning er uchastkasidan foydalanish huquqini cheklamasdan ta’minlash mumkin bo‘lmagan hollarda belgilanishi asoslab berilgan;
ajratilgan mablag‘lar maqsadli hamda samarali sarflanishini ta’minlash uchun moliyalashtirish hajmlarini qurilish-montaj ishlarining kalendar jadvallari bilan uzviy bog‘liqlikda aniqlashtirgan holda, yildan yilga o‘tuvchi qurilish obektlarini belgilash asoslantirilgan;
2024-yilda yangidan boshlanadigan loyihalar (obektlar) bo‘yicha tasdiqlangan loyihaoldi va (yoki) loyiha hujjatlari asosida belgilangan tartibda xarid qilish tartib-taomillarini yakunlash va tanlov (tender) g‘oliblari bilan pudrat shartnomalarini tuzish choralari asoslab berilgan;
elektron tender jarayonlarini o‘tkazish va tender g‘olibi bilan shartnoma tuzishda axborot-kommunikatsiya texnologiyalaridan foydalanish zarurligi asoslantirildi.
IV. Tadqiqot natijalarining joriy qilinishi. 
Tadqiqot ishi bo‘yicha olingan ilmiy natijalardan quyidagilarda foydalanilgan:
binolar va inshootlarni qurish, rekonstruksiya qilish hamda ta’mirlash, muhandislik infratuzilmasi obektlarini qurish, rekonstruksiya qilish, ta’mirlash va foydalanishga topshirishda, servitutlar binolar va inshootlar mulkdorlarining manfaatlarini o‘zga shaxsning er uchastkasidan foydalanish huquqini cheklamasdan ta’minlash mumkin bo‘lmagan hollarda belgilanishga doir takliflarni O‘zbekiston Respublikasi Shaharsozlik kodeksining 81-modda birinchi qismini ishlab chiqishda foydalanilgan (O‘zbekiston Respublikasi Oliy Majlisi Senatining sud-huquq masalalari va korrupsiyaga qarshi kurashish qo‘mitasining 2024-yil 23-oktyabrdagi № 18-son dalolatnomasi). Ushbu taklif shaharsozlik faoliyatida ishtirok etuvchi subektlarning to‘sqinliksiz qurilish ishlarini bajarish imkonini berishga xizmat qilgan;
ajratilgan mablag‘lar maqsadli hamda samarali sarflanishini ta’minlash uchun moliyalashtirish hajmlarini qurilish-montaj ishlarining kalendar jadvallari bilan uzviy bog‘liqlikda aniqlashtirgan holda, yildan yilga o‘tuvchi qurilish obektlarini belgilashga oid taklifni (ro‘yxat raqami 04-09/7-10/811, 2024 yil 11 oktyabr) ishlab chiqishda foydalanilgan (Qoraqalpogʼiston Respublikasi Vazirlar Kengashining 2024-yil 17-yanvardagi 29-13-0-Q/24-son qarori). Ushbu taklif qurilish shartnomalaridagi ishni bajarish muddatlari bilan bog‘liq nizolarni hal qilishda odil sudlovni amalga oshirilishiga imkon bergan;
2024-yilda yangidan boshlanadigan loyihalar (obektlar) bo‘yicha tasdiqlangan loyihaoldi va (yoki) loyiha hujjatlari asosida belgilangan tartibda xarid qilish tartib-taomillarini yakunlash va tanlov (tender) g‘oliblari bilan pudrat shartnomalarini tuzish choralariga oid taklifni (ro‘yxat raqami 04-09/7-10/811, 2024-yil 11-oktyabr) ishlab chiqishda foydalanilgan (Qoraqalpogʼiston Respublikasi Vazirlar Kengashining 2024-yil 17-yanvardagi 29-13-0-Q/24-son qarori). Mazkur taklif qurilish sohasidagi tadbirkorlik subektlarining halol raqobat asosida tenderlarga qatnashish va shartnomaviy munasabarlarga kirishishga xizmat qilgan. 
elektron tender jarayonlarini o‘tkazish va tender g‘olibi bilan shartnoma tuzishga oid taklifni (ro‘yxat raqami 04-09/7-10/811, 2024-yil 11-oktyabr) ishlab chiqishda foydalanilgan (Qoraqalpogʼiston Respublikasi Vazirlar Kengashining 2023-yil 24- fevraldagi 72-13-0-Q/23-son qarori). Ushbu taklif davlat haridlarida  tender oyinlarini o‘tkazishda shaffoflikni yanada oshirish va tadbirkorlik subektlari bilan qurilish pudrati shartnomalarinini tuzish imkoniyatini ta’minlagan.