Мамадалиева Нилуфар Баҳодировнанинг
Фалсафа доктори (PhD) диссертацияси ҳимояси ҳақида эълон

I. Умумий маълумотлар
“Таянч тушунчаларни лойиҳалаб ўқитиш орқали бошланғич синф ўқувчиларининг оғзаки нутқ ва фикрлаш фаолиятини ривожлантириш”, 13.00.01 – Педагогика назарияси. Педагогик таълимотлар тарихи.
Диссертация мавзуси рўйхатга олинган рақам: B2023.4.PhD/Ped6124
Илмий раҳбар: Азимова Зиёда Эргашевна,  педагогика фанлари доктори, профессор.
Диссертация бажарилаётган муассаса номи: Андижон давлат педагогика институти.
ИК фаолият кўрстаётган муассаса номи, ИКрақами: Андижон давлат педагогика институти, PhD.03/05.05.2023.Ped.166.01
Расмий оппонентлар: Ходжаев Бегзод Худойбердиевич, педагогика фанлари доктори, профессор; Усмонова Умида Айбековна, педагогика фанлари доктори, доцент. 
Етакчи ташкилот: Фарғона давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади таянч тушунчаларни лойиҳалаб ўқитиш орқали бошланғич синф ўқувчиларининг оғзаки нутқ ва фикрлаш фаолиятини ривожлантиришга оид таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
бошланғич синф ўқувчиларининг оғзаки нутқи ва фикрлаш фаолиятини ривожлантиришнинг педагогик мазмуни сифатида таянч тушунчаларни лойиҳалаб ўқитиш заруратининг назарий-методик асослари тизимлаштирилиб, дидактик имкониятлари аниқлаштирилган;
янги ўқув материалини баён қилиш жараёнида таянч тушунчаларни лойиҳалаб ўқитишнинг мақсадлари ва ўқитиш усуллари илмий-назарий асосда аниқлаштирилиб, уларнинг босқичма-босқич қўлланиши орқали оғзаки нутқ ва фикрлаш фаолиятининг ривожланишини таъминловчи педагогик ёндашувлар такомиллаштирилган;
бошланғич синф дарсларида таянч тушунчаларни лойиҳалаб ўқитиш асосида ўқувчиларнинг оғзаки нутқи ва фикрлаш фаолиятини ривожлантиришга қаратилган дидактик модел консептуал асосда ишлаб чиқилган ва мазмуни ҳамда таркибий тузилиши очиб берилган;
таянч тушунчаларни лойиҳалаб ўқитиш орқали ўқувчиларнинг оғзаки нутқи ва фикрлаш фаолиятини ривожлантиришга доир дидактик асослар илмий-назарий жиҳатдан такомиллаштирилган;
IV.Тадқиқот натижаларининг жорий қилиниши. Таянч тушунчаларни лойиҳалаб ўқитиш орқали ўқувчиларининг оғзаки нутқ ва фикрлаш фаолиятини ривожлантириш бўйича олинган илмий натижалар асосида: 
 бошланғич синф ўқувчиларининг оғзаки нутқи ва фикрлаш фаолиятини ривожлантиришнинг педагогик мазмуни сифатида таянч тушунчаларни лойиҳалаб ўқитиш заруратининг назарий-методик асослари тизимлаштирилиб, дидактик имкониятлари аниқлаштирилганлигига оид илмий янгиликларидан “Янги куч маънавий-тарбиявий ҳаракатлар дастурини ишлаб чиқиш” мавзусида ўтказилган тарғибот ишларини ташкил этиш ва ўтказишда фойдаланилган (Республика Маънавият ва маърифат марказининг 2024-йил 12-декабрдаги 10/212-сон маълумотномаси). Натижада бошланғич синф дарсликларидаги таянч тушунчаларни лойиҳалаб ўқитиш орқали ўқувчиларнинг оғзаки нутқ ва фикрлаш фаолияти такомиллаштирилган;
янги ўқув материалини баён қилиш жараёнида таянч тушунчаларни лойиҳалаб ўқитишнинг мақсадлари ва ўқитиш усуллари илмий-назарий асосда аниқлаштирилиб, уларнинг босқичма-босқич қўлланиши орқали оғзаки нутқ ва фикрлаш фаолиятининг ривожланишини таъминловчи педагогик ёндашувлар такомиллаштирилганлигига оид илмий хулосаларидан олий таълим талабалари учун “Таянч тушунчаларни лойиҳалаб ўқитиш орқали бошланғич синф ўқувчиларининг оғзаки нутқ ва фикрлаш фаолиятини ривожлантириш” номли дарслигини ишлаб чиқишда фойдаланилган (Олий таълим, фан ва инновациялар вазирлигининг 2023-йил 29-сентябрдаги 438-сон буйруғи асосида берилган 438-035 рақамли нашр рухсатномаси). Натижада таянч тушунчаларни режалаштирилган тарзда ўқитиш бошланғич синф ўқувчиларининг оғзаки нутқи ва фикрлаш салоҳиятини ривожлантиришга самарали таъсир кўрсатган;
 бошланғич синф дарсларида таянч тушунчаларни лойиҳалаб ўқитиш асосида ўқувчиларнинг оғзаки нутқи ва фикрлаш фаолиятини ривожлантиришга қаратилган дидактик модел консептуал асосда ишлаб чиқилган ва мазмуни ҳамда таркибий тузилиши очиб берилганлигига оид илмий хулосаларидан  “Маънавий бегоналашувнинг олдини олишда шахс фаоллигини оширишни ижтимоий-педагогик тадқиқ этиш” номли илмий лойиҳада фойдаланилган (Андижон давлат университетида 2017-2019-йилларда бажарилган ОТ-Ф-1-17 рақамли илмий-тадқиқот лойиҳаси). Натижада бошланғич синф ўқувчиларининг ўқитиш самарадорлиги ўсишига хизмат қилган;
таянч тушунчаларни лойиҳалаб ўқитиш орқали ўқувчиларнинг оғзаки нутқи ва фикрлаш фаолиятини ривожлантиришга доир дидактик асослар илмий-назарий жиҳатдан такомиллаштирилганлигига оид илмий тавсияларидан “Элементар мантиқий тасаввурларни шакллантириш методикаси”  номли ўқув қўлланмани ишлаб чиқишда фойдаланилган (Олий таълим, фан ва инновациялар вазирлигининг 2023-йил 29-сентябрдаги 438-сон буйруғи асосида берилган 438-035 рақамли нашр рухсатномаси). Натижада бошланғич таълимда таянч тушунчалар асосида ташкил этилган таълим жараёни ўқувчиларнинг нутқий ва тафаккур фаолиятини сифат жиҳатидан янги босқичга олиб чиқган.