Quryozov Dilshod Ismailovichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Xorazm viloyati sanoatini rivojlantirishning ekologik-iqtisodiy imperativlari”, 08.00.12 – Mintaqaviy iqtisodiyot.
Dissertatsiya mavzusi ro‘yxatga olingan raqam: B2022.1.PhD/Iqt2089
Ilmiy rahbar: Aimbetov Nagmet Kallievich, akademik, iqtisodiyot fanlari doktori, professor.
Dissertatsiya bajarilgan muassasa nomi: Qoraqalpoq tabiiy fanlar ilmiy-tadqiqot instituti:
IK faoliyat ko‘rsatayotgan muassasa nomi, IK raqami: Toshkent davlat iqtisodiyot universiteti, DSc.03/30.07.2022.I.16.05
Rasmiy opponentlar: Ostonaqulova Gulsaraxon Muxammadyoqub qizi, iqtisodiyot fanlari doktori, professor; Saitkamolov Muxammadxo‘ja Sobirxo‘ja o‘g‘li, iqtisodiyot fanlari doktori, dotsent.
Yetakchi tashkilot: Mirzo Ulug‘bek nomidagi O‘zbekiston Milliy universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi mintaqa sanoatining rivojlantirishning ekologik-iqtisodiy imperativlarini e’tiborga olgan holda barqaror rivojlanishini ta'minlash bo‘yicha ilmiy taklif va tavsiyalar ishlab chiqishdan iborat.
III. Tadqiqotning ilmiy yangiligi:
mintaqaning intensiv rivojlanishini ta’minlashda tizimli shaklda yig‘ilgan hududiy ko‘rsatkichlarni tahlil qilish, mintaqa sanoatining ustunliklarini aniqlashda miqdor va sifat jihatdan baholashning toifalarga taqsimlangan tabaqalashuv reytingi taklif etilgan;
hududlardagi eksport qiluvchi sanoat korxonalariga xomashyo materiallarini xarid qilish uchun aylanma mablag‘larni shakllantirish maqsadida 1 yil muddatga xorijiy valyutada yillik 4 foiz hamda milliy valyutada yillik 10 foiz stavkada subordinar qarz shaklida mablag‘lar jalb qilish ilmiy asoslangan;
hududlarda yangi turdagi sanoat mahsulotlarini ishlab chiqarish quvvatlarni kengaytirishga qaratilgan loyihalar uchun import qilinadigan asbob-uskunalar xarid qilishda kredit mablag‘larini xorijiy valyutada taqdim etish asoslangan;
Xorazm viloyatida innovatsion texnologiyalarining mintaqa iqtisodiyotiga joriy etilishi bilan ekport hajmining oshishi, byudjet daromadlari va investision loyihalar o‘rtasidagi zanjirni muvofiqlashtirish asosida 2028 yilgacha Xorazm viloyati sanoat ishlab chiqarishini oshirish bo‘yicha ko‘p omilli prognoz parametrlari ishlab chiqilgan.
IV. Tadqiqot natijalarining joriy qilinishi.
Innovatsion iqtisodiyotga o‘tish sharoitida mintaqa sanoati rivojlanishining ustuvor yo‘nalishlari bo‘yicha ishlab chiqilgan takliflar asosida:
mintaqaning intensiv rivojlanishini ta’minlashda tizimli shaklda yig‘ilgan hududiy ko‘rsatkichlarni tahlil qilish, mintaqa sanoatining ustunliklarini aniqlashda miqdor va sifat jihatdan baholashning toifalarga taqsimlangan tabaqalashuv reytingi bo‘yicha berilgan taklifdan O‘zbekiston Respublikasi Prezidentining 18-dekabr 2023-yildagi “Sanoatni rivojlantirish jamg‘armasi faoliyatini tashkil etish tartibi to‘g‘risida”gi qarori loyihasi va uning ilovalarini tayyorlashda foydalanilgan (O‘zbekiston Respublikasi Investisiyalar, sanoat va savdo vazirligining 2025-yil 7-fevraldagi 02-20-00157-son ma’lumotnomasi). Mazkur taklifning amaliyotga joriy qilinishi natijasida mamlakatimizning sanoat rivojlanishi nisbatan past bo‘lgan tumanlarini aniqlash hamda ularda innovatsion salohiyati darajasi toifalarga bo‘lish imkoniyatlari yaratilgan;
hududlardagi eksport qiluvchi sanoat korxonalariga xomashyo materiallarini xarid qilish uchun aylanma mablag‘larni shakllantirish maqsadida 1 yil muddatga xorijiy valyutada yillik 4 foiz hamda milliy valyutada yillik 10 foiz stavkada subordinar qarz shaklida mablag‘lar jalb qilish taklifidan O‘zbekiston Respublikasi Prezidentining 2023-yil 4-sentyabrdagi “O‘zbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari to‘g‘risida” PQ-292-son qarori loyihasi va uning ilovalarini tayyorlashda foydalanilgan (O‘zbekiston Respublikasi Investisiyalar, sanoat va savdo vazirligining 2025-yil 7-fevraldagi 02-20-00157-son ma’lumotnomasi). Mazkur taklifni amaliyotga joriy qilinishi natijasida hududlarni rivojlanishida ularning tabaqalar asosida ishlab chiqarishni tashkil etish imkoniyatlarini beradi hamda hududiy rivojlanish jarayoni yanada tezlashishiga imkoniyatni hamda yangi turdagi sanoat tovarlarini ishlab chiqarish quvvatlarini kengayishiga olib kelgan.
hududlarda yangi turdagi sanoat mahsulotlarini ishlab chiqarish quvvatlarni kengaytirishga qaratilgan loyihalar uchun import qilinadigan asbob-uskunalar xarid qilishda kredit mablag‘larini xorijiy valyutada taqdim etish borasidagi taklifdan O‘zbekiston Respublikasi Prezidentining 2023-yil 4-sentyabrdagi “O‘zbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari to‘g‘risida” PQ-292-son qarori loyihasi va uning ilovalarini tayyorlashda foydalanilgan (O‘zbekiston Respublikasi Investisiyalar, sanoat va savdo vazirligining 2025-yil 7-fevraldagi 02-20-00157-son ma’lumotnomasi). Mazkur taklifni amaliyotga joriy qilinishi natijasida hududlardagi sanoat korxonalarini xomashyo materiallarini xarid qilish imkoniyatlarini yanada kengayishiga olib kelgan;
Xorazm viloyatida innovatsion texnologiyalarining mintaqa iqtisodiyotiga joriy etilishi bilan ekport hajmining oshishi, byudjet daromadlari va investision loyihalar o‘rtasidagi zanjirni muvofiqlashtirish asosida 2028 yilgacha Xorazm viloyati sanoat ishlab chiqarishini oshirish bo‘yicha ko‘p omilli prognoz parametrlari ishlab chiqilganligi borasidagi O‘zbekiston Respublikasi Prezidentining 18-dekabr 2023-yildagi “Sanoatni rivojlantirish jamg‘armasi faoliyatini tashkil etish tartibi to‘g‘risida”gi qarori loyihasi va uning ilovalarini tayyorlashda foydalanilgan (O‘zbekiston Respublikasi Xorazm viloyati hokimligi mahkamasining 2025-yil 28-yanvardagi 07-4-09/943-son ma’lumotnomasi). Ushbu taklifning amaliyotga joriy qilinishi natijasida hududlar sanoatini kompleks rivojlantirishdagi ustuvor yo‘nalishlarni ishlab chiqishga erishildi hamda ularning amalga oshirilishi istiqbolda hududiy sanoatni rivojlantirish strategiyasining yaratilishi va qo‘shimcha loyihalarni ishlab chiqish bo‘yicha faoliyatning jadallashuviga olib kelishi mumkin.
