Худойназаров Дилшодбек Отабек ўғлининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Шоли етиштириладиган ерларда пол шакллантирадиган машина пол олгичининг тури ва параметрларини асослаш” 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш. (техника фанлари).
Диссертация мавзуси рўйхатга олинган рақам: B2024.3.PhD/Т4945
Илмий раҳбар: Худояров Анвар Назиржонович, техника фанлари доктори, профессор.
Диссертация бажарилган муассаса (муассасалар) номи: Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Тўхтақўзиев Абдусалим, техника фанлари доктори, профессор ва Мансуров Мухторжон Тохиржонович, техника фанлари доктори, профессор тайинланган.
Етакчи ташкилот: Андижон давлат техника институти.
Диссертация йўналиши: назарий ва амалий аҳамиятга лойиқ.
II. Тадқиқотнинг мақсади: шоли экиладиган майдонларда пол шакллантирадиган машина пол олгичининг турини танлаш ва параметрларини асослаш йўли билан иш сифатини ошириш ва сарф-харажатларни камайтиришдан иборатдир.
III. Тадқиқотнинг илмий янгилиги: 
шоли экиладиган майдонларда пол ҳосил қиладиган, уни зичлайдиган иш органларидан ташкил топган машинанинг конструксияси ва технологик иш жараёни шоли экиладиган майдонларга полни талаблар даражасида шакллантиришини ҳисобга олиниб ишлаб чиқилган. 
пол олгич томонидан кесиб олинаётган тупроқ палахсасининг ўлчамлари, унинг параметрлари ва рамада жойлашишини аниқлаш имконини берадиган аналитик боғланишлар ҳамда тупроқ бўлакларининг пол олгич ишчи сиртидаги ва ундан тушгандан кейинги ҳаракатини ифодаловчи аналитик ифодалар агрегатнинг ҳаракат тезлиги хисобга олиниб келтириб чиқарилган;
пол шакллантирадиган машина пол олгичининг параметрлари ҳамда уни рамада жойлашиши тупроқнинг уваланиш даражаси ва  шакллантирилаётган пол баландлиги белгиланган меъёрдан кам бўлмаслиги, тортишга қаршилик эса минимал бўлиши ҳисобга олинган ҳолда асосланган;
пушта олгич параметрларининг мақбул қийматлари унинг талаблар даражасидаги агротехник иш кўрсаткичлари минимал энергия сарфлаб таъминлаши шартидан аниқланган.
IV. Тадқиқот натижаларининг жорий қилиниши. Пол шакллантирадиган машина пол олгичининг параметрларини асослаш бўйича ўтказилган тадқиқотларда олинган илмий натижалар асосида:
ишлаб чиқилган пол шакллантирадиган машинанинг технологик жараёни бажарилишининг сифат кўрсаткичларини баҳолашга дастлабки талаблар ва машина конструксиясини лойиҳалашга техник топшириқ ишлаб чиқилган  (Қишлоқ хўжалиги вазирлиги ҳузуридаги қишлоқ хўжалигида билим ва инновациялар миллий марказининг 2024 йил 21 декабрдаги 05/04-04-690-сон маълумотномаси). Натижада пол шакллантирадиган машинанинг конструксиясини ишлаб чиқиш имкони яратилган;
пол шакллантирадиган машинанинг тажриба нусхаси Андижон қишлоқ хўжалиги ва агротехнологиялар институти қошидаги ахборот маслахат маркази ДУК тажриба хўжалиги, Андижон вилоятидаги Избоскан, Андижон, Пахтаобод туманлари фермер хўжаликларига жорий этилган (Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2024 йил 21 декабрдаги 05/04-04-690-сон маълумотномаси). Натижада меҳнат сарфи ҳамда эксплуатацион харажатларни 1,3-1,7 баробарга камайишига эришилган;
пол шакллантирадиган машинанинг саноат нусхаларини ишлаб чиқиш ва тайёрлаш учун лойиҳа-конструкторлик хужжатлари (техникавий шартлар ва чизмалар) “Андижон механика заводи” АЖ да лойиҳалаш жараёнига жорий этилган (Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2024 йил 21 декабрдаги 05/04-04-690-сон маълумотномаси). Натижада асосланган параметрларга эга пол шакллантирадиган машинани саноат усулида ишлаб чиқариш имкони яратилган.