Назиржонов Иброҳимжон Анваржон ўғлининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўрмон кўчатхоналарини экин экишга тайёрлайдиган комбинациялашган машина пушта олгичини турини танлаш ва параметрларини асослаш” 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш. (техника фанлари).
Диссертация мавзуси рўйхатга олинган рақам: B2024.4.PhD/Т5136
Илмий раҳбар: Абдусалим Тўхтақўзиев, техника фанлари доктори, профессор.
Диссертация бажарилган муассаса (муассасалар) номи: Ўрмон хўжалиги илмий-тадқиқот институти
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Мансуров Мухторжон Тохиржонович, техника фанлари доктори, профессор ва Расулжонов Абдураҳмон Равшанбек ўғли техника фанлари фалсафа доктори, катта илмий ходим тайинланган.
Етакчи ташкилот: Андижон давлат техника институти.
Диссертация йўналиши: назарий ва амалий аҳамиятга лойиқ.
II. Тадқиқотнинг мақсади: ўрмон кўчатхоналарини экишга тайёрлайдиган комбинациялашган машина пушта олгичининг турини танлаш ва параметрларини асослаш орқали иш сифатини ошириш ва сарф-харажатларни камайтиришдан иборат.
III. Тадқиқотнинг илмий янгилиги: қуйидагилардан иборат:
ўрмон кўчатхоналарини экишга тайёрлайдиган комбинациялашган машина пушта шакллантирувчи иш органининг тури у кам энергия сарфлаб талаблар даражасида пушта шакллантириши ҳисобга олинган ҳолда асосланган; 
комбинациялашган машина пушта олгичининг тупроққа ботиш чуқурлиги, пушта баландлиги ва тепасининг кенглиги агротехника талабларига мос бўлиши шарти ҳисобга олиниб аниқланган.
пушта олгичнинг тупроққа кириш, у қанотларининг очилиш ва ён қирқилиш бурчаклари, кўкрагининг баландлиги, қанотларининг кенглиги, корпусининг узунлиги, рамада жойлашиши ҳамда тортишга қаршилигини аниқлаш имконини берадиган аналитик ифодалар тупроқнинг хоссалари ва агрегат ҳаракат тезлигини ҳисобга олган ҳолда олинган; 
пушта олгич параметрларининг мақбул қийматлари унинг талаблар даражасидаги агротехник иш кўрсаткичлари минимал энергия сарфлаб таъминлаши шартидан аниқланган.
IV. Тадқиқот натижаларининг жорий қилиниши. Ўрмон кўчатхоналарини экишга тайёрлайдиган комбинациялашган машина пушта олгичининг тури ва параметрларини асослаш бўйича ўтказилган тадқиқотларда олинган натижалар асосида:
ишлаб чиқилган пушта олгич билан жиҳозланган комбинациялашган машинанинг технологик жараёни бажарилишининг сифат кўрсаткичларини баҳолашга дастлабки талаблар ва машина конструксиясини лойиҳалашга техник топшириқ ишлаб чиқилган (Ўзбекистон Республикаси экология, атроф-муҳитни муҳофаза қилиш ва иқлим ўзгариши вазирлигининг 2025-йил 24-февралдаги №-03-03/1-03/3-1815-сонли маълумотномаси). Натижада ўрмон кўчатхоналарини бир ўтишда экишга тайёрлайдиган комбинациялашган машина яратилган;
ишлаб чиқилган пушта олгич билан жиҳозланган комбинациялашган машинанинг тажриба нусхаси Андижон ва Фарғона давлат ўрмон хўжаликлари ҳамда Қўқон илмий тажриба станциясининг кўчатхоналарида жорий этилган (Ўзбекистон Республикаси экология, атроф-муҳитни муҳофаза қилиш ва иқлим ўзгариши вазирлигининг 2025-йил 24-февралдаги №-03-03/1-03/3-1815-сонли маълумотномаси). Натижада комбинациялашган машина қўлланилганда меҳнат ва эксплуатацион харажатлар сарфини камайтиршга эришилган;
комбинациялашган машинанинг саноат нусхасини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) “Андижон механика заводи” АЖ да лойиҳалаш жараёнига жорий этилган (“Андижон механика заводи” АЖ нинг 2024-йил 19-августдаги №1660-сон маълумотномаси). Натижада асосланган параметрларга эга бўлган пушта олгич билан жиҳозланган комбинациялашган машинанинг саноат нусхасини ишлаб чиқиш имкони яратилган.