Alimov Muzaffar Ruzimaxamatovich
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan tarmog‘i nomi): “Ish sharoitlarini hisobga olgan holda dizel dvigatelarini motor moyini almashtirishning oqilona davriyligini aniqlash usulini takomillashtirish”, 05.08.06 – “G‘ildirakli va gusenisali mashinalar va ularni ishlatish” (texnika fanlari).
Dissertatsiya mavzusi ro‘yxatga olingan raqam: B2025.2.PhD/T5743
Ilmiy rahbar: Riskulov Alimjon Axmadjanovich, texnika fanlari doktori, professor.
Dissertatsiya bajarilgan muassasa nomi: Toshkent davlat transport universiteti.
IK faoliyat ko‘rsatayotgan muassasa (muassasalar) nomi, IK raqami: Toshkent davlat transport universiteti huzuridagi DSc.15/31.08.2022.T.73.03 raqamli ilmiy kengash
Rasmiy opponentlar: Bazarov Baxtiyor Imamovich, texnika fanlari doktori, professor; Axmedov Doniyor Anvarjonovich, texnika fanlari bo‘yicha falsafa doktori (PhD), dotsent.
Yetakchi tashkilot: Islom Karimov nomidagi Toshkent davlat texnika universiteti.
Dissertatsiya yo‘nalishi. Texnika yo‘nalishi. Nazariy va amaliy ahamiyatga molik.
II. Tadqiqotning shahar sharoitda ishlaydigan dizel dvigatellarining moyini almashtirishning oqilona davriyligini aniqlash usulini takomillashtirishdan iborat.
III. Tadqiqotning ilmiy yangiligi:
ekspluatatsiya sharoitida transport vositalarini harakat rejimlarini inobatga olgan holda uning nisbiy bosib o‘tgan masofasi va motorga qo‘shiladigan moyning miqdorini ifodalovchi koefisientlar yordamida dvigatel moyini texnik-iqtisodiy baholashning mezoni ishlab chiqilgan;
moy tarkibidagi eyilish mahsulotlari miqdori va motor moyining mavjud resursini inobatga olgan holda statistik ma’lumotlarni  regression tahlili asosida moyning energiya tejovchi xususiyatini aniqlash usuli takomillashtirilgan;
ishlatilgan motor moylarining resursini aniqlash uchun matematik model va shahar sharoitida ishlaydigan dizel dvigatellari uchun motor moyini almashtirishning oqilona davriyligini aniqlash usuli tuzatish kirituvchi koeffisientlar yordamida takomillashtirilgan;
transport vositalarini harakatlanish rejimlarining yuklanganlik darajasini inobatga olgan holda moyning qovushqoqlik, chaqnash harorati va ishqoriy soni ko‘rsatkichlari asosida motor moyining turini tanlash uslubi ishlab chiqilgan. 
IV. Tadqiqot natijalarining joriy qilinishi. Ish sharoitlarini hisobga olgan holda dizel dvigateli moyini almashtirishning oqilona davriyligini aniqlash usulini takomillashtirish ilmiy tadqiqot bo‘yicha olingan natijalar asosida:
dvigatel moyini texnik-iqtisodiy baholashning mezoni “Avtomagistral” ixtisoslashgan avtomobil yo‘llarini qurish-ta’mirlash birlashmasi unitar korxonasida tadbiq etilgan (O‘zbekiston Respublikasi transport vazirligi huzuridagi avtomobil yo‘llari qo‘mitasining 2023-yil 13-oktyabrdagi 03-3290-sonli ma’lumotnomasi). Natijada moylarning differensial va integral ko‘rsatkichlari bo‘yicha baholash mezonlari dvigatel sovutish suyuqligini va moy haroratini pasaytirish uchun shahar sharoitida to‘xtash vaqtini hisobga oluvchi Kl – koeffisientini kiritishga erishilgan;
energiya tejovchi xususiyatini aniqlash usuli “Avtomagistral” ixtisoslashgan avtomobil yo‘llarini qurish-ta’mirlash birlashmasi unitar korxonasida tadbiq etilgan (O‘zbekiston Respublikasi transport vazirligi huzuridagi avtomobil yo‘llari qo‘mitasining 2023-yil 13-oktyabrdagi                03-3290-sonli ma’lumotnomasi). Natijada transport vositalarida qo‘llanilayotgan motor moylarning energiya tejovchi xususiyatini kuzatish orqali etalon moyga nisbatan 22% dan 50% gacha kamayganligini aniqlash imkonini bergan;
motor moylarining resursini aniqlash uchun matematik model va shahar sharoitida ishlaydigan dizel dvigatellari uchun motor moyini almashtirishning oqilona davriyligini aniqlash usuli “Avtomagistral” ixtisoslashgan avtomobil yo‘llarini qurish-ta’mirlash birlashmasi unitar korxonasida tadbiq etilgan (O‘zbekiston Respublikasi transport vazirligi huzuridagi avtomobil yo‘llari qo‘mitasining 2023-yil 13-oktyabrdagi 03-3290-sonli ma’lumotnomasi). Natijada korxonada foydalanilayotgan transport vositalari dvigatelida qo‘llanilayotgan turli xildagi moylarning almashtirish davriyligi 10500 km dan 12500 km gacha o‘zgarishi asoslangan, bu o‘z navbatida moy almashtirish davriyligini 25% ga oshirish imkonini bergan;
motor moyining turini tanlash uslubi “Avtomagistral” ixtisoslashgan avtomobil yo‘llarini qurish-ta’mirlash birlashmasi unitar korxonasida tadbiq etilgan (O‘zbekiston Respublikasi transport vazirligi huzuridagi avtomobil yo‘llari qo‘mitasining 2023-yil 13-oktyabrdagi 03-3290-sonli ma’lumotnomasi). Natijada dizel dvigatellarida qo‘llaniladigan moylarning fizik-kimyoviy va ekspluatatsion ko‘rsatkichlarini ta’minlagan holda uning resursidan foydalanish darajasi 80% dan 93% gacha oshirishga erishilgan.