Абдуллаев Орифжон Одилжон ўғлининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўғитлаш билан бирга такрорий экинлар уруғларини экадиган комбинациялашган машина экувчи иш органининг параметрларини асослаш” 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш. (техника фанлари). 
Диссертация мавзуси рўйхатга олинган рақам: B2025.2.PhD/Т3176.
Илмий раҳбари: техника фанлари номзоди, доцент Абдирахмонов Равшанбек Амануллаевич 
Диссертация бажарилган муассаса (муассасалар) номи: Андижон қишлоқ хўжалиги ва агротехнологиялар институти
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Имомқулов Қутбиддин Боқижонович, техника фанлари доктори, профессор ва Мансуров Мухторжон Тохиржонович техника фанлари доктори, профессор тайинланган.
Етакчи ташкилот: Қишлоқ хўжалиги техникаси ва технологияларини сертификатлаш ва синаш маркази. 
Диссертация йўналиши: назарий ва амалий аҳамиятга лойиқ.
II.Тадқиқотнинг мақсади: ўғитлаш билан бирга такрорий экинлар уруғларини экадиган комбинациялашган машина экувчи иш органининг параметрларини асослаш орқали умумий харажатларни камайтириш, иш унумини орттиришдан иборат.
III. Тадқиқотнинг илмий янгилиги: ўғитлаш билан бирга такрорий экинлар уруғларини экадиган иш органлардан ташкил топган комбинациялашган машинанинг экувчи иш органларининг конструксияси ва технологик иш жараёнлари талаблар даражасида экишни амалга оширилишини ҳисобга олиниб ишлаб чиқилган; 
комбинациялашган машина экувчи иш органларининг параметрларини аниқлаш имконини берадиган аналитик ифодалар тупроқ хоссалари ва машина ҳаракат тезлигини ҳисобга олган ҳолда келтириб чиқарилган;
комбинациялашган машина экувчи иш органининг параметрлари уруғларни экиш чуқурлиги талаблар даражасидан кам бўлмаслиги ҳамда тортишга қаршилик минимал бўлишини ҳисобга олиниб асосланган;
экувчи иш органининг параметрларининг мақбул қийматлари унинг талаблар даражасидаги агротехник иш кўрсаткичлари минимал энергия сарфлаб таъминлаши шартидан аниқланган.
IV. Тадқиқот натижаларининг жорий қилиниши. Ўғитлаш билан бирга такрорий экинлар уруғларини экадиган комбинациялашган машинани ишлаб чиқиш ва экувчи иш органининг параметрларини асослаш бўйича олинган илмий натижалар асосида:
ўғитлаш билан бирга такрорий экинлар уруғларини экадиган комбинациялашган машина конструксиясига Ўзбекистон Республикаси Адлия вазирлиги ҳузуридаги “Интеллектуал мулк паркази ”нинг фойдали моделга патенти олинган (“Аввалги пуштага макка уруғини такрорий экувчи сеялка”, ФАП 2682 – 2025 й.). Натижада ўғитлаш билан бирга такрорий экинлар уруғларини экадиган комбинациялашган машина конструксиясини ишлаб чиқиш имкони яратилган;
ўғитлаш билан бирга такрорий экинлар уруғларини экадиган комбинациялашган машинани тажриба нусхаси Андижон қишлоқ хўжалиги ва агротехнологиялар институти қошидаги ахборот маслаҳат маркази ДУК, Андижон вилояти Андижон ҳамда Асака туманларидаги Водий ишонч кўрки ва Толибжон чорваси фермер хўжаликларида жорий этилган (Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2024-йил 16-декабрдаги 05/04-04-656-сон маълумотномаси). Натижада ишлаб чиқилган экувчи иш органи билан жиҳозланган комбинациялашган машина кўлланилганда меҳнат сарфи 45,8 фоизга ва гектарига сарфланадигон эксплуатацион ҳаражатлар эса 30,7 фоизга камайишига эришилган;
ўғитлаш билан бирга такрорий экинлар уруғларини экадиган комбинациялашган машина ишлаб чиқаришини ўзлаштириш учун лойиҳа-конструкторлик ҳужжатлари (техникавий топшириқ ва чизмалар) Андижонтехмаш МЧЖ да лойиҳалаш жараёнига жорий этилган (Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий марказининг 2024-йил 16-декабрдаги 05/04-04-656-сон маълумотномаси). Натижада асосланган параметрларга эга бўлган экувчи иш органи билан жихозланган комбинациялашган машинани саноат нусхасини ишлаб чиқариш имкони яратилган.