Дедаханов Акрамжон Олтмишбоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пахта хомашёсини қуритиш жараёнида қуритиш барабанида температурани назорат қилишнинг Сcада тизимини яратиш” 05.02.03–Технологик машиналар. Роботлар, мехатроника ва робототехника тизимлари ихтисослиги бўйича (техника фанлари).
Диссертация мавзуси рўйхатга олинган рақам: В2023.4.PhD/Т4214
Илмий раҳбар: Мурадов Рустам Мурадович, техника фанлари доктори, профессор.
Диссертация бажарилган муассаса номи: Наманган давлат техника университети.
ИК фаолият кўрсатаётган муассаса (муассасалар) номи, ИК рақами: Наманган давлат техника университети ҳузуридаги илмий даражалар берувчи PhD.03/30.09.2023.Т.66.01 рақамли илмий кенгаш.
Расмий оппонентлар: Шарибаев Носир Юсупжанович, ф-м.ф.д., профессор, Юлдашев Козимжон Комилжонович, т.ф.д., доцент
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.

II. Тадқиқотнинг мақсади: Пахта хомашёсини қуритиш учун қуритиш барабанидаги температурани назорат қилиш учун Сcада тизимини  ишлаб чиқиш ва маҳсулот сифатига ижобий натижа беришини асослашдан иборат.

III. Тадқиқотнинг илмий янгилиги:
қуритиш барабанига кириб келаётган пахта хомашёсининг намлигини автоматик аниқлаб, шу қийматларга мос қуритиш агрегатидан чиқаётган иссиқ ҳаво ҳароратини танлаш учун маълумотлар базаси яратилган;
пахта хомашёсини намлик қийматлари асосида қуритиш агрегати ҳарорат параметрларини ростлаш имконини берувчи меъёрдан юқори намлик учун автоматлаштирилган Сcада тизимли қўшимча ҳаво сўриш тизими яратилган.  
қуритиш барабани ишчи камерасига кириб келаётган пахта хомашёсини қуритишда намлик даражасининг маълумотлар базаси асосида ҳароратни тўғри танлаш  орқали толаларнинг табиий хусусиятларни сақлаб қолиш имконини берувчи энергиятежамкор қуритиш технологияси яратилган; 
иссиқлик ишлаб чиқарувчи агрегатлардан келаётган иссиқ ҳавони қурутиш барабанининг ишчи зонаси бўйлаб бир хилда тақсимланиши учун қуритиш барабани технологик параметрларини бошқаришнинг имитацион модели ишлаб чиқилган.
IV. Тадқиқот натижаларининг жорий қилиниши. Пахта хомашёсини автоматлаштирилган қуритиш қурилмасини қўллаш орқали ни  олиб борилган тадқиқотлар бўйича олинган натижалар асосида:
Пахта хомашёсини Сcада тизими орқали қуритиш қурилмасига дастлабки талаблар тасдиқланган (“Ўзтўқимачиликсаноат” уюшмаси  томонидан 24.10.2024-йилдаги № 03/25 – 2863-рақам билан рўйхатга олинган маълумотномаси). Натижада толаларнинг табиий хусусиятларни сақлаб қолиш имконини берувчи энергиятежамкор қуритиш қурилмаси ишлаб чиқиш имконияти яратилган.
Сcада тизими билан жиҳозланган қуритиш қурилмаси Наманган вилояти “Наманган Тўқимачи cлустер” МЧЖ га қарашли “Тўрақўрғон пахта тозалаш” корхонасида жорий этилган (“Ўзтўқимачиликсаноат” уюшмаси  томонидан 24.10.2024-йилдаги № 03/25 – 2863-рақам билан рўйхатга олинган маълумотномаси).  Натижада толаларнинг табиийлигини сақлаб қолиш имкони 20-30%га яхшиланган, ҳамда табиий газ сарфи 3 баробаргача камайишига эришилган.