Джуракулов Ойбек Комилжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “ЭТИС-2 препаратининг туберкулёз қўзғатувчилари ва бошқа тур бактерияларга қарши таъсири”, 16.00.03-Ветеринария микробиологияси, вирусологияси, эпизоотологияси, микологияси, микотоксикологияси ва иммунологияси (ветеринария фанлари).
Диссертация мавзуси рўйхатга олинган рақам: B2023.3.PhD/В97
Илмий раҳбар: Мамадуллаев Гулмурод Ҳамидович, ветеринария фанлари доктори, катта илмий ходим.
Диссертация бажарилган муассаса номи: Ветеринария илмий-тадқиқот институти.
ИК фаолият кўрсатаётган муассаса номи, ИК рақами: Ветеринария илмий-тадқиқот институти, PhD.06/29.10.2021.В.139.01.
Расмий оппонентлар: Салимов Хаит Салимович, ветеринария фанлари доктори, профессор; Ахмедов Боходир Назарович, ветеринария фанлари номзоди, катта илмий ходим.
Етакчи ташкилот: Самарқанд давлат тиббиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Республиканинг айрим чорвачилик хўжаликларида қорамоллар туберкулёзи бўйича эпизоотик таҳлил ўтказиш, ЭТИС-2 комплекс препарати билан касалликни кимёпрофилактикаси, қишлоқ хўжалик ҳайвонларининг (колибактериоз ва салмонеллёз қўзғатувчилари билан алоҳида-алоҳида юқтирилган қўйлар) бактериал этиологияли касалликларига қарши курашиш, даволаш ва (қишлоқ хўжалик ҳайвонларининг респиратор, гинекологик, гипо- ва авитаминозлар профи-лактикаси, офталмологик, жарроҳлик касалликлар) профилактика чора-тадбирларини такомиллаштириш ҳамда амалиётга татбиқ этишдан иборат.
III. Тадқиқотнинг илмий янгилиги:
2015-2022 йилларда республикадаги айрим чорвачилик хўжаликларида қорамоллар туберкулёзи эпизоотиясининг таҳлили ўтказилган. Ушбу давр мобайнида ЭТИС-2 комплекс препаратининг соғломлаштириш чора тадбирларидаги роли аниқланган; 
қорамоллар туберкулёзидан соғломлаштириш чора тадбирлар тизимида ЭТИС-2 комплекс препарати билан кимёпрофилактика қилиш услубининг роли аниқланган;
ЭТИС-2 препаратининг стериллиги, токсик хусусиятга эга эмаслиги, қўллаш дозалари ва усуллари аниқланиб, препаратнинг синергетик ва пролонгация хусусиятлари ҳам тадқиқ қилинган. 
колибактериоз, салмонеллёз ва пастереллёз касаллик қўзғатувчиларининг ЭТИС-2 препаратига нисбатан сезувчанлиги ин витро услубда синовдан ўтказилиб, колибактериоз ва салмонеллёз билан юқтирилган қўйларда ЭТИС-2 препаратнинг даволаш самарадорлиги аниқланган.
ЭТИС-2 комплекс препарати билан респиратор, гинекологик, гипо- ва авитаминозлар профилактикаси ҳамда офталмологик ва жарроҳлик касалликларни даволашнинг янги усуллари ишлаб чиқилган.
IV. Тадқиқот натижаларининг жорий қилиниши. ЭТИС-2 препаратининг туберкулёз қўзғатувчилари ва бошқа тур бактерияларга қарши таъсири бўйича олиб борилган тадқиқот натижалари асосида:
“Қорамоллар туберкулёзи эпизоотиясининг ўзига хос хусусиятлари ва қарши курашишнинг муқобил чора тадбирлари” бўйича Тизим ва “ЭТИС-2 комплекс препарати билан қишлоқ хўжалик ҳайвонлари касалликларини даволаш ва профилактика қилиш бўйича Услубий тавсиянома” тасдиқланган ва Тошкент вилоятининг Зангиота, Қибрай, Тошкент ва Чиноз туманлари, Самарқанд вилоятининг Тойлоқ туман аҳоли ва чорвачилик фермаларидаги қорамолларда жорий этилган (Ветеринария ва чорвачиликни ривожлантириш қо'митасининг 2024 йил 06 сентябрдаги №02/23-503-сон маълумотномаси). Натижада қорамоллар туберкулёзи бўйича носоғлом хўжаликларни касалликдан соғломлаштириш ва шартли соғлом қорамолларни туберкулёз касаллигидан талофациз асраб қолишга эришилган.
 ЭТИС-2 комплекс препарати билан 2356 бош қишлоқ хўжалик ҳайвонларининг респиратор (бронхит, бронхопневмония, пневмония), гине-кологик (эндометрит, метритлар, йўлдош ушланиб қолиши), офталмологик (блефарит, конъюнктивит, кератит, кератоконъюнктивит), жарроҳлик касалликлари (абссесс, флегмона, жарроҳлик операциялари) ва актиномикозларни даволаш  ҳамда профилактика қилиш услуби жорий этилган (Ветеринария ва чорвачиликни ривожлантириш қо'митасининг 2024 йил 06 сентябрдаги №02/23-503-сон маълумотномаси). Натижада қишлоқ хўжалиги ҳайвонларини турли бактериал этиологияли ва юқумсиз касалликлардан даволаш самарадорлигини 80-90 фоизгача оширишга эришилган ҳамда соғломлаштириш учун сарф қилинган бир соʻм харажатга 12,7 соʻм иқтисодий самара олинган.