Сапаров Аманбай Бердибаевичнинг
фалсафа доктори (PhD) диссертацияси ҳимояси ҳақидаги эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Совершенствование методов управления водораспределения с учётом эксплуатационных режимов оросительных каналов (на примере магистрального канала Анасай)» («Суғориш каналларининг эксплуатацион режимини инобатга олган ҳолда сув тақсимлашни бошқариш усулларини такомиллаштириш (Анасай магистрал канали мисолида)»), 05.09.07-“Гидравлика ва муҳандислик гидрологияси” (техника фанлари).
Диссертация мавзуси рўйхатга олинган рақам: В2025.2.PhD/Т4992.
Илмий раҳбар: Джуманазарова Алтингул Тенгеловна, техника фанлари номзоди, доцент. 
Диссертация бажарилган муассаса номи: Қорақалпоғистон қишлоқ хўжалиги ва агротехнологиялар институти
Илмий Кенгаш фаолият кўрсатаётган муассаса номи, Илмий Кенгаш номи: Мирзо Улуғбек номидаги Самарқанд давлат архитектура-қурилиш университети ҳузуридаги илмий даражалар берувчи PhD.26/26.01.2023.Т.109.03. рақамли Илмий Кенгаш.
Расмий оппонентлар: Эшев Собир Самадович - Қарши давлат техника университети “Гидравлика ва муҳандислик иншоотлари қурилиши” кафедраси мудири, профессор, техника фанлари доктори, Янгиев Асрор Абдихамидович - “Тошкент ирригация ва қишлоқ хўжалигини механизациялаштириш муҳандислари  институти” Миллий тадқиқот университети “Гидротехника иншоотлари ва муҳандислик конструксиялари” кафедраси профессори, техника фанлари доктори.
Етакчи ташкилот: Тошкент архитектура қурилиш университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади. Сув танқислиги шароитида суғориш каналларининг эксплуатацион режимларини ҳисобга олган ҳолда сув тақсимотини бошқариш усулларини такомиллаштириш.
III. Тадқиқотнинг илмий янгилиги:
    суғориладиган майдонларнинг сув йўқотилишини ҳисобга олган ҳолда суғориш каналларининг гидравлик параметрларини ҳисоблаш усули ишлаб чиқилди;
    кам сувли даврларда суғориш каналлари узунлиги бўйича оқизиқлар ва деформацион жараёнларнинг тақсимланишини ҳисоблаш усули ишлаб чиқилди;
    суғориш каналлари иш режими ва чўкиндиларнинг фраксион таркибини ҳисобга олган ҳолда сув тақсимлашни самарали бошқариш усули такомиллаштирилди.
магистрал каналнинг кенгайган ва чуқурлашган қисмларида лойқаликнинг сув оқими бўйича тақсимланишини гидродинамик тенгламалар асосида ҳисоблаш усули такомиллаштирилди.
    IV. Тадқиқот натижаларининг жорий қилиниши. Суғориш каналларининг эксплуатацион режимини инобатга олган ҳолда сув тақсимлашни бошқариш усулларини такомиллаштириш бўйича олинган илмий натижалар асосида:
    суғориладиган майдонларнинг сув йўқотилишларини инобатга олган ҳолда суғориш каналларининг гидравлик параметрларини ҳисоблаш усули «Амударё» ҳавзавий сув хўжалиги бирлашмаси Қуйи дарё бошқармасига жорий этилган (Сув хўжалиги вазирлигининг 2024-йил 6-сентябрдаги 03/09-3-363-сон маълумотномаси). Натижада сув тақсимлашда суғориш каналларининг фойдали иш коеффициентини 7-12% га оширишга эришилди.
    кам сувли даврларда суғориш каналларининг узунлиги бўйича чўкиндилар тақсимланиши ва деформацион жараёнларни ҳисоблаш методикаси «Амударё» хавзавий сув хўжалиги бирлашмаси Қуйи дарё бошқармасига жорий этилган. (Сув хўжалиги вазирлигининг 2024-йил 6-сентябрдаги 03/09-3-363-сон маълумотномаси). Натижада сув истеъмолчиларини кафолатли сув билан таъминлашни 12% га ошириш имконини берган.
         суғориш каналларининг эксплуатацион режими ва чўкиндиларнинг фраксион таркибини инобатга олган ҳолда сув тақсимлашни самарали бошқаришнинг такомиллаштирилган усули Сув хўжалиги вазирлиги ҳузуридаги «Каттагар-Бозатаw» ирригация тизимлари бошқармасига жорий этилган. (Сув хўжалиги вазирлигининг 2024-йил 6-сентябрдаги 03/09-3-363-сон маълумотномаси). Натижада магистрал каналга бириктирилган суғориладиган майдонлари учун сув тақсимлаш самарадорлиги ошган.
қишлоқ хўжалиги экинларини суғориш учун гидромодул раёнлаштиришни ҳисобга олган ҳолда сув баланси тенгламалари асосида такомиллаштирилган сув хўжалиги ҳисоби усули Сув хўжалиги вазирлиги ҳузуридаги «Каттагар-Бозатаw» ирригация тизимлари бошқармасига жорий этилган. (Сув хўжалиги вазирлигининг 2024-йил 6-сентябрдаги 03/09-3-363-сон маълумотномаси). Натижада қишлоқ хўжалиги экинларининг сув билан таъминланиши 18% ошди.