Масидиков Эляр Мирсодиковичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Мис бойитиш фабрикаси чиқиндиларини қайта ишлаш технологиясини ишлаб чиқиш», 04.00.14 – Фойдали қазилмаларни бойитиш (техника фанлари).  
Диссертация мавзуси рўйхатга олинган рақам: В2024.3.PhD/Т4862.
Илмий раҳбар: Абдурахмонов Соиб Абдурахмонович, техника фанлари доктори, профессор. 
Диссертация бажарилган муассаса номи: Тошкент давлат техника университети Олмалиқ филиали.
ИК фаолият кўрсатаётган муассаса номи, ИК рақами: Навоий давлат кончилик ва технологиялар университети, DSc.17/04.06.2021.Т.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Алимов Расулхан Сарварханович, техника фанлари бўйича фалсафа доктори (PhD). 
Етакчи ташкилот: Миллий технологик тадқиқотлар университети «МИСИС»нинг Олмалиқ шаҳридаги филиали.
Диссертация йўналиши: назарий ва амалий аҳамиятга молик. 
II. Тадқиқотнинг мақсади мис бойитиш фабрикаси чиқиндиларини қайта ишлашнинг самарали технологиясини ишлаб чиқишдан иборат.
III. Тадқиқотнинг илмий янгилиги:
мис бойитиш фабрикаси чиқиндиларини куйдиришдан ҳосил бўлган куйиндини электромагнитли саралаш усулининг оптимал шароити 2,5 А ток кучида магнитли фракциянинг юқори ажралиши 37,3% бўлиб магнитли фракциядаги темирнинг умумий миқдори 75,1%  бўлиши аниқланган;
магнициз фракцияни сулфат кислота билан ҳаво иштирокида танлаб эритилганда темирни гидролитик чўктириш даражаси 97,2% етиши аниқланган;
эритмадан мисни ДЕДТКНа йиғувчи реагентини қўллаган ҳолда 99% унум билан ионли флотация усулида ажратиб олиниши аниқланган;
“Олмалиқ КМК” АЖ мис бойитиш фабрикаси чиқиндихоналарида тоʻпланиб келинаётган чиқиндилардан мис бойитмаси, темир бойитмаси, ҳамда олтин, кумуш ажратиб олишга ёрдам берувчи такомиллаштирилган қайта ишлаш технология ишлаб чиқилган.
IV. Тадқиқот натижаларининг жорий қилиниши. Мис бойитиш фабрикаси чиқиндиларини қайта ишлаш технологиясини ишлаб чиқиш бўйича олинган илмий натижалар асосида:
яратилган паст ҳароратда куйдириб кремнийсизлантириш, орқали мис бойитиш фабрикаси чиқиндиларини комбинирланган қайта ишлашнинг янги технологияси «Олмалиқ КМК» АЖ нинг мис бойитиш фабрикасида амалиётга жорий этилган («Олмалиқ КМК» АЖнинг 2024 йил 29 ноябрдаги 11-24/01-01613-сон маълумотномаси). Натижада, яратилган технологияни қўллаш мис металини ажратиб олиш даражасини 89,3% гача ошириш имконини берган;
мис бойитиш фабрикаси чиқиндиларини паст ҳароратда куйдириб кремнийсизлантириш, куйиндини магнитли саралаш, магнициз фракцияни сулфат кислотали танлаб эритиш ва эритмани ионли флоитация усулида қайта ишлаш технологияси «Олмалиқ КМК» АЖнинг мис бойитиш фабрикасида амалиётга жорий этилган («Олмалиқ КМК» АЖнинг 2024 йил 29 ноябрдаги 11-24/01-01613-сон маълумотномаси). Натижада, миснинг умумий ажратиб олиш даражаси 89,3% га ошириш ва қўшимча равишда темир бойитмаси ҳамда таркиби Ау-1,26 г/т, Аг-11,8 г/т кек олиш имконини берган.