Rasulov Otabek Salimovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri: “Mahalla institutlarining boshqaruv mexanizmlarini takomillashtirish”, 08.00.13 – Menejment.
Dissertatsiya mavzusi ro‘yxatga olingan raqam: B2023.2.PhD/Iqt3107.
Ilmiy rahbarning F.I.Sh., ilmiy darajasi va unvoni: Kambarov Jamoliddin Xikmatillaevich
iqtisodiyot fanlari doktori, dotsent 
Dissertatsiya bajarilgan muassasa nomi: Farg‘ona davlat texnika universiteti.
IK faoliyat ko‘rsatayotgan muassasa nomi, IK raqami: Andijon davlat universiteti, DSc.03/30.12.2019.I.60.03
Rasmiy opponentlar iqtisodiyot fanlari doktori, professor Xankeldieva Guzal Sherovna; iqtisodiyot fanlari bo‘yicha falsafa doktori, dotsent Rustamova Sayyora Xatamovnalar.
Yetakchi tashkilot: Namangan davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi  mahalla institutlari boshqaruv mexanizmini takomillashtirish yuzasidan ilmiy taklif va amaliy tavsiyalarni ishlab chiqishdan iborat. 
III. Tadqiqotning ilmiy yangiligi:
mahalla institutlari faoliyatida ijtimoiy-iqtisodiy infratuzilmani yaxshilashga xizmat qilivchi hamda institutlar boshqaruvini optimallashtiruvchi “Mahalla fuqarolar yig‘ini faoliyatini innovatsion takomillashtirish mexanizmi” taklif etilgan;
tashqi ta’sirni e’tiborga olib, mahalla fuqarolar yigini faoliyatini baholash yondashuvlarini umumlashtirish asosida tashkiliy tuzilmaviy jarayonlarni boshqarish mexanizmlari modeli takomillashtirilgan; 
ekspertlarning baholash indikatorlariga asoslanib, mahalla fuqarolar yig‘ini raislarini saylovdan oldin boshqaruvchanlik qobiliyatlarini 5 ballik baholash shkalasi asosidagi baholash mezonlari ishlab chiqilgan;
Farg‘ona viloyatida turli dasturlarga kiritilgan 5 ta mahalla fuqarolar yiginlarini ish bilan bandlar sonining o‘sishi, yoshlarga qaratilgan faollik dasturlari asosida ijtimoiy faollik indeksining 2030 yilga qadar prognozi ishlab chiqilgan.
IV. Tadqiqot natijalarining joriy qilinishi.  
mahalla institutlari faoliyatida ijtimoiy-iqtisodiy infratuzilmani yaxshilashga xizmat qilivchi “Mahalla fuqarolar yig‘ini faoliyatini innovatsion takomillashtirish mexanizmi” taklifi Oʻzbekiston Respublikasi Prezidentining 2022-yil 28-yanvardagi PF-60 sonli “2022-2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi Farmonining 1-maqsadida oʻz ifodasini topgan hamda O‘zbekiston Mahallalar uyushmasining Farg‘ona viloyati boshqarmasi faoliyatiga tadbiq etilgan (O‘zbekiston mahallalari uyushmasi tizimi xodimlarining malakasini oshirish va mahalllarni metodik ta’minlash o‘quv-uslubiy markazining 2024-yil 2-dekabrdagi 01-03/10-sonli ma’lumotnomasi).  Mazkur ilmiy yangilikni amaliyotga joriy etish natijasida fuqarolar murojaatlari bilan ishlash samaradorligi 9% ga ortgan.
tashqi ta’sirlarni e’tiborga olib, mahalla fuqarolar yig‘ini faoliyatini baholashning yondoshuvlari asosida tashkiliy tuzilmaviy jarayonlarni boshqarish mexanizmlari modeli takomillashtirilgan taklifi Oʻzbekiston Respublikasi Prezidentining 2023-yil 11-sentyabrdagi PF-158 sonli ““O‘zbekiston — 2030” strategiyasi to‘g‘risida”gi Farmonining 4.1-bandida oʻz ifodasini topgan hamda O‘zbekiston Mahallalar uyushmasining Farg‘ona viloyati boshqarmasi faoliyatiga tadbiq etilgan (O‘zbekiston mahallalari uyushmasi tizimi xodimlarining malakasini oshirish va mahalllarni metodik ta’minlash o‘quv-uslubiy markazining 2024-yil 2-dekabrdagi 01-03/10-sonli ma’lumotnomasi). Mazkur ilmiy yangilikni amaliyotga joriy etish natijasida Farg‘ona viloyati mahallalarini 2024-2030-yillarda rivojlantirish strategiyasini takomillashtirish hamda mahallalarning istiqboldagi parametrlarini o‘zaro muvofiqlashtirish imkoniyati yaratilgan.
ekspertlarning baholash indikatorlariga asoslanib, mahalla fuqarolar yig‘ini raislarini saylovdan oldin boshqaruvchanlik qobiliyatlarini 5 ballik baholash shkalasi asosidagi baholash mezonlari ishlab chiqilganligi bo‘yicha taklifi  O‘zbekiston Respublikasi Prezidentining “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida” 2023-yil 21-dekabrdagi PQ-402-sonli Qarorining 2-bobida o ’z ifodasini topgan hamda  O‘zbekiston Mahallalar uyushmasining Farg‘ona viloyati boshqarmasi faoliyatiga tadbiq etilgan (O‘zbekiston mahallalari uyushmasi tizimi xodimlarining malakasini oshirish va mahalllarni metodik ta’minlash o‘quv-uslubiy markazining 2024-yil 2-dekabrdagi 01-03/10-sonli ma’lumotnomasi). Mazkur ilmiy yangilikni amaliyotga joriy etish natijasida mahalla institutlariga raislarni tanlashga ketadigan vaqtni 45% ga qisqarishiga hamda xarajatlarini 15% ga kamayishiga erishish imkoniyati yaratilgan.
Farg‘ona viloyatida turli dasturlarga kiritilgan 5 ta mahalla fuqarolar yiginlarini ish bilan bandlar sonining o‘sishi, yoshlarga qaratilgan faollik dasturlari asosida ijtimoiy faollik indeksining 2030 yilga qadar prognozi ishlab chiqilganligi bo‘yicha taklifi Oʻzbekiston Respublikasi Prezidentining 2023-yil 11-sentyabrdagi PF-158 sonli ““O‘zbekiston — 2030” strategiyasi to‘g‘risida”gi Farmonining 4.1-bandida oʻz ifodasini topgan hamda O‘zbekiston Mahallalar uyushmasining Farg‘ona viloyati boshqarmasi faoliyatiga tadbiq etilgan (O‘zbekiston mahallalari uyushmasi tizimi xodimlarining malakasini oshirish va mahalllarni metodik ta’minlash o‘quv-uslubiy markazining 2024-yil 2-dekabrdagi 01-03/10-sonli ma’lumotnomasi). Mazkur ilmiy yangilikni amaliyotga joriy etish natijasida Farg‘ona viloyatidagi mahalla institutlarida boshqarish samaradorligini 2,8% ga oshirish imkoniyati vujudga keldi.