Шомуродов Шоҳбоз Эрол ўғлининг 
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Бердах валидаги юқори-ўрта юра даври терриген коллекторларининг газ берувчанлик коэффициентига геологик омилларнинг таъсири», 04.00.07 – Нефть ва газ конлари геологияси, уларни қидириш ва разведка қилиш (геология-минералогия фанлари).
Диссертация мавзуси рўйхатга олинган рақам: B2025.1.PhD/GM140.
Илмий раҳбар: Халисматов Ирмухамат, геология-минералогия фанлари номзоди, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Нефть ва газ конлари геологияси ҳамда қидируви институти, DSc.24/30.12.2019.GM.41.01. 
Расмий оппонентлар: Иргашев Юлдашбай, геология-минералогия фанлари доктори, профессор; Абидов Хуршид Асрорович, геология-минералогия фанлари номзоди.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Устюрт региони Бердах валидаги терриген коллекторли маҳсулдор қатламлардаги газ ва газоконденсат уюмларини геологик омиллар кўрсаткичлари таъсиридаги газ берувчанлик коэффициентини баҳолаш ва башоратлаш моделларини ишлаб чиқишдан иборат.
III. Тадқиқотнинг илмий янгилиги:
Бердах валидаги терриген коллекторли газ конларида вақт давомида ўзгарувчан ва ўзгармайдиган геологик омилларнинг ўртача газ берувчанлик коэффициентига эмпирик маълумотлар асосида таъсири миқдорий исботланган;
маҳсулдор қатламлар геологик кўрсаткичларининг ўзгаришини интерваллик баҳолаш асосида йиллик ўртача газ берувчанлик коэффициентларининг қуйи (0,96 %), ўрта (1,66 %) ва юқори (3,81 %) миқдордаги турлари аниқланган;
терриген коллекторлардаги газ уюмларида газ берувчанлик коэффициентини юқори аниқликда башоратлашнинг моделлаштирилган алгоритми ишлаб чиқилган;
Шарқий Бердах, Шимолий Бердах, Учсой, Арслон ва Инам конларининг газ берувчанлик коэффициентини башоратлаш дастури ишлаб чиқилган, унинг ёрдамида газ захирасидан фойдаланиш давомийлиги қисқа, ўрта ва узоқ муддатларга бўлиниши асосланиб, узоқ муддатли башоратлаш сценарийлари ишлаб чиқилган.
IV. Тадқиқот натижаларининг жорий қилиниши. Бердах валидаги юқори-ўрта юра даври терриген коллекторларининг газ берувчанлик коэффициентига геологик омилларнинг таъсири бўйича олинган натижалар асосида: 
Шарқий Бердах, Учсой, Шимолий Бердах конларининг терриген коллекторли газ ва газоконденсат уюмларининг геологик омиллар кўрсаткичлари асосида газ берувчанлик коэффициентини баҳолаш моделини  ишлаб чиқиш тавсияси “Нефть ва газ конлари геологияси ҳамда қидируви институти” ДМ да амалиётга жорий қилинган (Ўзбекистон Республикаси Тоғ-кон саноати ва геология вазирлигининг 2023 йил 28 декабрдаги 32-4772-сон маълумотномаси). Натижада, уюмларнинг геологик кўрсаткичларини ўзгариш комбинациялари тизимида интерваллашган йиллик ўртача газ берувчанлик коэффициентининг қуйи (0,96 %), ўрта (1,66 %), юқори (3,81 %) даражалари бўйича турларга ажратилиб, такомиллашган газ қазиб олишни режалаштириш имконини берган;
Устюрт регионидаги терриген коллекторли газ ва газоконденсат конларининг газ берувчанлик коэффициентини геологик омиллар кўрсаткичлари асосида башоратлашнинг моделлаштирилган механизмини алгоритмини  ишлаб чиқиш тавсияси “Нефть ва газ конлари геологияси ҳамда қидируви институти” ДМ да амалиётга жорий қилинган (Ўзбекистон Республикаси Тоғ-кон саноати ва геология вазирлигининг 2023 йил 28 декабрдаги 32-4772-сон маълумотномаси). Натижада, Шарқий Бердах-Учсай, Шимолий Бердах, Арслон, Ином конлари мисолида газ захирасидан фойдаланиш давомийлигини асословчи уюмларни газ берувчанлик коэффициентини узоқ муддатли башоратлаш методикаси яратилган.