Davronov Javlon Rustam o‘g‘lining 
Falsafa doktori (PhD) dissertatsiyasi himoyasi haqida e’lon 

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Yuqori tartibli differensial operatorlarning fundamental echimiga aniq bo‘lgan taqribiy integrallashning optimal algoritmlari», 01.01.03–Hisoblash matematikasi va diskret matematika (fizika-matematika fanlari).
Dissertatsiya mavzusi ro‘yxatga olingan raqam: B2025.1.PhD/FM1232
Ilmiy rahbar: Shadimetov Xolmatvay Maxkambaevich, fizika-matematika fanlari doktori, professor.
Dissertatsiya bajarilgan muassasa nomi: O‘zRFA V.I.Romanovskiy nomidagi Matematika instituti va Toshkent davlat transport universiteti
IK faoliyat ko‘rsatayotgan muassasa nomi, IK raqami: O‘zbekiston Milliy universiteti huzuridagi DSc.03/30.12.2019.FM.01.02 raqamli ilmiy kengash.
Rasmiy opponentlar: Hayotov Abdullo Raxmonovich, fizika-matematika fanlari doktori, professor; Xudoyberganov Mirzoali O‘razalievich, fizika-matematika fanlari doktori, professor.
Yetakchi tashkilot: Buxoro davlat universiteti.
Dissertatsiya yo‘nalishi: nazariy va amaliy ahamiyatga molik.
II.Tadqiqotning maqsadi yuqori tartibli differensial operatorlarning fundamental echimiga aniq bo‘lgan taqribiy integrallashning optimal algoritmlarini qurish, ularga mos xatolik funksionali normasini hisoblash hamda integral tenglamalarni sonli echishda optimal kvadratur formulalarni qo‘llashdan iborat.
III.Tadqiqotning ilmiy yangiligi quyidagilardan iborat:
Sobolevning   fazosida yuqori tartibli differensial operatorlarning fundamental echimlariga aniq bo‘lgan kvadratur formulaning ekstremal  funksiyasi yordamida xatolik funksionali normasining ko‘rinishi topilgan;
Sobolevning   fazosida normaga minimum qiymat beruvchi koeffisientlar bo‘yicha xususiy hosilalarini nolga tenglashtirib Vinner-Xopf tipidagi tenglamalar sistemasi olingan;
Sobolevning   fazosida Fure almashtirishlari yordamida  juft bo‘lganda   differensial operatorning   diskret analogi qurilgan;
Sobolevning   va   fazolarida diskret operatorlar yordamida kvadratur formulalar optimal koeffisientlarning ko‘rinishlari topilgan;
Sobolevning   va   fazolarida optimal koeffisientlaridan foydalanib kvadratur formula xatoligining yaqinlashish tartibi baholangan.
 IV.Tadqiqot natijalarining joriy qilinishi:
Gilbert fazosida integrallarni taqribiy hisoblash uchun qurilgan optimal kvadratur formuala 2022-2023 yillarda Toshkent axborot texnologiyalari universitetida bajarilgan IL-5321091543 “Gaz tarmoqlarining topologik modelini yaratish va simulyasiya qilish” mavzusidagi innovatsion loyihani bajarishda, ya’ni loyihada gaz tarmoqlarining topologik modelini yaratishda va simulyasiya qilishda foydalanilgan. (Toshkent axborot texnologiyalari universiteti, 2025-yil 22-apreldagi 1561/05-2 – sonli ma’lumotnomasi). Natijada gaz tarmoqlarini simulyasiya qilishning samarali modellari uchun integral munosabatlarni taqribiy echish imkonini bergan;
  fazosida qurilgan optimal kvadratur formula UZB-Ind-2021-97 raqamli “Applied statistical problems for dependent incomplete multidimensional data” mavzusidagi amaliy loyihasida ikki o‘lchovli ishonchlilik funksiyasi va uning qorishmasi uchun qurilgan Arximed kopula baholarini olishda qo‘llanilgan. (M.V. Lomonosov nomidagi Moskva davlat Universiteti Toshkent filiali, 2025 yil 24 apreldagi 01-01-70-sonli ma’lumotnomasi). Natijada, ikki o‘lchovli ishonchlilik funksiyasi va uning qorishmasi uchun qurilgan Arximed kopula baholarining tekis asosligining natijalarini isbotlash imkon bergan.