Шамшитдинов Мақсудбек Элмурод ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пахта пневмотранспорти вентилятори ишчи параметорларининг илмий асослари” 05.02.03–Технологик машиналар. Роботлар, мехатроника ва робототехника тизимлари ихтисослиги бўйича (техника фанлари).
Диссертация мавзуси рўйхатга олинган рақам: B2025.1.PhD/Т5355
Илмий раҳбар: Алиев Ботиржон Тохиржонович, техника фанлари бўйича фалсафа доктори, доцент.
Диссертация бажарилган муассаса номи: Наманган муҳандислик-технология институти
ИК фаолият кўрсатаётган муассаса (муассасалар) номи, ИК рақами: Наманган муҳандислик-технология институти ҳузуридаги илмий даражалар берувчи PhD.03/30.09.2023.Т.66.01 рақамли илмий кенгаш.
Расмий оппонентлар: Расулов Рўзимурод Хасанович,  т.ф.д., профессор, Далиев Шуҳратжон Латипжанович, т.ф.ф.д., доцент.
Етакчи ташкилот: Термиз муҳандислик ва агротехнологиялар университети.
Диссертация йўналиши: назарий ва амалий аҳамиятга молик.

II. Тадқиқотнинг мақсади: линтер машинасидаги тозалаш мосламасининг такомиллаштирилган конструксиясини яратиш ҳамда машинага энергия тежовчи восита жорий қилиш ҳамда унинг параметрларини асослашдан иборат.
III. Тадқиқотнинг илмий янгилиги:
линтерлаш машинаси двигателининг реактив компенсациясини ўрганиш орқали биринчи марта умумий сарф қилинаётган энергия миқдорини 20 % га тежовчи CДИ-Э102Г022/П030Т4Б частота ўзгартиргичи ўрнатилган конструксияси ишлаб чиқилган;
линтер машинасида линтни тозалаш мосламасини такомиллаштириш орқали маҳсулотни тозалаш самарадорлигини 66 % га оширувчи, 450 қиялик бурчагига ҳамда 1600 мм узунликка эга тўсиқ-пластинали тўрли юза конструксияси ишлаб чиқилган;
такомиллаштирилган тўрли юзанинг барқарор ва бир текис тебранишини таъминлаш имконини берувчи тебраниш амплитудаси (0,16-0,31 мм) ва частотасининг (3,33-27 Ҳз) узвий боғлиқлиги асосланган;
тажрибаларни режалаштириш усули асосида такомиллаштирилган линт тозалаш конструксияси ишига таъсир қиладиган асосий омиллар тўрли юза тирқишининг узунлиги, тўсиқ-пластина қиялик бурчаги ва чўткали барабан айланиш тезлигининг рационал қийматларини аниқлашнинг математик модели ишлаб чиқилган.

IV. Тадқиқот натижаларининг жорий қилиниши. Такомиллаштирилган уруғлик чигитларни саралаш қурилмасини жорий қилиш бўйича олинган натижалар асосида:
линтер машинасига энергия тежовчи қурилма ўрнатилган конструксия “НТ Чуст ғалла кластер” МЧЖ “Чуст пахта тозалаш” корхонасига жорий этилган (Ўзбекистон Республикаси «Ўзтўқимачиликсаноат» уюшмасининг 2024-йил, 13-декабрдаги 03/25-3338-сон маълумотномаси). Натижада линтер машинасининг йиллик энергия сарфи 525600 кВт га тежалишига эришилди;
линтер машинасига такомиллаштирилган тозалаш мосламаси ўрнатилган конструксия “НТ Чуст ғалла кластер” МЧЖ “Чуст пахта тозалаш” корхонасига жорий этилган  (Ўзбекистон Республикаси «Ўзтўқимачиликсаноат» уюшмасининг 2024-йил, 13-декабрдаги 03/25-3338-сон маълумотномаси). Натижада иш унумдорлиги 1500 кг/соатни ташкил қилган ҳолда тозалаш самарадорлиги ўртача 66 % га ортишига, линт маҳсулотининг ифлослик йиғиш камерасига ўтиб кетиши пахта навига боғлиқ ҳолда 0,5-1 % гача камайишига эришилган.