Хусанова Малоҳат Менгноровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Саноат корхоналарини бошқаришнинг ташкилий-иқтисодий механизмини такомиллаштириш”, 08.00.13–Менежмент ва 08.00.03 – Саноат иқтисодиёти.
Диссертация мавзуси рўйхатга олинган рақам: B2024.4.PhD/Iqt4804
Илмий раҳбар: Джурабаев Отабек Джурабаевич, иқтисодиёт фанлари доктори, доцент.
Диссертация бажарилган муассаса номи: Тошкент архитектура - қурилиш университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2020.I.16.02. 
Расмий оппонентлар: Турсунов Шерзод Абдуқодирович, иқтисодиёт фанлари доктори, доцент; Хасанов Тохир Абдурашидович, иқтисодиёт доктори, профессор.
Етакчи ташкилот: Тошкент кимё-технологиялар институти.
Диссертасия йўналиши: Назарий ва амалий аҳамиятга молик.
II. Тадқиқотнинг мақсади саноат корхоналари фаолиятини бошқаришнинг ташкилий-иқтисодий механизмиларни такомиллаштиришга қаратилган илмий- таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
саноат корхоналарида бошқарув жараёнлари самарадорлигини бозор дастаклари воситасида комплекс баҳолаш услубиёти корхонадаги бизнес жараёнларининг ранг ва вазн кўрсаткичлари асосидаги умумлашган баҳони «самарасиз» (0 < УБс ≤ 0,2), «паст самарали» (0,3 ≤ УБпс ≤ 0,5), «самарали» (0,6 ≤ УБсам ≤ 0,8), «юқори самарали» (0,8 ≤ УБс ≤ 1,0) оралиқ мезонлар доирасида жорий этиш асосида такомиллаштирилган;
саноат корхоналарида бошқарув стратегияларини ВРИО (аҳамиятли, ноёб, тажрибани ўзлаштириш ва ташкилот) таҳлили бўйича молиявий, меҳнат ва активларининг ҳолатини акс эттирувчи матрица кўрсаткичлари «рақобат заифлиги», «рақобат паритети», «вақтинчалик рақобатдош устунлик», «ишлатилмаган рақобатдош устунлик», «узоқ муддатли ва барқарор рақобатдош устунлик» мезонлари бўйича (ВРИО = 0 - 4 балл) миқдорий баҳолаш орқали такомиллаштирилган;
саноат корхоналарида инновацион салоҳиятни бошқаришнинг ташкилий-иқтисодий механизми бошқарувнинг вазифалари, функсиялари ҳамда усуллари орасидаги боғланишлар оптималлигини бозор конъюнктураси тебранишларига мувофиқ ўзгартириш орқали такомиллаштирилган;
Ўзбекистонда қайта ишлаш саноати тармоқларига жалб этилган инвестициялар ҳажми, саноат тармоқларидаги бандлар сони, саноат тармоқларида фаолият кўрсатаётган корхоналар сони, кичик бизнеснинг саноат маҳсулотидаги улуши ва саноат тармоғидаги меҳнат унумдорлигини ўз ичига олувчи кўп омилли эконометрик модел асосида ялпи саноат маҳсулоти ҳажмининг 2028 йилга қадар прогноз кўрсаткичлари ишлаб чиқилган.
IV. Тадқиқот натижаларининг жорий қилиниши.
саноат корхоналарида бошқарув жараёнлари самарадорлигини бозор дастаклари воситасида комплекс баҳолаш услубиёти корхонадаги бизнес жараёнларининг ранг ва вазн кўрсаткичлари асосидаги умумлашган баҳони «самарасиз» (0 < УБс ≤ 0,2), «паст самарали» (0,3 ≤ УБпс ≤ 0,5), «самарали» (0,6 ≤ УБсам ≤ 0,8), «юқори самарали» (0,8 ≤ УБс ≤ 1,0) оралиқ мезонлар доирасида жорий этиш асосида такомиллаштирилган таклифи, Ўзбекистон савдо - саноат палатаси таркибига кирувчи саноат корхоналари фаолиятига татбиқ этилган (Ўзбекистон савдо - саноат палатасининг 2025 йил 17 февралдаги 04-07-27-1826-сонли маълумотномаси). Мазкур илмий янгиликнинг амалиётга жорий этилиши натижасида турли саноат тармоқларига тегишли бўлган корхоналарда бошқарув самарадорлиги даражасини таққослама таҳлил этиш имкони яратилган;
саноат корхоналарида бошқарув стратегияларини ВРИО (аҳамиятли, ноёб, тажрибани ўзлаштириш ва ташкилот) таҳлили бўйича молиявий, меҳнат ва активларининг ҳолатини акс эттирувчи матрица кўрсаткичлари «рақобат заифлиги», «рақобат паритети», «вақтинчалик рақобатдош устунлик», «ишлатилмаган рақобатдош устунлик», «узоқ муддатли ва барқарор рақобатдош устунлик» мезонлари бўйича (ВРИО = 0 - 4 балл) миқдорий баҳолаш орқали такомиллаштирилган таклифи, Ўзбекистон савдо - саноат палатаси таркибига кирувчи саноат корхоналари фаолиятига татбиқ этилган (Ўзбекистон савдо - саноат палатасининг 2025 йил 17 февралдаги 04-07-27-1826-сонли маълумотномаси). Ушбу илмий янгиликнинг амалиётга жорий этилиши билан саноат корхоналарида бошқарув стратегиясини шакллантириш аниқлиги 6-8 фоизга ортган;
саноат корхоналарида инновацион салоҳиятни бошқаришнинг ташкилий-иқтисодий механизми бошқарувнинг вазифалари, функсиялари ҳамда усуллари орасидаги боғланишлар оптималлигини бозор конъюнктураси тебранишларига мувофиқ ўзгартириш орқали такомиллаштирилган таклифи, Ўзбекистон савдо - саноат палатаси таркибига кирувчи саноат корхоналари фаолияти учун татбиқ этилган (Ўзбекистон савдо - саноат палатасининг 2025 йил 17 февралдаги 04-07-27-1826-сонли маълумотномаси). Ушбу илмий таклифнинг амалиётга жорий этилиши натижасида саноат тармоқлари таркибидаги корхоналарда бошқариш самарадорлиги амалдаги ҳолатдан 5-7 фоизгача ортиши асосланган; 
Ўзбекистонда қайта ишлаш саноати тармоқларига жалб этилган инвестициялар ҳажми, саноат тармоқларидаги бандлар сони, саноат тармоқларида фаолият кўрсатаётган корхоналар сони, кичик бизнеснинг саноат маҳсулотидаги улуши ва саноат тармоғидаги меҳнат унумдорлигини ўз ичига олувчи кўп омилли эконометрик модел асосида ялпи саноат маҳсулоти ҳажмининг 2028 йилга қадар прогноз кўрсаткичлари ишлаб чиқилган таклифи, Ўзбекистон савдо - саноат палатаси таркибига кирувчи саноат корхоналари фаолияти учун татбиқ этилган (Ўзбекистон савдо - саноат палатасининг 2025 йил 17 февралдаги 04-07-27-1826-сонли маълумотномаси).  Бунинг натижасида мамлакат саноат тармоқларида яратилган ялпи саноат маҳсулоти ҳажмини яқин келажакдаги мақсадли кўрсаткичларини аниқланиш даражаси 9-14 фоизгача ортган.