Комилжонов Сухроббек Комоладдиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қорамолларда тухумдонларнинг постнатал онтогенези ва Антимиопатик 2 препаратини қўллаш таъсиридаги морфофунксионал ўзгаришлар”, 16.00.02 – Ҳайвонлар патологияси, онкологияси ва морфологияси. Ветеринар акушерлиги ва ҳайвонлар репродуксияси биотехникаси (ветеринария фанлари).
Диссертация мавзуси рўйхатга олинган рақам: B2024.2.PhD/В134
Илмий раҳбар: Юнусов Худайназар Бекназарович, биология фанлари доктори, профессор.
Диссертация бажарилган муассаса номи: Самарқанд давлат ветеринария медицинаси, чорвачилик ва биотехнологиялар университети Нукус филиали.
ИК фаолият кўрсатаётган муассаса номи, ИК рақами: Самарқанд давлат ветеринария медицинаси, чорвачилик ва биотехнологиялар университети, DSc.06/30.12.2019.В.12.01.
Расмий оппонентлар: Ниёзов Хаким Бакоевич, ветеринария фанлари доктори, профессор; Қўлдошев Отамурот Урозович, ветеринария фанлари доктори, катта илмий ходим.
Етакчи ташкилот: Ветеринария ва чорвачиликни ривожлантириш қўмитаси.
Диссертация йўналиши: назарий ва амалий аҳамиятга молик.
II. Тадқиқотнинг мақсади постнатал онтогенезда йирик шохли ҳайвонлар тухумдонларининг морфофунксионал ўзгаришларини аниқлаш ва касалликларининг олдини олишдан иборат.
III. Тадқиқотнинг илмий янгилиги:
йирик шохли ҳайвонлар тухумдонларида кузатиладиган морфофунксионал ўзгаришлар постнатал онтогенезнинг турли  даврларига боғлиқлиги  илмий асосланган; 
тухумдонлар сариқ танасида йирик лютеоситлар ва капиллярлар бўлиши, лютеоситлар  ситоплазмаси базофил, майда вакуоллашган, ядроси яхши кўринадиган хроматин бўлакларни сақлаши ва экссентрик жойлашганлиги аниқланган;
тухумдонлар гипофунксияси бирламчи фолликулалар атрезияси, овоситлар некрози, лютеинланган фолликулаларда веноз гиперемия, қон қуйилишлар, фолликулоситлар ва текоситлар ёғли инфилтрасияси ҳамда  гранулоситлар десквамасияси билан характерланиши илмий асосланган;
сигирларда «Антимиопатик 2» витаминли-минералли препаратини қўллаш тухумдонларда иккиламчи фолликулалар сонининг ошиши, танасининг қалинлашиши, бирламчи фолликулалар хажмининг катталашиши, улардаги овоситли ялтироқ ва донадор қаватларнинг қалинлашишига олиб келиши тадқиқотларда исботланган.
IV. Тадқиқот натижаларининг жорий қилиниши. Йирик шохли ҳайвонлар тухумдонларининг постнатал онтогенези ва «Антимиопатик 2» препаратини қўллаш таʼсиридаги морфофунксионал ўзгаришлари бўйича олиб борилган илмий тадқиқот натижалари асосида:
«Применение ветеринарного препарата «Антимиопатик 2» для улучшения воспроизводительной функции крупного рогатого скота» номли тавсиянома тасдиқланган ва ветеринария амалиётига жорий этилган (Ўзбекистон Республикаси Қишлоқ хўжалиги вазирлиги хузуридаги  Ветеринария ва чорвачиликни ривожлантириш қўмитасининг 2024-йил 17-декабрдаги №02/23-722-сонли маълумотномаси). Натижада «Антимиопатик 2» препаратини қўлланилганда сигирларнинг сут маҳсулдорлигини ва пуштдорлигини ошириш орқали ҳар бир бош сигир ҳисобига ўртача бир йилда 1913000 сўмдан иқтисодий самара олишга эришилган;
қорамоллар тухумдонларининг постнатал онтогенезида фалликулогенезни стимуллаш мақсадида «Антимиопатик 2» препаратини 20 мл мускул орасига икки маротаба қўллаш усули Қорақолпоғистон Республикаси Нукус туманидаги “ҚОНИРАТБАЙ МЕХРИ” фермер хўжалиги, Хоразм вилояти Хива туманидаги “УМИДЛИ ҚОРАҚУМ” ва “УСТА АБДУЛЛА” фермер хўжаликларига жорий этилган (Ўзбекистон Республикаси Қишлоқ хўжалиги вазирлиги хузуридаги Ветеринария ва чорвачиликни ривожлантириш қўмитасининг 2024 йил 17 декабрдаги №02/23-722-сонли маълумотномаси). Натижада турли ёшдаги қорамолларда витамин ва минераллар гомеостазини мейъёрлаштириш, иккиламчи фалекулалар сонини ошиши ҳамда репродуктив функсияни яхшилашга эришилган.