Холдаров Муҳаммаджон Шохрухбек ўғлининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):  “Ғўза қатор ораларига ишлов берувчи култиватор-чуқур юмшаткич иш органини ишлаб чиқиш ва параметрларини асослаш” 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш. (техника фанлари). 
Диссертация мавзуси рўйхатга олинган рақам: B2024.4.PhD/Т2323.
Илмий раҳбари техника фанлари доктори, профессор Худойбердиев Толибжон Солиевич,   техника фанлари номзоди, доцент Мамадалиев Маҳаммаджон Хабибуллаевич
Диссертация бажарилган муассаса (муассасалар) номи: Андижон қишлоқ хўжалиги ва агротехнологиялар институти
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.05/30.06.2021.Т.126.02
Расмий оппонентлар: Игамбердиев Асқар Кимсанович, техника фанлари доктори, профессор ва Бойбобоев Набижон Ғуломович техника фанлари доктори, профессор тайинланган.
Етакчи ташкилот: Етакчи ташкилот сифатида, «Наманган мухандислик-технологиялар институти» Диссертация йўналиши: назарий ва амалий аҳамиятга лойиқ.
II.Тадқиқотнинг мақсади: ғўза қатор ораларига ишлов берувчи култиватор чуқур-юмшаткич иш органини ишлаб чиқиш ва параметрларини асослаш йўли билан юмшатилган тупроқ қатламларида сув ва ҳаво режимини яхшилаш, ўсимлик илдиз тизимини ривожланиши учун замин яратишдан иборат.
III.Тадқиқотнинг илмий янгилиги: ғўза қатор ораларига ишлов берувчи култиватор-чуқур юмшаткич иш органини тупроқ остки қисмини қўйилган талаб даражасида сифатли юмшатилишини таʼминлашини ҳисобга олган ҳолда машинанинг чуқур юмшаткичи ишлаб чиқилган;
ғўза қатор ораларига ишлов берувчи култиватор-чуқур юмшаткич машинасининг чуқур юмшатувчи иш органини рамада жойлашиш параметрларини ғўза илдиз тизими ва ривожланишини ҳамда ҳимоя йўлагини ҳисобга олган ҳолда асосланган;
чуқур юмшаткич иш органини тупроққа кириш ва ўткирланиш бурчаклари, исканасининг кенглиги ва узунлиги ҳамда тортишга қаршилигини аниқлаш имконини берувчи аналитик ифодалар тупроқ хоссалари (намлиги, зичлиги, қаттиқлиги) ва машинанинг ҳаракат тезлигини ҳисобга олган ҳолда ишлаб чиқилган;
чуқур юмшаткич иш органининг агротехник ва энергетик кўрсаткичлари орасидаги боғлиқликни акс эттирувчи регрессия тенгламалари тизими ишлаб чиқилган. Бу тизимни биргаликда ечиш орқали, минимал энергия сарфи эвазига максимал агротехник самарадорликни таъминловчи мақбул иш орган параметрлари аниқланган.
IV. Тадқиқот натижаларининг жорий қилиниши.Ғўза қатор ораларига ишлов берувчи култиватор-чуқур юмшаткич иш органини ишлаб чиқиш ва параметрларини асослаш бўйича олинган натижалар асосида қуйидагиларга эришилган;
ғўза қатор ораларига ишлов берувчи култиватор-чуқур юмшаткич 
(Патент УЗ ФАП 01897) ва чуқур юмшаткич иш органи (Патент УЗ ФАП 02147) учун фойдали моделларига 2 дона патентлари олинган. Гʻўза қатор ораларига ишлов берувчи култиватор-чуқур юмшаткичга дастлабки талаблар ва техник топшириқ ишлаб чиқилган. (Ўзбекистон Республикаси Қишлоқ хўжалиги вазирлиги ҳузурудаги қишлоқ хўжалигида билим ва инновациялар  миллий марказининг 2024 йил                 7 августдаги 05/04-04-367-сон маълумотномаси). Натижада чуқур юмшаткичли иш органлари билан жиҳозланган култиватор-чуқур юмшаткич яратилган;
ғўза қатор ораларига ишлов бериш учун ишлаб чиқарилган култиватор-чуқур юмшаткичнинг тажриба нусхаси Андижон вилоятининг Андижон ва Балиқчи туманлари фермер хўжаликларида жорий этилган (Ўзбекистон Республикаси Қишлоқ хўжалиги вазирлиги ҳузурудаги қишлоқ хўжалигида билим ва инновациялар  миллий марказининг 2024 йил 7 августдаги 05/04-04-367-сон маълумотномаси). Натижада чуқур юмшаткич иш органлари билан жиҳозланган култиватор қўлланилганда меҳнат сарфи 51,0 фоизга ва бир гектар майдонга сарфланган эксплуатасион ҳаражатлар 32% га камайишига эришилган; 
ғўза қатор ораларига ишлов бериш учун ишлаб чиқарилган култиватор-чуқур юмшаткичнинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) «АндижонТехМаш» МЧЖ да лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлиги ҳузурудаги қишлоқ хўжалигида билим ва инновациялар  миллий марказининг 2024 йил 7 августдаги 05/04-04-367-сон маълумотномаси). Натижада ғўза қатор ораларига ишлов бериш учун ишлаб чиқарилган култиватор-чуқур юмшаткични яратилишига асос бўлган.