Обидов Ҳамид Олимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Экспанзер гази таркибидаги нордон компонентларни ишқорий тозалаш технологиясини ишлаб чиқиш», 02.00.08 – Нефт ва газ кимёси ва технологияси (техника фанлари).
Диссертация мавзуси рўйхатга олинган рақам: B2022.4.PhD/Т3227.
Илмий раҳбар: Ахмедов Вохид Низомович, техника фанлари номзоди, профессор.
Диссертация бажарилган муассасалар номи: Бухоро муҳандислик-технология институти.
ИК фаолият кўрсатаётган муассаса номи, ИК рақами: Бухоро муҳандислик-технология институти, DSc.03/28.02.2022.Т.101.01. 
Расмий оппонентлар: Маҳмудов Мухтор Жамолович, кимё фанлари доктори, профессор; Ўринов Улуғбек Комилжонович, техника фанлари доктори, профессор. 
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: экспанзер гази таркибидаги нордон компонентларни ишқорий ва ишқорий ер металл гидроксидлари ёрдамида аралаш хемосорбсион тозалаш жараёни ва технологиясини такомиллаштиришдан иборат.
III. Тадқиқотнинг илмий янгилиги:
экспанзер газидан водород сулфид ва карбонат ангидридни аралаш хемосорбсион усулда тозалаш жараёнининг оптимал муҳитининг мақбул чегаравий қиймати  pH 8 ва ундан  юқори бўлиши натижасида ишқорий муҳит ҳосил бўлиши илмий асосланган;  
ишқорий ва ишқорий ер металл гидроксидлари иштирокида аралаш хемосорбсион жараённинг термодинамик параметрлари ҳисобланган ва аралашмаларнинг тегишли улушлари кесимида реакция бориши учун мақбул шароит яратилган;  
аралаш хемосорбсион жараёнда водород сулфид ва карбонат ангидриднинг ютилиш жараёнида бир-бирига таъсирини ўрганиш натижасида 10 %  ли гидроксидларнинг нисбатлари 9:1 ни ташкил этиши илмий асосланган;  
аралаш хемосорбсия учун технологик жараённинг оптимал параметрлари аниқланган ва мақбул шароитлар асосида экспанзер газини хемосорбсион тозалаш технологияси яратилган. 
IV. Тадқиқот натижаларининг жорий қилиниши. Экспанзер гази таркибидаги нордон компонентларни ишқорий ва ишқорий ер металл гидроксидлари ёрдамида аралаш хемосорбсион тозалаш жараёни ва технологиясини такомиллаштириш бўйича олинган илмий натижалар асосида: 
экспанзер гази таркибидаги нордон компонентларни ишқорий тозалаш технологияси “Газли газни қайта ишлаш заводи”нинг “2024-2026 йилларда амалиётга жорий этиш бўйича истиқболли ишланмалар рўйхати”га киритилган (Газли нефт ва газ қазиб чиқариш бошқармасининг 2023 йил 2 августдаги 01/1-24-1738-сонли маълумотномаси). Натижада,  NaOH ва Ca(OH)2 нинг 10% ли эритмалари асосида хемосорбсия жараёни ташкил этилиб, газ таркибидаги водород сулфид ва карбонат ангидридларни тўлиқ ютилишига эришиш имконини беради;
аралаш хемосорбсия усулида газни тозалаш қурилмаси “Газли газни қайта ишлаш заводи”нинг “2024-2026 йилларда амалиётга жорий этиш бўйича истиқболли ишланмалар рўйхати”га киритилган (Газли нефт ва газ қазиб чиқариш бошқармасининг 2023 йил  2 августдаги 01/1-24-1738-сонли маълумотномаси). Натижада, бир йил мобайнида факелда ёндириладиган 1,9 млн.м3 экспанзер газини кимёвий нордон компонентлардан тозалаш ва  товар газга айлантириш имконини беради.