Тожиев Бобурбек Абдулхаким ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Чўзиш дастгоҳида мис материалларидан тайёрланадиган симларга ишлов берувчи жиҳоз конструксиясини такомиллаштириш”, 05.02.05 – “Механик ва физик – техник ишлов бериш технологиялари ва жараёнлари. Станоклар ва асбоб ускуналар” ихтисослиги.
Диссертация мавзуси рўйхатга олинган рақам: Б2024.1.PhD/Т4453.
Диссертация бажарилган муассаса номи: Фарғона давлат техника университети
ИК фаолият кўрсатаётган муассаса номи, ИК рақами: Тошкент давлат техника университети ҳузуридаги DSc.03/30.12.2019.Т.03.04. рақамли Илмий Кенгаш.
Илмий раҳбар: Файзиматов Шухрат Нуманович, техника фанлари доктори, профессор.
Расмий оппонентлар: Кушимов Бахтиёр Алишович, техника фанлари доктори, профессор; Шахобутдинов Рустам Эркинович, техника фанлари бўйича фалсафа доктори (ПҳД), доцент.
Етакчи ташкилот: Андижон давлат техника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади чўзиш дастгоҳида мис материалларидан тайёрланадиган симларга ишлов берувчи жиҳоз конструксиясини такомиллаштиришдан иборат.
 III. Тадқиқотнинг илмий янгилиги:
мис материалларидан тайёрланадиган симларни чўзиш жараёнида фойдаланиладиган жиҳоз конструксияси, ишчи юзасига қаттиқ қотишма материалидан тайёрланган филлер бириктирилувчи валоклар ҳамда подшипник шарикларининг механик хоссаларига боғлиқ равишда ишлаб чиқилган;
чўзиш дастгоҳида йиғма валоклар орқали мис материалларидан тайёрланадиган симларни цилиндрик шаклда чўзишнинг оптимал параметрларини аниқлаш учун дастгоҳнинг барқарор ишлаш вақтига боғлиқ равишда математик модел ишлаб чиқилган;
БCК-13 моделли чўзиш дастгоҳида юзага келадиган йўқотишлар миқдорининг ўзгариш динамикаси йиғма валоклар билан мис материалларидан тайёрланадиган симларни чўзиш усули асосида ишлаб чиқилган;
чўзиш дастгоҳида мис материлларидан тайёрланадиган симларни йўғон чўзиш усули ва сим материали хоссаларининг оптимал параметрларни ҳисоблаш учун дастурий таъминот ишлаб чиқилган;
чўзиш дастгоҳининг самарадорлигини ошириш учун ишлаб чиқарилаётган мис материалларидан тайёрланган симларни деформация даражаси ва технологик жиҳознинг ишчи конус бурчагини ҳисобга олган ҳолда чўзиш босқисҳларининг оптимал қийматларини аниқлаш учун  чўзиш алгоритми ишлаб чиқилган.
IV.Тадқиқот натижаларининг жорий қилиниши. Чўзиш дастгоҳида мис материалларидан тайёрланадиган симларга ишлов берувчи жиҳоз конструксиясини такомиллаштириш туфайли илмий натижалар олинган:
мис материалларидан тайёрланадиган симларни чўзиш жараёнида қўлланиладиган жиҳоз конструксияси “Андижанкабел” АЖ қўшма корхонасининг 1-сонли цехида жорий қилинган (“Ўзелтехсаноат” уюшмасининг 2024 йилнинг 16-майдаги №04-3/706 сон маълумотномаси). Натижада қаттиқ қотишмадан тайёрланган валокнинг хизмат муддати 10-12 % га ошган;
чўзиш дастгоҳида йиғма шарикли валоклар орқали мис материалларидан тайёрланадиган симларни цилиндрик чўзишнинг оптимал параметрларини аниқлаш учун математик модел “Андижанкабел” АЖ қўшма корхонасида жорий қилинган (“Ўзелтехсаноат” уюшмасининг 2024 йилнинг 16-майдаги №04-3/706 сон маълумотномаси). Натижада дастгоҳнинг барқарор иш вақти 7-8 % ошган;
БCК-13 моделли чўзиш дастгоҳида шарикли технологик жиҳозлар билан йўғон чўзиш усулининг параметрлари “Андижанкабел” АЖ қўшма корхонасининг 10-сонли цехида жорий қилинган (“Ўзелтехсаноат” уюшмасининг 2024 йилнинг 16-майдаги №04-3/706 сон маълумотномаси). Натижада мис материалларидан тайёрланадиган симларни чўзиш жараёнида юзага келадиган йўқотишлар миқдори 5-7 % камайган.