Зуфарова Зульфия Улугбек қизининг
фалсафа доктори (Phd) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Разработка функционального дизайна гидрокостюма с повышенными защитными свойствами на основе формирования его компонентов” 05.06.04 – “Тикув буюмлари технологияси ва костюм дизайни” (техника фанлари).
Диссертация мавзуси рўйхатга олинган рақам: В2024.4.PhD/Т5129 
Илмий раҳбар: Ташпулатов Салих Шукурович, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.T.08.01.
Расмий оппонентлар: Абдукаримова Машхура Абдураимовна,  техника фанлари доктори, профессор; Набиджанова Наргиза Насимжановна, техника фанлари доктори, профессор.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади: экстремал эксплуатация шароитларида ҳаётий фаолият хавфсизлигини таъминлаш имконини берувчи гидрокостюмнинг функционал дизайни ва буюмнинг иссиқликдан ҳимоялаш, мустаҳкамлик ва ейилишга чидамлилик хусусиятларини ошириш учун материалнинг ғовакли структурасини шакллантириш усулини ишлаб чиқишдан иборат.
III. Тадқиқотнинг илмий янгилиги:
    гидрокостюмнинг функционал хусусиятларига таъсир қилувчи материалнинг тузилиши, бириктирувчи чокларнинг мустаҳкамлиги, материалнинг эластиклик хоссаси каби кўрсаткичлари аҳамиятлилик коэффициентларини эксперт баҳолаш асосида аниқланган;
    гидрокостюм учун лойиҳалаштирилган ғовакли эластомер материалининг эксплуатацион ва иссиқликдан ҳимоялаш хусусиятларини таъминловчи турли ўлчамдаги ғовакларнинг тартибли жойлашуви орқали янги тузилма яратилган ва материалнинг ғоваксимонлигини таъминловчи рационал таркиби ишлаб чиқилган;
    неопрен туридаги ғовакли материалнинг янги тузилишининг физик-механик хусусиятларини ҳисобга олган ҳолда "одам-гидрокостюм-сув муҳити" тизимида динамик мувофиқлик кўрсаткичлари асосида гидрокостюм конструкцияси участкаларининг орқа қисми узунлиги ва технологик ишлов бериш усуллари каби рационал параметрлари олинган;    
    материалнинг иссиқлик сақловчи (совуқдан ҳимоя қилиш) хусусиятини унинг турли ўлчамдаги ғовакларининг тартибли жойлашуви тузилмасига боғлиқлиги аниқланган, шунингдек, такомиллаштирилган ҳимоя хусусиятларига эга бўлган гидрокостюм қобиғининг конструктив функсионалигини шакллантириш механизми ва ташқи меҳаник таъсири оқибатида емирилишдан ҳимояловчи функционал дизайни ишлаб чиқилган. 
IV. Тадқиқот натижаларининг жорий қилиниши: Компонентларини шакллантириш асосида юқори фазовий хусусиятларга эга бўлган гидрокостюмнинг функционал дизайнини ишлаб чиқиш бўйича олинган илмий натижалар асосида:
сув остида эластиклик, иссиқлик изоляцияси, мустаҳкамлик ва ишқаланишга чидамлилик кўрсаткичлари юқори бўлган неопрен туридаги эластомер композицион ғовакли материал олиш усулига ихтирога патент олинган («Ғовакли материал олиш усули», № IAP 7753 , 23.08.2023). Жорий этиш натижасида ишнинг тезкорлиги ҳисобига самарадорлик 11% га ошган;
сув остида қутқарув ва техник ишларни бажариш учун юқори эргономик, ейилишга чидамлилик, мустаҳкамлик, иссиқлик изоляцияси ва функционал дизайн кўрсаткичларига эга бўлган гидрокостюм учун патентлар (патент № SAP 02245, № SAP 02452) ва «ProDeep,» яъни «профессионал чуқурлик» номли гидрокостюм учун фирма савдо белгиси олинган (патент № MGU 47710). Натижада лойиҳалаш жараёнида тезкор қарор қабул қилиш ҳисобига иш унумдорлиги 14% га ошишга эришилган;
гидрокостюм  «Профессионал дивинг» МЧЖ ва «ДИГИТАЛ ТEХТИЛE» МЧЖ, «ХУДОЙБEРДИЕВ ДОНИЁРВАЛИEВИЧ» ХК тикувчилик корхоналарида ишлаб чиқаришда жорий этилган («Ўзтўқимачиликсаноат» уюшмасининг 2024 йил 27 августдаги 03/25-2277-сон маълумотномаси). Натижада, тадқиқот асосида яратилган гидрокостюм нархи ва тахлил этилган Yamamoto бренди махсулоти нархи билан солиштирилганда, тавсия этилган гидрокостюмни ишлаб чиқариш унумдорлигини 16,8% га ошириш имконини берди, шунингдек, гидрокостюмнинг ҳимоя хусусиятлари яхшиланиши ҳисобига унинг хизмат муддати узайтирилган.