Байназов Умид Раимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): «Ангрен кўмир конида конвеер транспортини эксплуатация қилиш параметрларини оптималлаштириш», 04.00.16 – Кон машиналари (техника фанлари).
Диссертация мавзуси рўйхатга олинган рақам: B2022.2.PhD/ Т2818.
Илмий раҳбар: Тошов Жавоҳир Буриевич, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Миллий технологик тадқиқотлар университети «МИСИС»нинг Олмалиқ шаҳридаги филиали, DSc.22/30.12.2019.Т.98.01.
Расмий оппонентлар: Рахутин Максим Григоревич, техника фанлари доктори, профессор; Махмудов Азамат Махмудович, техника фанлари номзоди, доцент.
Етакчи ташкилот: “Олмалиқ кон-металлургия комбинати” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қайта юклаш пунктларини моделлаштириш ва оптимал геометрик параметрларини аниқлаш асосида конвеер транспортини эксплуатация қилиш параметрларини оптималлаштиришдан иборат.
III. Тадқиқотнинг илмий янгилиги:
тоғ жиснларини ташиш самарадорлигини оширишда конвеер транспортининг қайта юклаш пунктини чекли элементлар усули асосида моделлаштириш услуби ишлаб чиқилган;
конвеер тасмасининг деформация-кучланиш ҳолати тенгламаси тасма ҳаракати тезлиги ва қайта юклаш пункти бункери баландлигига боғлиқ равишда бир ва икки омилли регрессион моделлар ёрдамида асосланган;
конвеер транспортининг эксплуатацион коʼрсаткичларини оптималлаштиришда тасмасининг оптимал кенглиги ва унинг юкланганлик ҳамда деформация-кучланиш ҳолатига қараб ҳаракатланиш тезлиги аниқланган;
тоғ жинсларининг тасмага урилиш кучини минималлаштириш орқали конвеернинг қайта юклаш пунктининг геометрик параметрларини оптималлаштириш асосида бункернинг мақбул баландлиги аниқланган.
IV. Тадқиқот натижаларининг жорий қилиниши. Очиқ кон ишларида кон массасини ташишда тасмали конвеернинг параметрларини оптималлаштириш бўйича олинган илмий натижалар асосида:
қайта юклаш пунктининг геометрик параметрларини оптималлаштириш асосида лентали конвеердан бункернинг жойлашувини оптимал параметрларини аниқлаш усули "Ўзбеккўмир" АЖнинг Ангрен конида амалиётга жорий этилган ("Ўзбеккўмир" АЖнинг 2024 йил 6 сентябрдаги 01-13/1665-сон маълумотномаси). Натижада, конвеер транспортини лойиҳалашда таклиф этилаётган услуб конвеер тасмаси элементларининг тоғ жинси билан ўзаро таъсирида физик жараённинг динамикасини баҳолаш имконини берган;
тасмали конвеерни оптималлаштириш бўйича ишлаб чиқилган тавсиялар "Ўзбеккўмир" АЖнинг Ангрен конида амалиётга жорий этилган ("Ўзбеккўмир" АЖнинг 2024 йил 6 сентябрдаги 01-13/1665-сон маълумотномаси). Натижада, очиқ кон ишларида конвеер тасмасининг ишлаш муддатини 30 %га ошириш имконини берган.